Imamat Uram 15
15
Er Imtamnyi biryi, “Nining,” tenerur dinyi asi ninyi dam kurur dinyi deyok
15:1-33
1Ura, Er Iya Erebdobnyi biryi Musa ab, Harun ab asi ato ebmou. 2-3“Sun Israel ninyi asi ato ebdurum! ‘Sangkuna sun sal ara sun den u yiranci ba, yabung tuba yibarmururanci kum, yabung kum yibaranci kum ara Er Imtamnyi urasin dam asi nining atonyi kunkwandur. 4Ani, er a u taleandinyi bun sokon babyi, er man sokon babyi nirya ara Er Imtamnyi biryi nining ato tenen dikum kimnande. 5-8Ani, a u taleandinyi er nong bol kum, er bun sokon kum, er maranci sokon dam asi er ula lingloranca kum, er si maka tuluranci dikum asi yuk nang bolibingnyi ura, sun ongon aling ab, sun nong nirya ab me ilikoka kekdobkwanung. Ato kuboka me ilikoka kekdobingnyi ababyi, Er Imtamnyi urasintam ara tuba nining ato tenen nang kibmaci tok asi kiting wekwandur. 9Ani, a u taleandinyi er bisam unta deici kum, bisam keledai deici kum, bisam kuda deici kum bukmaci bun sokon ab ara Er Imtamnyi urasintam aryi nining tenen dinyi kibkwandur. 10Ani, a u taleandinyi er bukmaca olong asi yuk nang bolibingnyi nang ara sun ongon aling ab, sun nong nirya ab me ilikoka kekdongobkwanung! Ato kuboka me ilikoka kekdobingnyi ababyi, Er Imtamnyi urasintam ara tuba nining ato tenen nang kibmasici tok asi sintam kibkwandur. 11Ani, er a u taleandinyi biryi er taruk me ilingkarongna kum kubmariryok asi yuk nang taruk talebmaci ura, a talebmarinyi bira Er Imtamnyi urasintam aryi nining atonyi kibkwandur. Ati, er ongon aling babyi, er nong nirya babyi ara me ilikoka kekdobkwandur! Ato kuboka me ilikoka kekmaci ababyi, Er Imtamnyi urasintam aryi tuba nining atonyi kibmaci tok asi kiting wekwandur. 12Ani, er a u taleandinyi biryi tukwe aryi kikniraming belanga bolibmaci ura, a belanga ara tolobkabkwandur! Ba, kwaning yun ai deiraming bona nirya ara me aryi ilikwandur! Ara, co aryi kikniboka deiraming kwaning yuna nirya ara me aryi ilikwandur!
13A u taleandinyi bira sangkuna er a taleanci u sirya lobdobmariryi, Er Imtamnyi urasintam aryi nining ato tenen kumnyi kibkwamaci ura, uki nabaryi ur kaliklobkwandur. Ba, uki tabaryi tum ara er ongon aling babyi, er nong nirya babyi yiban me aryi ilikoka kekdobkwandur. Ura, anyi bira me ilingdonanyi ato kubkwandur. 14Ba, uki inbaryi tum ara a u taleandinyi biryi Er Iya Erebdobnyi urasin dam Kemah Suci ai bisik bublan dam maka bitinyi boyankwandur. Ara, maka emnanyi mi bitinyi kum, maka tekukur bitinyi kum boyandoka er imam taruk dam karebkwandur. 15Ba, imam biryi a maka bitinyi nirya bokoka dama deibkwandur. Ba, ton maka ara Er Imtamnyi biti er malyi kun dinyi kilina Korban Penghapus Dosa ati oboka yalibkwandur. Ura, ton maka ara Er Imtamnyi biti maka nong nirya dama deiboka uk dabkwandur. A yabung deiboka ula yibarandinyi ab, Er Imtamnyi ab antanirdana ati imam biryi ato kuboka dama deiboka uk dabkwandur.
16Ura, sal tentoknyi biryi teneboka kum uca, sangkuna er den ala yibinmaci ura, er nong nirya me kekwandur! Ato kuboka sirya me kekmaci ababyi, erda tuba nining atonyi kunmaci asi sintam kibkwandur. 17Ani, sal tentoknyi er den ala aryi ongon aling kum, bisam kala aryi man sokon kikniraming amsuna kum, bun sokon kum bolibmaci ura, me aryi ilikwandur. Bok, ato kuboka sirya me ilikmaci ababyi, tuba nining ato tenen ongon aling kibmaci tok asi sintam kibkwandur.
18Ani, ner ab, sal ab tonkwa mabmaringiryi, den ala diklobmaringnyi ura, sun nong nirya me kekwandurung. Ato kuboka sirya me kekmaringnyi ababyi, sunda nining ato tenen ner ab, sal ab tuba kibmaringnyi tok asi sintam kibkwandur.
19Ba, sun kwat ining yibanmaci nerabwe ara uki tabaryi nirya ara nining ato nerabwe kubkwandarur. Ani, unanyi biryi sun a ukunmaci nerabwe asi bolibmarinyi bira nining atonyi kunmaci tok asi sintam kibkwandur. 20Ani, sun nerabwe a ining yibaranci talak aryi buramingnyi sokon ab, maramingnyi sokon ab ara sun yuk ninyi aryi bukoka mardena mem! Ara, sirya nining ato tenen dinyi kibkwandur. 21-23Sun a ining yibaranci nerabwe buramingnyi sokon kum, maramingnyi sokon kum asi bolibmarinyi bira er ongon aling ab, er nong ab nirya me ilikoka kekdobkwandarur. Ato kuboka ilikoka kekmamunyi bok, tuba nining ato tenen nang kunmamunyi asi sintam kibkwandur. 24Ba, sun sal aryi a ining yibanmaci ner ab mabmamunyi ura, anyi bira uki tabaryi nirya ara nining atonyi kubkwandur. Ani, sun mabmaringnyi sokon nirya ara nining ato tenen man sokon kibkwandur.
25Ba, ner tentok asi ining yibarande talak kuma bok ining tuba-tuba yibaranci ura, a yibaranci talak nirya ara a ner ining yibaranci ba, kuranci to kunkwandur. Ara, a ner a yibaranci uki tum nirya nining ato tenen ner tuba kunkwandur. 26Ani, a tuba yibaranci ba, maranci sokon ab, buranci sokon ab, er kaluranci kaluna ab nirya ara nining ato tenen dinyi kubkwandur. Ara, a ner ining yibarande talak aryi yibarandiryi ining boliranci dinyi nirya ara nining ato dinyi kimdeiraming to kubkwandarur. 27Ba, er a yibaranci ner ining boliranci dinyi nirya asi bolibmaci ner kum sal kum ara er ongon aling ab, er nong nirya ab ara me ilikoka kekdongobkwandur. Ato kuboka sirya me ilikoka kekmaci ababyi tuba nining atonyi kibmaci tok asi sintam kibkwandur. 28Bok, a ner ining yibaranci ani sirya sekdobci ura, uki tabaryi nirya ara ur kalikoka bukwandur. Ba, uki inbaryi tum ara nining ato ner tenena kum, eda me ilikdob ner kibkwandur. 29A uki inbaryi tum ara Kemah Suci ai bisik bublan dam er imam bisi maka tekukur bitinyi kum, maka emnanyi mi bitinyi kum bobinkwandur. 30Ba, imam biryi bokoka ton maka ara, “A ining yibaranci ner er malyi kun dinyi kilibkwande,” tenen ati oboka uk dabkwandur. Ba, ton maka ara Er Imtamnyi biti oboka nong nirya uk yalibkwandur. Ato kuboka Er Imtamnyi ab, a ner ab antanirdeirina ati, imam biryi dama deiboka molobliknibkwandur,’ ebdum,” ebmou.
31Er Imtamnyi biryi Musa bisi ato ebmou. “Sun Israel ninyi asi ato ebdum! ‘Ni Imtamnyi biryi nining teneran dinyi kunuraming talak ab, nining teneran dinyi kum kunuraming talak ab ara sunci diboka bikwandarur! Ba, sun kankan dam aryi Ni Imtamnyi ai kubkwande asi, Niryi nining ato tenenun dinyi bobdongobingnyei! Ato kuboka bobdongobingnyi deyok aryi sun malyi kun dinyi kum kilibdobmangiryok dibingnyei.
32Ara, sal tentok er den u yirandinyi er den ula kum, den ala kum asi yibarandinyi bira nining atonyi kibdeibdankwandur. Ato kurandinyi bira, “Ato kubde binkwandur,” eboka kerek sekeibwe. 33Ani, ner aryi bunga ining yibaranci ner ab, er den ala talyi yibaranci sal ab, er ining tuba yibanmaci ner bok asi sal ab maraming ner ab sal ab ati ato ebdeibwe,’ sun Israel ninyi asi ebdum,” ebmou.
Currently Selected:
Imamat Uram 15: MTG
Highlight
Copy
Compare
Share
Want to have your highlights saved across all your devices? Sign up or sign in
@LAI 2007 (New Testament), @LAI2022 (Old and New Testament)
Imamat Uram 15
15
Er Imtamnyi biryi, “Nining,” tenerur dinyi asi ninyi dam kurur dinyi deyok
15:1-33
1Ura, Er Iya Erebdobnyi biryi Musa ab, Harun ab asi ato ebmou. 2-3“Sun Israel ninyi asi ato ebdurum! ‘Sangkuna sun sal ara sun den u yiranci ba, yabung tuba yibarmururanci kum, yabung kum yibaranci kum ara Er Imtamnyi urasin dam asi nining atonyi kunkwandur. 4Ani, er a u taleandinyi bun sokon babyi, er man sokon babyi nirya ara Er Imtamnyi biryi nining ato tenen dikum kimnande. 5-8Ani, a u taleandinyi er nong bol kum, er bun sokon kum, er maranci sokon dam asi er ula lingloranca kum, er si maka tuluranci dikum asi yuk nang bolibingnyi ura, sun ongon aling ab, sun nong nirya ab me ilikoka kekdobkwanung. Ato kuboka me ilikoka kekdobingnyi ababyi, Er Imtamnyi urasintam ara tuba nining ato tenen nang kibmaci tok asi kiting wekwandur. 9Ani, a u taleandinyi er bisam unta deici kum, bisam keledai deici kum, bisam kuda deici kum bukmaci bun sokon ab ara Er Imtamnyi urasintam aryi nining tenen dinyi kibkwandur. 10Ani, a u taleandinyi er bukmaca olong asi yuk nang bolibingnyi nang ara sun ongon aling ab, sun nong nirya ab me ilikoka kekdongobkwanung! Ato kuboka me ilikoka kekdobingnyi ababyi, Er Imtamnyi urasintam ara tuba nining ato tenen nang kibmasici tok asi sintam kibkwandur. 11Ani, er a u taleandinyi biryi er taruk me ilingkarongna kum kubmariryok asi yuk nang taruk talebmaci ura, a talebmarinyi bira Er Imtamnyi urasintam aryi nining atonyi kibkwandur. Ati, er ongon aling babyi, er nong nirya babyi ara me ilikoka kekdobkwandur! Ato kuboka me ilikoka kekmaci ababyi, Er Imtamnyi urasintam aryi tuba nining atonyi kibmaci tok asi kiting wekwandur. 12Ani, er a u taleandinyi biryi tukwe aryi kikniraming belanga bolibmaci ura, a belanga ara tolobkabkwandur! Ba, kwaning yun ai deiraming bona nirya ara me aryi ilikwandur! Ara, co aryi kikniboka deiraming kwaning yuna nirya ara me aryi ilikwandur!
13A u taleandinyi bira sangkuna er a taleanci u sirya lobdobmariryi, Er Imtamnyi urasintam aryi nining ato tenen kumnyi kibkwamaci ura, uki nabaryi ur kaliklobkwandur. Ba, uki tabaryi tum ara er ongon aling babyi, er nong nirya babyi yiban me aryi ilikoka kekdobkwandur. Ura, anyi bira me ilingdonanyi ato kubkwandur. 14Ba, uki inbaryi tum ara a u taleandinyi biryi Er Iya Erebdobnyi urasin dam Kemah Suci ai bisik bublan dam maka bitinyi boyankwandur. Ara, maka emnanyi mi bitinyi kum, maka tekukur bitinyi kum boyandoka er imam taruk dam karebkwandur. 15Ba, imam biryi a maka bitinyi nirya bokoka dama deibkwandur. Ba, ton maka ara Er Imtamnyi biti er malyi kun dinyi kilina Korban Penghapus Dosa ati oboka yalibkwandur. Ura, ton maka ara Er Imtamnyi biti maka nong nirya dama deiboka uk dabkwandur. A yabung deiboka ula yibarandinyi ab, Er Imtamnyi ab antanirdana ati imam biryi ato kuboka dama deiboka uk dabkwandur.
16Ura, sal tentoknyi biryi teneboka kum uca, sangkuna er den ala yibinmaci ura, er nong nirya me kekwandur! Ato kuboka sirya me kekmaci ababyi, erda tuba nining atonyi kunmaci asi sintam kibkwandur. 17Ani, sal tentoknyi er den ala aryi ongon aling kum, bisam kala aryi man sokon kikniraming amsuna kum, bun sokon kum bolibmaci ura, me aryi ilikwandur. Bok, ato kuboka sirya me ilikmaci ababyi, tuba nining ato tenen ongon aling kibmaci tok asi sintam kibkwandur.
18Ani, ner ab, sal ab tonkwa mabmaringiryi, den ala diklobmaringnyi ura, sun nong nirya me kekwandurung. Ato kuboka sirya me kekmaringnyi ababyi, sunda nining ato tenen ner ab, sal ab tuba kibmaringnyi tok asi sintam kibkwandur.
19Ba, sun kwat ining yibanmaci nerabwe ara uki tabaryi nirya ara nining ato nerabwe kubkwandarur. Ani, unanyi biryi sun a ukunmaci nerabwe asi bolibmarinyi bira nining atonyi kunmaci tok asi sintam kibkwandur. 20Ani, sun nerabwe a ining yibaranci talak aryi buramingnyi sokon ab, maramingnyi sokon ab ara sun yuk ninyi aryi bukoka mardena mem! Ara, sirya nining ato tenen dinyi kibkwandur. 21-23Sun a ining yibaranci nerabwe buramingnyi sokon kum, maramingnyi sokon kum asi bolibmarinyi bira er ongon aling ab, er nong ab nirya me ilikoka kekdobkwandarur. Ato kuboka ilikoka kekmamunyi bok, tuba nining ato tenen nang kunmamunyi asi sintam kibkwandur. 24Ba, sun sal aryi a ining yibanmaci ner ab mabmamunyi ura, anyi bira uki tabaryi nirya ara nining atonyi kubkwandur. Ani, sun mabmaringnyi sokon nirya ara nining ato tenen man sokon kibkwandur.
25Ba, ner tentok asi ining yibarande talak kuma bok ining tuba-tuba yibaranci ura, a yibaranci talak nirya ara a ner ining yibaranci ba, kuranci to kunkwandur. Ara, a ner a yibaranci uki tum nirya nining ato tenen ner tuba kunkwandur. 26Ani, a tuba yibaranci ba, maranci sokon ab, buranci sokon ab, er kaluranci kaluna ab nirya ara nining ato tenen dinyi kubkwandur. Ara, a ner ining yibarande talak aryi yibarandiryi ining boliranci dinyi nirya ara nining ato dinyi kimdeiraming to kubkwandarur. 27Ba, er a yibaranci ner ining boliranci dinyi nirya asi bolibmaci ner kum sal kum ara er ongon aling ab, er nong nirya ab ara me ilikoka kekdongobkwandur. Ato kuboka sirya me ilikoka kekmaci ababyi tuba nining atonyi kibmaci tok asi sintam kibkwandur. 28Bok, a ner ining yibaranci ani sirya sekdobci ura, uki tabaryi nirya ara ur kalikoka bukwandur. Ba, uki inbaryi tum ara nining ato ner tenena kum, eda me ilikdob ner kibkwandur. 29A uki inbaryi tum ara Kemah Suci ai bisik bublan dam er imam bisi maka tekukur bitinyi kum, maka emnanyi mi bitinyi kum bobinkwandur. 30Ba, imam biryi bokoka ton maka ara, “A ining yibaranci ner er malyi kun dinyi kilibkwande,” tenen ati oboka uk dabkwandur. Ba, ton maka ara Er Imtamnyi biti oboka nong nirya uk yalibkwandur. Ato kuboka Er Imtamnyi ab, a ner ab antanirdeirina ati, imam biryi dama deiboka molobliknibkwandur,’ ebdum,” ebmou.
31Er Imtamnyi biryi Musa bisi ato ebmou. “Sun Israel ninyi asi ato ebdum! ‘Ni Imtamnyi biryi nining teneran dinyi kunuraming talak ab, nining teneran dinyi kum kunuraming talak ab ara sunci diboka bikwandarur! Ba, sun kankan dam aryi Ni Imtamnyi ai kubkwande asi, Niryi nining ato tenenun dinyi bobdongobingnyei! Ato kuboka bobdongobingnyi deyok aryi sun malyi kun dinyi kum kilibdobmangiryok dibingnyei.
32Ara, sal tentok er den u yirandinyi er den ula kum, den ala kum asi yibarandinyi bira nining atonyi kibdeibdankwandur. Ato kurandinyi bira, “Ato kubde binkwandur,” eboka kerek sekeibwe. 33Ani, ner aryi bunga ining yibaranci ner ab, er den ala talyi yibaranci sal ab, er ining tuba yibanmaci ner bok asi sal ab maraming ner ab sal ab ati ato ebdeibwe,’ sun Israel ninyi asi ebdum,” ebmou.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
@LAI 2007 (New Testament), @LAI2022 (Old and New Testament)