Imamat Uram 13
13
Kusta yun talen deyok
13:1-59
1Ura, Er Iya Erebdobnyi biryi Musa ab Harun ab asi ato ebdeibmou. 2“Sun kankan dam aryi sangkuna ninyi tentok aryi susa youn talebkwandinyi er nong bol nirya ara borbotom eboka ining bilungdaranci kum, er kala longnanci kum ura, imam Harun ab, er mabwe sun imam nang ab asi bobde binkwandarur! 3Ba, er imam biryi a eibmaci nong bol borbotomna youn asi sun nong bol liliboka dibdenkwandur. Ba, Dirderanci uca, a taleanci dikum ara sirya yabung deiboka nong bol ukde yirandinyi nong otong asi kul otong aboka, kimnanci ura, susa youn sirya taleandinyi kurandur. Ura, er imam biryi ato kuboka yiranci asi eiboka sun a nang ara duknasitonyi kibdeibkwandur. 4Bok, sangkuna anyi alib nong bol asi kurun bol kiboka, alib kala akwe susa bukoka, nong bol otong ababyi kul otong ana kum kuranci ura, a nang ara er imam biryi uki tabaryi sun ai yuk dobdeibkwandur. 5Ba, uki tabaryi sirya mabci ura, uki ta tum berekci ura, er imam biryi, ‘Anyi bira susa youn sirya lobdobwe do?’ tenen tubto liliboka dibdenkwandur. Uca, tuba taleanci bok, sun nong bol a nirya taleboka weik kimna kum kuranci ura, tubto uki tabaryi er ai yuk dobdeibkwandur. 6Ani, tubto er imam biryi a susa youn taleranci ba, inibdeiandinyi bisi, ‘Sirya lobdobwe do?’ teneboka liki bitinyi dinyi tubto liliboka dibdenkwandur. Liliboka dirderanci uca, lobdobkwamariryi borbotomna demang kunmaci ura, ‘Sirya lobdobkwamar,’ ebkwandur. Ato kuboka sirya ebci ura, a susa youn taleandinyi bira er ongon aling me ilikdobkwandur. Ba, duknasitonyi kuna kumci, me ilikdobnyi kibkwandur. 7Bok asi, a susa youn taleandinyi biryi er imam bisi, ‘Tubto liliboka dibdenurum,’ ebci ba, tubto liliboka dibdenkwandur. Ba, liliboka dirderanci uca, er nong bol nirya yabung deiranci ura, er imam biryi tubto liliboka dibdenkwandur. 8Ura, er imam biryi a taleandinyi bisi liliboka dirderanci uca, er nong bol nirya talebde kuranci ura, er imam biryi a susa youn talerandinyi bisi duknasitonyi kibdeibkwandur. Ato kibdeibkwamaci ara ilil tenen susa youn doranci ati kubdeibkwandur.
9Ba, er susa youn taleandinyi bira er imam dam bobinkwandarur. 10Bobici ba, er imam biryi liliboka dirderanci uca, a susa youn eiandinyi nong bol ara borbotom erdarandur. Borbotom erdaranci ura, er nong bol ara kait bol deirirandur. Ani, er nong bol deici nirya ara malyi tub kibkwandur. Ato kuranci ura, ‘Anyi bira sirya ilil tenen susa eiboka yirur,’ ebkwandur. 11Akiryi er imam biryi a susa yirandinyi bisi ato ebkwandur. ‘Kanda Er Imtamnyi biryi duknasito tenerur youn sirya eiboka yikurur.’ Akiryi Er Imtamnyi urasintam aryi, ‘Kanda sirya nining ato tenenanyi kurum,’ ebkwandur. Ato ebci ura, a youn taleandinyi bira boboka inirdeirina kum kubkwandur.
12-13Ba, er imam biryi susa youn taleandinyi bisi liliboka diranci uca, er nong bol nirya kisok aryi kuboka yan te tang nirya yabung deiranci ura, er imam biryi a susa youn talerandinyi bisi ato ebkwandur, ‘Kan talebkou youn si susa ara sirya lobdobmakir. Ati kan me ilikdob nang sirya kibmakir,’ ebkwandur. 14-16Bok, er nong bol nirya ara malyi tub burdaranci ura, erda sirya nining atonyi tuba kunkwandur. Atonyi kuranci ura, er imam biryi tubto liliboka dibdenkwandur. Ato kuboka dirderanci uca, a nining tenen dinyi aryi sirya malyi tub burdaranci ura, ‘Erda susa youn sirya eibkou,’ ebkwandur. A youn ara nining tenen dinyi aryi ato ebkwandur. Bok a, burdaranci malyi tub asi kum dandoka mitik kibdiryi yabung demang kibci ura, er a youn taleandinyi biryi er imam dam bindoka, ‘Nira ato kubmanir,’ erbinkwandur. 17Ato kuboka erbici ba, er imam biryi tubto liliboka dirdenkwandur. Dirderanci uca, er nong bol nirya ara kait yabung deiranci ura, ‘Kanda sirya lobdobmakirci me ilikdobtonyi kibkir,’ ebkwandur.
18-19Tonda, sangkuna er nong bol asi torok eiandur. Ani, sirya lobdanci bok asi, a eianci torok dilaka dikum aryi tubto lolobkwamariryi, ining bilungmaci ura, sun ato kunmarinyi biryi er imam bisi, ‘Ni kunmanir dinyi liliboka dibdenurum,’ ebkwandur. 20Ba, liliboka dirderanci uca, a ining bilungmaci dinyi ara lulubdongoboka weik yibkwamarci, ‘Ining yabung bilungmar,’ ebkwandur. Ura, er imam biryi a eibmarinyi bisi, ‘Nining tenen dinyi sirya eibmakir,’ ebkwandur. 21Bok asi, a yabung deirinmaci dinyi asi er imam biryi liliboka dibdenkwandur. Dirderanci uca, a torok eianci dikum umbura aryi mitik kait otong ton kum dobci ura, a ukoka yiranci dinyi ara bol alib demang yinmaci ura, sun imam nang aryi sun a yinmarinyi bisi yuk mutuk boboka uki tabaryi inibdeibkwandur. 22Ato kubmaci ba, er nong bol nirya eiboka yibdebaci ura, er imam biryi a talebmarinyi bisi, ‘Kanda susa youn sirya talebkou deyok aryi nining tenen dinyi kubkou,’ ebkwandur. 23Uca, a torok dilaka dikum ara tuba minob a kuanci to kubmaci ura, er imam biryi, ‘Kanda sirya lobdobkouci, nining tenen dinyi kum dandobkou,’ ebkwandur.
24-25Ba, sangkuna uk yianci ba, loloranci ati u dorandinyi er dilaka asi yabung deiboka ining yabung ababyi deirandur. Ato kuranci ura, er imam biryi tubto liliboka dibdenkwandur. Liliboka dirderanci uca, diba ati er nong bol ining akwe kuandiryi, yabung deiboka ining yabung deirandiryi er dilaka ababyi ukde yiranci ura, ilil tenen dinyi yirandur. Akiryi er imam biryi er a eiboka yirandinyi bisi, ‘Kanda susa youn sirya talebkou. Ati, kanda nining tenen nang kibkou,’ ebkwandur. 26Bok, sun a youn taleandinyi bisi sangkuna er imam biryi liliboka dirderanci uca, a taleandinyi er nong bol asi ining bi lukoka yabung ton kum deiandur. Ani, minob torok dilaka dem kuandiryi, nong bol alib demang a ukoka yiranci ura, er imam biryi er a youn taleandinyi bisi boboka yuk mutuk uki tabaryi inirdeirirbinkwandur. 27Boboka inirdeirbinanci ba, uki tabaryi tum ara er imam biryi tubto liliboka dirderbinkwandur. Dirderanci uca, er nong bol nirya yabung deibde tulul ebde weik yiranci ura, ara iya ilil tenen youn susa yirandur. Akiryi er imam biryi er a yirandinyi bisi, ‘Kanda susa youn sirya eiboka yikurur. Ati, kanda nining ato atonyi kurum,’ ebkwandur. 28Bok asi, er nong bol nirya ara yabung tuba deibde yirandiryi iya ilil tenen dinyi kum yirandur. Eda, minob uk yianci dilaka dem ura, er imam biryi er a youn taleandinyi bisi, ‘Kanda sirya lobdobkouci, nining ato dinyi ara sirya kum dandobkou,’ ebkwandur.
29-30Ba, sun sal kum, nerabwe kum asi kisok ai kum, bana ai tingdaranci otong ai kum asi sangkuna susa youn eiboka yirandur. Ato kuboka taleansiriryi, yiransici ura, er imam biryi liliboka dibdenkwansurur. Dirderansici uca, sun nong bol nirya bukoka yiransiriryi, ulul otong aransurur. Ato kuransici ura, er imam biryi, ‘Sunda Er Imtamnyi urasintam aryi nining ato tenerur youn sirya talebsou,’ ebkwandur. 31Er imam biryi tubto liliboka dirderanci uca, sangkuna sun nong bol alib demang yirandiryi mirin otong ton kum kurandur. Ato kuranci ura, sun a youn taleanci nang asi er imam biryi boboka yuk mutuk uki tabaryi nirya inibdeibkwandur. 32-33Ani, uki tabaryi tum ara er imam biryi sun a yiranci youn nang asi tubto liliboka dibdenkwandur. Dirderanci uca, sun nong bol ai asi sangkuna weik yirandiryi bok, mirin bol otong kum tingnandur. Ani, a ukoka yiranci dinyi ara bol alib demang yirandur. Sun ato kuboka yiranci nang ara nong bol kurubdobkwanung. Eda, a youn bikanci dikum ara kum kurubkabkwanung. Ato sirya kubdangnyi ura, er imam biryi a youn taleranci nang asi tubto boboka yuk mutuk uki tabaryi inirdeirbinkwandur. 34Ba, uki tabaryi tum ara er imam biryi tubto liliboka dibdenkwandur. Dirderanci uca, sun nong bol ai asi sangkuna a youn ukoka weik kum yiranci ura, er imam biryi, ‘Sunda sirya lobdobmasir,’ ebkwandur. Ebci ura, sun a nang ara sun ongon aling me ilikdobkwanung ba, me ilikdob nang kiboka kubdobkwanung. 35-36Er imam biryi, ‘Sirya lobdobsou,’ eanci ba, ur kuroranung. Bok asi, a youn ara nong bol biriman nirya tubto yibde barandur. Ato kuranci ura, er imam biryi liliboka dibdenkwandur. Ura, er imam biryi kumasan ato otong bol ingkiringna takokwandur. Ara, sun ato kuranci nang ara sirya nining ato nang kunkwanung. 37Bok, asi, er imam biryi tubto liliboka dirderanci uca, a youn tuba kuandiryi mirin otong sun bol deici aranci ura, sun a youn taleranci nang ara sirya lobdanci ba, ur kuranung. Ato kuramingnyi ura, er imam biryi, ‘Sunda sirya me ilikdob nang kunkwandum,’ ebkwanung.
38Ani, sun sal kum nerabwe kum sun nong bol asi sangkuna yabung deiransici ura, sun imam nang aryi liliboka dibdenkwandur. 39Liliboka dirderanci uca, sun nong bol yabung deirirdarandiryi sun bol ai demang kuranci ura, sun a taleanci nang asi ato ebkwandur. ‘Sunda susa si kiringdan dinyi demang eiboka yisurur,’ ebkwandur.
40-41Ba, sal nang sun otong asi urasintam kuboka kum, dongtam kuboka kum aryi bubsaksiriryi dilo kwabsici ura, er imam biryi ato ebkwandur, ‘Sunda nining ato kum nang,’ ebkwandur! 42Bok, asi, sun kisok dilo kukanci asi ining yabung deiriranci ura, iya ilil tenen dinyi eibokabdiryi kurandur. 43Ura, er imam biryi liliboka dibdenkwandur. Dirderanci uca, dilo kukanci dikum asi ining yabung deirandiryi susa youn ato kuboka sun nong bol asi yirandur. 44Ato kuboka kisok ai asi yiranci ura, er imam biryi sun a yiranci nang asi, ‘Sunda Er Imtamnyi urasintam aryi nining ato nang kundarur,’ ebkwandur.
45Ba, unanyi biryi susa youn taleboka yirandiryi otong bumsangdanci nang ara kwilingdaranci ongon aling asi ongoboka kubdobkwandur. Ani, er urasin libdandobci ura, ato ebde kubkwandur. ‘Er Imtamnyi urasintam aryi nining ato tenen dinyi talebnounyi kunun! Er Imtamnyi urasintam aryi nining ato tenen dinyi talebnounyi kunun!’ ebde kunkwandur. 46Ba, a susa youn taleanci ba, kuranci talak ara Er Imtamnyi urasintam aryi nining ato tenen youn talen nang tuba kunkwandur. Ani, a susa youn taleandinyi bira susa youn talena kum kurandinyi kuranci keis ol ai atei a kum uca, er yuk dikum asi kuronkwandur.
47Ba, bisam domba otong tabwe kum, lenan tabwe kum aryi wiraming ongon aling asi susa youn bolianci aryi lubsakwandur. 48Ara, tabwe oboka wiamingnyi aling deici kum, kamyoa kala aryi deneboka wiamingnyi aling kum asi susa youn bolianci aryi yuk bol deibkwandur. 49Anda dinyi asi sangkuna sirya boliandiryi bi bol deianci ura, susa youn sirya eiandiryi kurandur. Ato kuranci ura, er imam dam bobinkwandur ba, er imam biryi liliboka dibdenkwandur. 50Er imam biryi sirya liliboka dibdeci ura, a eibmaci dinyi asi boboka uki tabaryi yuk mutuk inirdeirbinkwandur. 51Ba, uki tabaryi tum ara er imam biryi tubto liliboka dibdenkwandur. Ato kuboka liliboka dirderanci uca, a susa youn tuba kuanci ura, ongon aling lubminikoka nining kirminingni dinyi aryi kurandur. Ato kuranci ara yu weik susa youn taleanci aryi kurandur. 52Ato kuranci ura, er imam biryi anda ongon aling nirya uk dabkwandur. Ato kuboka uk dabmaci deyok aryi, a susa youn kum danabdeibkwandur. 53Bok, uki tabaryi tum ara er imam biryi liliboka dirderanci uca, sangkuna anda ongon aling babyi, yuk dinyi babyi asi susa youn aryi kum aliboka lurminingnandur. 54Ato kuranci ura, er imam biryi yuk nang asi, ‘Kusta youn bolibwe ongon aling babyi, yuk dinyi babyi nirya me ilikdarur!’ ebkwandur. Sirya me ilikci ura, a bolianci ongon aling babyi, yuk dinyi babyi asi tubto yuk mutuk bobindoka uki tabaryi inirbinkwandur. 55Ato kuboka inirbinanci ani, sirya me ilikci ura, er imam biryi tubto liliboka dibdenkwandur. Liliboka dirderanci uca, kum danarona kumci tuba kuandur. Tuba kuanci bok, weik kimna kum kurandur. Ato kuranci ara Er Imtamnyi urasintam nining ato kurandur akiryi, er a ongon aling nirya ara uk dabkwandur. 56Bok, er imam biryi liliboka dirderanci uca, a susa bolianci dikum ara me ilikanci bok asi mur bol tuba kubmaci ura, er a ongon aling damnyi biryi a susa bolianci dikum ara kwilikoka uk dabkwandur. 57Ato kuanci bok asi, a susa youn tubto tamuboka eibci ura, a ongon aling damnyi biryi uk dabkwandur. 58Bok, a ongon aling sirya me ilikci ba, a susa sirya kum dandobmaci ura, erci tubto liki bitinyi dinyi me ilikwandur ba, Er Imtamnyi urasintam aryi me ilikdob dinyi kibkwandur.
59Ara, bisam domba otong aryi wiraming ongon aling deici kum, lenan aryi wiraming ongon aling deici kum, bisam kala aryi kikniraming keica kum asi susa youn eianci asi, ‘Ato-ato kuboka me ilikwandarur,’ eboka kerek sekeibwe.” Ara, Musa biryi sun Israel ninyi asi, “Ato kubkwandarur,” ebmou.
Currently Selected:
Imamat Uram 13: MTG
Highlight
Copy
Compare
Share
Want to have your highlights saved across all your devices? Sign up or sign in
@LAI 2007 (New Testament), @LAI2022 (Old and New Testament)
Imamat Uram 13
13
Kusta yun talen deyok
13:1-59
1Ura, Er Iya Erebdobnyi biryi Musa ab Harun ab asi ato ebdeibmou. 2“Sun kankan dam aryi sangkuna ninyi tentok aryi susa youn talebkwandinyi er nong bol nirya ara borbotom eboka ining bilungdaranci kum, er kala longnanci kum ura, imam Harun ab, er mabwe sun imam nang ab asi bobde binkwandarur! 3Ba, er imam biryi a eibmaci nong bol borbotomna youn asi sun nong bol liliboka dibdenkwandur. Ba, Dirderanci uca, a taleanci dikum ara sirya yabung deiboka nong bol ukde yirandinyi nong otong asi kul otong aboka, kimnanci ura, susa youn sirya taleandinyi kurandur. Ura, er imam biryi ato kuboka yiranci asi eiboka sun a nang ara duknasitonyi kibdeibkwandur. 4Bok, sangkuna anyi alib nong bol asi kurun bol kiboka, alib kala akwe susa bukoka, nong bol otong ababyi kul otong ana kum kuranci ura, a nang ara er imam biryi uki tabaryi sun ai yuk dobdeibkwandur. 5Ba, uki tabaryi sirya mabci ura, uki ta tum berekci ura, er imam biryi, ‘Anyi bira susa youn sirya lobdobwe do?’ tenen tubto liliboka dibdenkwandur. Uca, tuba taleanci bok, sun nong bol a nirya taleboka weik kimna kum kuranci ura, tubto uki tabaryi er ai yuk dobdeibkwandur. 6Ani, tubto er imam biryi a susa youn taleranci ba, inibdeiandinyi bisi, ‘Sirya lobdobwe do?’ teneboka liki bitinyi dinyi tubto liliboka dibdenkwandur. Liliboka dirderanci uca, lobdobkwamariryi borbotomna demang kunmaci ura, ‘Sirya lobdobkwamar,’ ebkwandur. Ato kuboka sirya ebci ura, a susa youn taleandinyi bira er ongon aling me ilikdobkwandur. Ba, duknasitonyi kuna kumci, me ilikdobnyi kibkwandur. 7Bok asi, a susa youn taleandinyi biryi er imam bisi, ‘Tubto liliboka dibdenurum,’ ebci ba, tubto liliboka dibdenkwandur. Ba, liliboka dirderanci uca, er nong bol nirya yabung deiranci ura, er imam biryi tubto liliboka dibdenkwandur. 8Ura, er imam biryi a taleandinyi bisi liliboka dirderanci uca, er nong bol nirya talebde kuranci ura, er imam biryi a susa youn talerandinyi bisi duknasitonyi kibdeibkwandur. Ato kibdeibkwamaci ara ilil tenen susa youn doranci ati kubdeibkwandur.
9Ba, er susa youn taleandinyi bira er imam dam bobinkwandarur. 10Bobici ba, er imam biryi liliboka dirderanci uca, a susa youn eiandinyi nong bol ara borbotom erdarandur. Borbotom erdaranci ura, er nong bol ara kait bol deirirandur. Ani, er nong bol deici nirya ara malyi tub kibkwandur. Ato kuranci ura, ‘Anyi bira sirya ilil tenen susa eiboka yirur,’ ebkwandur. 11Akiryi er imam biryi a susa yirandinyi bisi ato ebkwandur. ‘Kanda Er Imtamnyi biryi duknasito tenerur youn sirya eiboka yikurur.’ Akiryi Er Imtamnyi urasintam aryi, ‘Kanda sirya nining ato tenenanyi kurum,’ ebkwandur. Ato ebci ura, a youn taleandinyi bira boboka inirdeirina kum kubkwandur.
12-13Ba, er imam biryi susa youn taleandinyi bisi liliboka diranci uca, er nong bol nirya kisok aryi kuboka yan te tang nirya yabung deiranci ura, er imam biryi a susa youn talerandinyi bisi ato ebkwandur, ‘Kan talebkou youn si susa ara sirya lobdobmakir. Ati kan me ilikdob nang sirya kibmakir,’ ebkwandur. 14-16Bok, er nong bol nirya ara malyi tub burdaranci ura, erda sirya nining atonyi tuba kunkwandur. Atonyi kuranci ura, er imam biryi tubto liliboka dibdenkwandur. Ato kuboka dirderanci uca, a nining tenen dinyi aryi sirya malyi tub burdaranci ura, ‘Erda susa youn sirya eibkou,’ ebkwandur. A youn ara nining tenen dinyi aryi ato ebkwandur. Bok a, burdaranci malyi tub asi kum dandoka mitik kibdiryi yabung demang kibci ura, er a youn taleandinyi biryi er imam dam bindoka, ‘Nira ato kubmanir,’ erbinkwandur. 17Ato kuboka erbici ba, er imam biryi tubto liliboka dirdenkwandur. Dirderanci uca, er nong bol nirya ara kait yabung deiranci ura, ‘Kanda sirya lobdobmakirci me ilikdobtonyi kibkir,’ ebkwandur.
18-19Tonda, sangkuna er nong bol asi torok eiandur. Ani, sirya lobdanci bok asi, a eianci torok dilaka dikum aryi tubto lolobkwamariryi, ining bilungmaci ura, sun ato kunmarinyi biryi er imam bisi, ‘Ni kunmanir dinyi liliboka dibdenurum,’ ebkwandur. 20Ba, liliboka dirderanci uca, a ining bilungmaci dinyi ara lulubdongoboka weik yibkwamarci, ‘Ining yabung bilungmar,’ ebkwandur. Ura, er imam biryi a eibmarinyi bisi, ‘Nining tenen dinyi sirya eibmakir,’ ebkwandur. 21Bok asi, a yabung deirinmaci dinyi asi er imam biryi liliboka dibdenkwandur. Dirderanci uca, a torok eianci dikum umbura aryi mitik kait otong ton kum dobci ura, a ukoka yiranci dinyi ara bol alib demang yinmaci ura, sun imam nang aryi sun a yinmarinyi bisi yuk mutuk boboka uki tabaryi inibdeibkwandur. 22Ato kubmaci ba, er nong bol nirya eiboka yibdebaci ura, er imam biryi a talebmarinyi bisi, ‘Kanda susa youn sirya talebkou deyok aryi nining tenen dinyi kubkou,’ ebkwandur. 23Uca, a torok dilaka dikum ara tuba minob a kuanci to kubmaci ura, er imam biryi, ‘Kanda sirya lobdobkouci, nining tenen dinyi kum dandobkou,’ ebkwandur.
24-25Ba, sangkuna uk yianci ba, loloranci ati u dorandinyi er dilaka asi yabung deiboka ining yabung ababyi deirandur. Ato kuranci ura, er imam biryi tubto liliboka dibdenkwandur. Liliboka dirderanci uca, diba ati er nong bol ining akwe kuandiryi, yabung deiboka ining yabung deirandiryi er dilaka ababyi ukde yiranci ura, ilil tenen dinyi yirandur. Akiryi er imam biryi er a eiboka yirandinyi bisi, ‘Kanda susa youn sirya talebkou. Ati, kanda nining tenen nang kibkou,’ ebkwandur. 26Bok, sun a youn taleandinyi bisi sangkuna er imam biryi liliboka dirderanci uca, a taleandinyi er nong bol asi ining bi lukoka yabung ton kum deiandur. Ani, minob torok dilaka dem kuandiryi, nong bol alib demang a ukoka yiranci ura, er imam biryi er a youn taleandinyi bisi boboka yuk mutuk uki tabaryi inirdeirirbinkwandur. 27Boboka inirdeirbinanci ba, uki tabaryi tum ara er imam biryi tubto liliboka dirderbinkwandur. Dirderanci uca, er nong bol nirya yabung deibde tulul ebde weik yiranci ura, ara iya ilil tenen youn susa yirandur. Akiryi er imam biryi er a yirandinyi bisi, ‘Kanda susa youn sirya eiboka yikurur. Ati, kanda nining ato atonyi kurum,’ ebkwandur. 28Bok asi, er nong bol nirya ara yabung tuba deibde yirandiryi iya ilil tenen dinyi kum yirandur. Eda, minob uk yianci dilaka dem ura, er imam biryi er a youn taleandinyi bisi, ‘Kanda sirya lobdobkouci, nining ato dinyi ara sirya kum dandobkou,’ ebkwandur.
29-30Ba, sun sal kum, nerabwe kum asi kisok ai kum, bana ai tingdaranci otong ai kum asi sangkuna susa youn eiboka yirandur. Ato kuboka taleansiriryi, yiransici ura, er imam biryi liliboka dibdenkwansurur. Dirderansici uca, sun nong bol nirya bukoka yiransiriryi, ulul otong aransurur. Ato kuransici ura, er imam biryi, ‘Sunda Er Imtamnyi urasintam aryi nining ato tenerur youn sirya talebsou,’ ebkwandur. 31Er imam biryi tubto liliboka dirderanci uca, sangkuna sun nong bol alib demang yirandiryi mirin otong ton kum kurandur. Ato kuranci ura, sun a youn taleanci nang asi er imam biryi boboka yuk mutuk uki tabaryi nirya inibdeibkwandur. 32-33Ani, uki tabaryi tum ara er imam biryi sun a yiranci youn nang asi tubto liliboka dibdenkwandur. Dirderanci uca, sun nong bol ai asi sangkuna weik yirandiryi bok, mirin bol otong kum tingnandur. Ani, a ukoka yiranci dinyi ara bol alib demang yirandur. Sun ato kuboka yiranci nang ara nong bol kurubdobkwanung. Eda, a youn bikanci dikum ara kum kurubkabkwanung. Ato sirya kubdangnyi ura, er imam biryi a youn taleranci nang asi tubto boboka yuk mutuk uki tabaryi inirdeirbinkwandur. 34Ba, uki tabaryi tum ara er imam biryi tubto liliboka dibdenkwandur. Dirderanci uca, sun nong bol ai asi sangkuna a youn ukoka weik kum yiranci ura, er imam biryi, ‘Sunda sirya lobdobmasir,’ ebkwandur. Ebci ura, sun a nang ara sun ongon aling me ilikdobkwanung ba, me ilikdob nang kiboka kubdobkwanung. 35-36Er imam biryi, ‘Sirya lobdobsou,’ eanci ba, ur kuroranung. Bok asi, a youn ara nong bol biriman nirya tubto yibde barandur. Ato kuranci ura, er imam biryi liliboka dibdenkwandur. Ura, er imam biryi kumasan ato otong bol ingkiringna takokwandur. Ara, sun ato kuranci nang ara sirya nining ato nang kunkwanung. 37Bok, asi, er imam biryi tubto liliboka dirderanci uca, a youn tuba kuandiryi mirin otong sun bol deici aranci ura, sun a youn taleranci nang ara sirya lobdanci ba, ur kuranung. Ato kuramingnyi ura, er imam biryi, ‘Sunda sirya me ilikdob nang kunkwandum,’ ebkwanung.
38Ani, sun sal kum nerabwe kum sun nong bol asi sangkuna yabung deiransici ura, sun imam nang aryi liliboka dibdenkwandur. 39Liliboka dirderanci uca, sun nong bol yabung deirirdarandiryi sun bol ai demang kuranci ura, sun a taleanci nang asi ato ebkwandur. ‘Sunda susa si kiringdan dinyi demang eiboka yisurur,’ ebkwandur.
40-41Ba, sal nang sun otong asi urasintam kuboka kum, dongtam kuboka kum aryi bubsaksiriryi dilo kwabsici ura, er imam biryi ato ebkwandur, ‘Sunda nining ato kum nang,’ ebkwandur! 42Bok, asi, sun kisok dilo kukanci asi ining yabung deiriranci ura, iya ilil tenen dinyi eibokabdiryi kurandur. 43Ura, er imam biryi liliboka dibdenkwandur. Dirderanci uca, dilo kukanci dikum asi ining yabung deirandiryi susa youn ato kuboka sun nong bol asi yirandur. 44Ato kuboka kisok ai asi yiranci ura, er imam biryi sun a yiranci nang asi, ‘Sunda Er Imtamnyi urasintam aryi nining ato nang kundarur,’ ebkwandur.
45Ba, unanyi biryi susa youn taleboka yirandiryi otong bumsangdanci nang ara kwilingdaranci ongon aling asi ongoboka kubdobkwandur. Ani, er urasin libdandobci ura, ato ebde kubkwandur. ‘Er Imtamnyi urasintam aryi nining ato tenen dinyi talebnounyi kunun! Er Imtamnyi urasintam aryi nining ato tenen dinyi talebnounyi kunun!’ ebde kunkwandur. 46Ba, a susa youn taleanci ba, kuranci talak ara Er Imtamnyi urasintam aryi nining ato tenen youn talen nang tuba kunkwandur. Ani, a susa youn taleandinyi bira susa youn talena kum kurandinyi kuranci keis ol ai atei a kum uca, er yuk dikum asi kuronkwandur.
47Ba, bisam domba otong tabwe kum, lenan tabwe kum aryi wiraming ongon aling asi susa youn bolianci aryi lubsakwandur. 48Ara, tabwe oboka wiamingnyi aling deici kum, kamyoa kala aryi deneboka wiamingnyi aling kum asi susa youn bolianci aryi yuk bol deibkwandur. 49Anda dinyi asi sangkuna sirya boliandiryi bi bol deianci ura, susa youn sirya eiandiryi kurandur. Ato kuranci ura, er imam dam bobinkwandur ba, er imam biryi liliboka dibdenkwandur. 50Er imam biryi sirya liliboka dibdeci ura, a eibmaci dinyi asi boboka uki tabaryi yuk mutuk inirdeirbinkwandur. 51Ba, uki tabaryi tum ara er imam biryi tubto liliboka dibdenkwandur. Ato kuboka liliboka dirderanci uca, a susa youn tuba kuanci ura, ongon aling lubminikoka nining kirminingni dinyi aryi kurandur. Ato kuranci ara yu weik susa youn taleanci aryi kurandur. 52Ato kuranci ura, er imam biryi anda ongon aling nirya uk dabkwandur. Ato kuboka uk dabmaci deyok aryi, a susa youn kum danabdeibkwandur. 53Bok, uki tabaryi tum ara er imam biryi liliboka dirderanci uca, sangkuna anda ongon aling babyi, yuk dinyi babyi asi susa youn aryi kum aliboka lurminingnandur. 54Ato kuranci ura, er imam biryi yuk nang asi, ‘Kusta youn bolibwe ongon aling babyi, yuk dinyi babyi nirya me ilikdarur!’ ebkwandur. Sirya me ilikci ura, a bolianci ongon aling babyi, yuk dinyi babyi asi tubto yuk mutuk bobindoka uki tabaryi inirbinkwandur. 55Ato kuboka inirbinanci ani, sirya me ilikci ura, er imam biryi tubto liliboka dibdenkwandur. Liliboka dirderanci uca, kum danarona kumci tuba kuandur. Tuba kuanci bok, weik kimna kum kurandur. Ato kuranci ara Er Imtamnyi urasintam nining ato kurandur akiryi, er a ongon aling nirya ara uk dabkwandur. 56Bok, er imam biryi liliboka dirderanci uca, a susa bolianci dikum ara me ilikanci bok asi mur bol tuba kubmaci ura, er a ongon aling damnyi biryi a susa bolianci dikum ara kwilikoka uk dabkwandur. 57Ato kuanci bok asi, a susa youn tubto tamuboka eibci ura, a ongon aling damnyi biryi uk dabkwandur. 58Bok, a ongon aling sirya me ilikci ba, a susa sirya kum dandobmaci ura, erci tubto liki bitinyi dinyi me ilikwandur ba, Er Imtamnyi urasintam aryi me ilikdob dinyi kibkwandur.
59Ara, bisam domba otong aryi wiraming ongon aling deici kum, lenan aryi wiraming ongon aling deici kum, bisam kala aryi kikniraming keica kum asi susa youn eianci asi, ‘Ato-ato kuboka me ilikwandarur,’ eboka kerek sekeibwe.” Ara, Musa biryi sun Israel ninyi asi, “Ato kubkwandarur,” ebmou.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
@LAI 2007 (New Testament), @LAI2022 (Old and New Testament)