Imamat Uram 12
12
Sun nerabwe mi sirya deibdobingnyi talak aryi me ilingdon deyok
12:1-8
1Ura, Er Iya Erebdobnyi biryi Musa bisi ato ebdeibmou. 2“Sun Israel ninyi nirya asi ato ebdum, ‘Sun Israel nerabwe aryi mundu boamingnyi ani, sal mi deibdobingnyi ura, uki tabaryi nirya ara nining ato tuba nerabwe ati kunkwanung. Ara, sun nerabwe bunga ining yibaranci talak aryi nining ato tuba kun nerabwe kuramingnyi to kuboka kunkwanung. 3#Luk. 2:21 Ani, uki inbaryi tum ara a ner er deibmaci mi er den bama sekwandarur. 4Ato kuboka sirya kubmangnyi ababyi a ner ara tuba nining ato ner kianci asi uki 33 baryi nirya kubkwanung. Ba, a kuranci talak aryi Er Imtamnyi ai kuranci dinyi beterdongona mem dinyi kum bolibkwanung. Tonda, Er Imtamnyi ai Kemah Suci ai wengbana kum kunkwanung! Ato kuboka a eamingnyi uki nirya kunuboka kubkwanung. 5Bok, nerabwe aryi mundu boamingnyi ani, ner deibmunyi ura, uki 14 baryi nirya ara tuba nining ato nerabwe kunkwanung. Ara, sun nerabwe bunga ining yibaranci ba, tuba nining to nerabwe kianci ba, kuramingnyi to kuboka kunkwanung. Ba, sun ining tuba yibaranci talak ara tuba nining ato nerabwe kianci asi uki 66 baryi nirya kunkwanung. 6Ato kuboka sirya kubingnyi ura, sun malyi kun dinyi kilina ati sun imam nang dam asi dama bobinkwanung. Ara, Er Imtamnyi biti bisam domba oboka nong nirya uk dan dama Korban Bakaran ab, sun malyi kun dinyi kilina ati Korban Penghapus Dosa ab asi sun imam nang dam bobinkwanung. Anda bobinkwamingnyi dama ara bisam domba oboka uk dan bisam kwalina tentok kibmaci bisam ab, sun malyi kun dinyi kilina ati deirin dama maka emnanyi ab boboka Er Imtamnyi ai bisik bublan dam sun imam nang asi bobinkwanung. 7Ba, sun imam nang aryi anda dama ara Er Iya Erebdobnyi biti dama deiboka molobliknibkwanung. Ba, sun a nerabwe nining ato dinyi kilibkwanung. Sun mundu boboka mabwe kum, nermabwe kum deibde bankwamingnyi nerabwe nirya ara ato akwe kubde bankwanung. 8#Luk. 2:24 Bok, sun mundu boboka nermabwe deironkwaming nerabwe aryi sangkuna bisam domba kum, kambing kum dobman kum kubci ura, sunci maka tekukur kubul bitinyi kum, emnanyi kubul bitinyi kum asi boyangankwanung,’ ebdum. ‘Ba, sun imam nang aryi dobokabingiryi, ton maka ara oboka uk dan dama deirinkwanung. Ba, ton maka ara sun malyi kun dinyi kilina dama deirinkwanung,’ ebdum.” Er Iya Erebdobnyi biryi Musa bisi ebdeibmou. Ba, Musa biryi sun Israel ninyi asi ato kuboka ebmou.
Currently Selected:
Imamat Uram 12: MTG
Highlight
Copy
Compare
Share
Want to have your highlights saved across all your devices? Sign up or sign in
@LAI 2007 (New Testament), @LAI2022 (Old and New Testament)
Imamat Uram 12
12
Sun nerabwe mi sirya deibdobingnyi talak aryi me ilingdon deyok
12:1-8
1Ura, Er Iya Erebdobnyi biryi Musa bisi ato ebdeibmou. 2“Sun Israel ninyi nirya asi ato ebdum, ‘Sun Israel nerabwe aryi mundu boamingnyi ani, sal mi deibdobingnyi ura, uki tabaryi nirya ara nining ato tuba nerabwe ati kunkwanung. Ara, sun nerabwe bunga ining yibaranci talak aryi nining ato tuba kun nerabwe kuramingnyi to kuboka kunkwanung. 3#Luk. 2:21 Ani, uki inbaryi tum ara a ner er deibmaci mi er den bama sekwandarur. 4Ato kuboka sirya kubmangnyi ababyi a ner ara tuba nining ato ner kianci asi uki 33 baryi nirya kubkwanung. Ba, a kuranci talak aryi Er Imtamnyi ai kuranci dinyi beterdongona mem dinyi kum bolibkwanung. Tonda, Er Imtamnyi ai Kemah Suci ai wengbana kum kunkwanung! Ato kuboka a eamingnyi uki nirya kunuboka kubkwanung. 5Bok, nerabwe aryi mundu boamingnyi ani, ner deibmunyi ura, uki 14 baryi nirya ara tuba nining ato nerabwe kunkwanung. Ara, sun nerabwe bunga ining yibaranci ba, tuba nining to nerabwe kianci ba, kuramingnyi to kuboka kunkwanung. Ba, sun ining tuba yibaranci talak ara tuba nining ato nerabwe kianci asi uki 66 baryi nirya kunkwanung. 6Ato kuboka sirya kubingnyi ura, sun malyi kun dinyi kilina ati sun imam nang dam asi dama bobinkwanung. Ara, Er Imtamnyi biti bisam domba oboka nong nirya uk dan dama Korban Bakaran ab, sun malyi kun dinyi kilina ati Korban Penghapus Dosa ab asi sun imam nang dam bobinkwanung. Anda bobinkwamingnyi dama ara bisam domba oboka uk dan bisam kwalina tentok kibmaci bisam ab, sun malyi kun dinyi kilina ati deirin dama maka emnanyi ab boboka Er Imtamnyi ai bisik bublan dam sun imam nang asi bobinkwanung. 7Ba, sun imam nang aryi anda dama ara Er Iya Erebdobnyi biti dama deiboka molobliknibkwanung. Ba, sun a nerabwe nining ato dinyi kilibkwanung. Sun mundu boboka mabwe kum, nermabwe kum deibde bankwamingnyi nerabwe nirya ara ato akwe kubde bankwanung. 8#Luk. 2:24 Bok, sun mundu boboka nermabwe deironkwaming nerabwe aryi sangkuna bisam domba kum, kambing kum dobman kum kubci ura, sunci maka tekukur kubul bitinyi kum, emnanyi kubul bitinyi kum asi boyangankwanung,’ ebdum. ‘Ba, sun imam nang aryi dobokabingiryi, ton maka ara oboka uk dan dama deirinkwanung. Ba, ton maka ara sun malyi kun dinyi kilina dama deirinkwanung,’ ebdum.” Er Iya Erebdobnyi biryi Musa bisi ebdeibmou. Ba, Musa biryi sun Israel ninyi asi ato kuboka ebmou.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
@LAI 2007 (New Testament), @LAI2022 (Old and New Testament)