Yosua Uram 5
5
Gilgal mutuk dam aryi, “Imtamnyi biryi lebdeibsou,” tenen kwalina kwaliboka den bam sekmou deyok
5:1-12
1Amori mutuk Yordan kouboka kitingbantam kuramnyi sien nang nirya ab, Kanaan mutuk weik me kwan kubkub dam kuramnyi sien nang nirya ab kekenmai uca, Israel nang asi Er Iya Erebdobnyi biryi me Yordan cebdeibmar ba, kouboka yanmang ena kekebmai. Ura, sun kanya surukmouci, ilil kubmou ba, Israel nang ab obdanman kum kubmou.
2Er Iya Erebdobnyi biryi Yosua bisi ato ebmou, “Keil aryi but kiknibminyi ura, Israel nang den bam kum sekamnyi nang asi den bam liki bitinyi dinyi sekdum,” ebmou. 3Ebmou ura, Yosua biryi but kiknibmouci, sun Israel nang den bam sekmou. A deyok aryi, a mutuk kon si ara, “Gibeath-Haaraloth,” eboka dobmai. Nun uram ara, “Den Bam Sengna Mutuk Kon,” eboka dobmai. 4Ara, Mesir aryi bisik noutam yangaramnyi uca, sal mar obdanmanto nang nirya dibsekamnyi deyok aryi Yosua biryi sunsi den bam sekmou. 5Ara, Mesir aryi anaboka yanamnyi nang nirya ara den bam minob sekamnyi. Bok, bisik noutam yangaramnyi talak aryi, deibmai nang tentok ababyi ara den bam sengna kum kuamnyi deyok ati, sunsi den bam sekmou. 6Ara, minob ura, Er Iya Erebdobnyi biryi sun abwe yabwe asi iya dib en uram aryi ato ebdeiansou, “Niryi sun Israel nang asi Kanaan mutuk yina lubanbanabde yibarur mutuk karebkwansin,” eamwe. Ura, tonda ato eamwe, “Ni uram kum kunuramingnyi nang ara Niryi ebdeibsise mutuk kum wengbinkwaming,” eamwe. Nun nai yabwe, sal mar obdanmanto nang Mesir aryi anaboka yangaramnyi talak aryi, Er Iya Erebdobnyi uram kum kunuramyi deyok aryi dibsekmai. Ara, dibsekwamnyi ati Israel nang kwalina 40 baryi yini mutuk yangaramnyi. 7Ba, sun mabwe bisik noutam den bam kum sekamnyi. A deyok aryi Yosua biryi den bam kum sekamnyi nang asi den bam sekmou. 8A nirya den bam sekmou ura, nibdobkwamwe ati, sun ai keis ol ai yuk-yuk kuramnyi. 9Ura, Er Iya Erebdobnyi biryi Yosua bisi, “Mesir mutuk aryi anaboka yangarandau talak aryi malyi kurandau dinyi nirya ara arub aryi kum dandeiboka teleb kubdeibsin,” ebmou. Ba, a deyok aryi a mutuk si ara, “Gilgal,” eboka si dobmou. A mutuk si nun uram ara, “Malyi Kun Dinyi Kum Danardeirin Mutuk.” A mutuk si ara ukubabyi tuba, “Gilgal,” enung.
10Ura, Gilgal mutuk ara Yerikho mutuk bakan dam kuamwe. Sun Israel nang a mutuk bindoka keis ol ai doboka kunmai. A kunmai talak ara sun Israel nang aryi a wala uki empat belas tum sintam aryi Kwalina si Paskah kwalibmai. Ara, Er Imtamnyi biryi mambul dinyi takubaryi dinyi karebmouci, Er Imtamnyi eryuryangananyi Mesir mutuk dam bokdonokmou ba, ninyi yuma dein mabwe obkiribde yibinmou. Mesir mabwe obkiribde yibinmou ani, Israel mabwe ara bisiboka taklobmou. A deyok aryi Paskah Kwalina enung ara, “Bisibokmou En Kwalina,” enung. 11Ura, Paskah kwalina uki tum bisibmou ura, mabmai ani, berekwe ura, Kanaan mutuk yina yuma kobdob yibkalibmai. Ara, bungbung eboka welena kum roti ab, gandum ur dem uk daboka yin dinyi ab a tum aryi yibkalibmai. 12Ani, a tum aryi imtam aryi dorkweteramwe roti si Manna bisik dam yibde yangaramnyi yina ara sirya yibmai. Ura, a talak aryi Kanaan mutuk kuramwe dinyi akwe doboka yibkalibmai.
Er Iya Erebdobnyi imtam yin doun nang sienyi ab Yosua ab ebdanmarei uram
5:13-15
13Yosua bira Yerikho bakan mutuk kunmouci, dinmou uca, sal tentok ninyi on ya doubmounyi yandoka tikmou asi asing eibmou. Ura, Yosua biryi anyi dam tingbinmou ura, ersi asibmou, “Kanda ni kwit do? Ni mar ordananyi do?” eboka asibmou. 14Uca, anyi biryi ato ebmou, “Nira kan kwit kuma. Ani, nira kan ab mar ordananyi kuma. Eda, Nira Er Iya Erebdobnyi imtam yin doun nang sienyi bira yandoka tikan,” ebmou. Ato ebmou ura, Yosua er kutam ikdongoboka anyi bisi kibdobmouci, “Nai, nira Er Imtamnyi wa irmilinanyi kunun ati, Kanci nisi una ebkwinirim do?” eboka asibmou. 15Uca, Er Iya Erebdobnyi imtam yin doun nang sienyi biryi Yosua bisi ato ebmou, “Kan tikmarim ai ara wibsiryi Ni mutuk kobdoba kibse mutuk asi tikmarim. A deyok aryi, kan yan karuk ongobmarim ara kwiriblobdum!” ebmou. Ba, Yosua biryi er ebmou to kunuboka er yan karuk kwiriblobmou.
Currently Selected:
Yosua Uram 5: MTG
Highlight
Copy
Compare
Share
Want to have your highlights saved across all your devices? Sign up or sign in
@LAI 2007 (New Testament), @LAI2022 (Old and New Testament)
Yosua Uram 5
5
Gilgal mutuk dam aryi, “Imtamnyi biryi lebdeibsou,” tenen kwalina kwaliboka den bam sekmou deyok
5:1-12
1Amori mutuk Yordan kouboka kitingbantam kuramnyi sien nang nirya ab, Kanaan mutuk weik me kwan kubkub dam kuramnyi sien nang nirya ab kekenmai uca, Israel nang asi Er Iya Erebdobnyi biryi me Yordan cebdeibmar ba, kouboka yanmang ena kekebmai. Ura, sun kanya surukmouci, ilil kubmou ba, Israel nang ab obdanman kum kubmou.
2Er Iya Erebdobnyi biryi Yosua bisi ato ebmou, “Keil aryi but kiknibminyi ura, Israel nang den bam kum sekamnyi nang asi den bam liki bitinyi dinyi sekdum,” ebmou. 3Ebmou ura, Yosua biryi but kiknibmouci, sun Israel nang den bam sekmou. A deyok aryi, a mutuk kon si ara, “Gibeath-Haaraloth,” eboka dobmai. Nun uram ara, “Den Bam Sengna Mutuk Kon,” eboka dobmai. 4Ara, Mesir aryi bisik noutam yangaramnyi uca, sal mar obdanmanto nang nirya dibsekamnyi deyok aryi Yosua biryi sunsi den bam sekmou. 5Ara, Mesir aryi anaboka yanamnyi nang nirya ara den bam minob sekamnyi. Bok, bisik noutam yangaramnyi talak aryi, deibmai nang tentok ababyi ara den bam sengna kum kuamnyi deyok ati, sunsi den bam sekmou. 6Ara, minob ura, Er Iya Erebdobnyi biryi sun abwe yabwe asi iya dib en uram aryi ato ebdeiansou, “Niryi sun Israel nang asi Kanaan mutuk yina lubanbanabde yibarur mutuk karebkwansin,” eamwe. Ura, tonda ato eamwe, “Ni uram kum kunuramingnyi nang ara Niryi ebdeibsise mutuk kum wengbinkwaming,” eamwe. Nun nai yabwe, sal mar obdanmanto nang Mesir aryi anaboka yangaramnyi talak aryi, Er Iya Erebdobnyi uram kum kunuramyi deyok aryi dibsekmai. Ara, dibsekwamnyi ati Israel nang kwalina 40 baryi yini mutuk yangaramnyi. 7Ba, sun mabwe bisik noutam den bam kum sekamnyi. A deyok aryi Yosua biryi den bam kum sekamnyi nang asi den bam sekmou. 8A nirya den bam sekmou ura, nibdobkwamwe ati, sun ai keis ol ai yuk-yuk kuramnyi. 9Ura, Er Iya Erebdobnyi biryi Yosua bisi, “Mesir mutuk aryi anaboka yangarandau talak aryi malyi kurandau dinyi nirya ara arub aryi kum dandeiboka teleb kubdeibsin,” ebmou. Ba, a deyok aryi a mutuk si ara, “Gilgal,” eboka si dobmou. A mutuk si nun uram ara, “Malyi Kun Dinyi Kum Danardeirin Mutuk.” A mutuk si ara ukubabyi tuba, “Gilgal,” enung.
10Ura, Gilgal mutuk ara Yerikho mutuk bakan dam kuamwe. Sun Israel nang a mutuk bindoka keis ol ai doboka kunmai. A kunmai talak ara sun Israel nang aryi a wala uki empat belas tum sintam aryi Kwalina si Paskah kwalibmai. Ara, Er Imtamnyi biryi mambul dinyi takubaryi dinyi karebmouci, Er Imtamnyi eryuryangananyi Mesir mutuk dam bokdonokmou ba, ninyi yuma dein mabwe obkiribde yibinmou. Mesir mabwe obkiribde yibinmou ani, Israel mabwe ara bisiboka taklobmou. A deyok aryi Paskah Kwalina enung ara, “Bisibokmou En Kwalina,” enung. 11Ura, Paskah kwalina uki tum bisibmou ura, mabmai ani, berekwe ura, Kanaan mutuk yina yuma kobdob yibkalibmai. Ara, bungbung eboka welena kum roti ab, gandum ur dem uk daboka yin dinyi ab a tum aryi yibkalibmai. 12Ani, a tum aryi imtam aryi dorkweteramwe roti si Manna bisik dam yibde yangaramnyi yina ara sirya yibmai. Ura, a talak aryi Kanaan mutuk kuramwe dinyi akwe doboka yibkalibmai.
Er Iya Erebdobnyi imtam yin doun nang sienyi ab Yosua ab ebdanmarei uram
5:13-15
13Yosua bira Yerikho bakan mutuk kunmouci, dinmou uca, sal tentok ninyi on ya doubmounyi yandoka tikmou asi asing eibmou. Ura, Yosua biryi anyi dam tingbinmou ura, ersi asibmou, “Kanda ni kwit do? Ni mar ordananyi do?” eboka asibmou. 14Uca, anyi biryi ato ebmou, “Nira kan kwit kuma. Ani, nira kan ab mar ordananyi kuma. Eda, Nira Er Iya Erebdobnyi imtam yin doun nang sienyi bira yandoka tikan,” ebmou. Ato ebmou ura, Yosua er kutam ikdongoboka anyi bisi kibdobmouci, “Nai, nira Er Imtamnyi wa irmilinanyi kunun ati, Kanci nisi una ebkwinirim do?” eboka asibmou. 15Uca, Er Iya Erebdobnyi imtam yin doun nang sienyi biryi Yosua bisi ato ebmou, “Kan tikmarim ai ara wibsiryi Ni mutuk kobdoba kibse mutuk asi tikmarim. A deyok aryi, kan yan karuk ongobmarim ara kwiriblobdum!” ebmou. Ba, Yosua biryi er ebmou to kunuboka er yan karuk kwiriblobmou.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
@LAI 2007 (New Testament), @LAI2022 (Old and New Testament)