Yosua Uram 4
4
Kanya teneirdenkwamnyi ati, keil amolbaryi dukoka tikeibmai deyok
4:1-24
1Israel nang nirya me Yordan sirya koubkaboka otam tingbinmai ura, Er Iya Erebdobnyi biryi Yosua bisi ato ebmou. 2“Sun Israel nang nirya ninyi yala yuk-yuk aryi ninyi tentok-tentok winmaminyi ani, ninyi amolbaryi wibdum! 3Wibminyi ura, sunsi ato eboka arukdum, ‘Sunci tamuboka keil amolbaryi me Yordan ku titikoka yuryibarur ani, cebdobmar ai, ninyi dama deirin ai wa in nang yanibdongoboka tikmongwe dikum keil asi doboka boweleyandarur. Boweleyamunyi ura, sun mabkwamarum dikum bindoka deibdarur,’ ebdum,” ebmou.
4Ato ebmou ura, Yosua biryi Israel nang yala yuk-yuk ninyi tentok-tentok wibmou. 5Wibmou ura, Yosua biryi sun amolbaryi nang asi ato ebmou, “Sun Nai Er Iya Erebdobnyi biryi, ‘Ukubdarur-ukuna mem,’ en uram deirin co sangkol menekoka me Yordan koun tam tikmangnyi ai asi bindoka, sunci keil tentok-tentok sun Israel yala kundarur to amolbaryi kurukoka takubmunci, boyandarur. 6Ara, sun tuba teneirdenkwandarur dinyi ato kubkwande. Ba, sun aminda deibkwamunyi mabwe aryi, ‘A keil ara unatoa ati kubyi do?’ eboka asibsingnyi ura, 7sunci sunsi ato ebkwandarur, ‘Er Iya Erebdobnyi co sangkol boban nang tikmai dam aryi me Yordan sekdobmou. Ara, Er Iya Erebdobnyi biryi me ku eitam-outam murukdeibmou ba, nun yanamoubwe ati, a keil ara iya teneirdenkwayeb ati, deiboubwe,’ ebkwandarur,” ebmou. 8Ebmou ura, sun Israel nang amolbaryi nang aryi Yosua ebmou to kunubmaici, me cebdobmou noutam bindoka keil amolbaryi doboka yala kuramnyi to kuboka boyanmai. Boyanmai ura, Er Iya Erebdobnyi biryi Yosua bisi ebdeibmou to kunuboka keil sun mabkwamai ai dam bindoka deibmai. 9Ani, Yosua biryi me koun tam Er Imtamnyi ai wa in nang aryi co sangkol boboka tikmai ba, me cebmou dikum aryi dobmai keil amolbaryi sun mabkwamai ai dam asi dukoka tikeibmou. A tikeibmou keil ara ukubabyi tuba kubwe.
10Ara, Er Imtamnyi ninyi dama deirin ai wa in nang ara a co sangkol tuba boboka me Yordan koun tam tikmai. Ba, Yosua bira Er Iya Erebdobnyi biryi ersi ebdeiamwe to doboka nirya enmou ba, keil doboka tikeibmai. Minob uca, Musa biryi Yosua bisi, “Ukubkwandum-ukubkwandum,” eamwe to kunubmou. Sirya kunubmou ura, Israel nang ara ola kouboka otam bindobmai. 11Sun Israel nang sirya kouboka otam bindobmai ura, Er Imtamnyi ninyi dama deirin ai wa in nang aryi Er Iya Erebdobnyi co sangkol boboka sun dinmai bok aminda kouboka boweleyanmai. 12Musa biryi minob ato eamwe, “Ruben yala nang ab, Gad yala nang ab, Manasye yala dinatam nang ab ara minob menekoka mar kubde binkwaming,” eamwe to kuboka sun menekmai. 13Ara, yin doun nang yubwa-yubwa 40.000 baryi dikum nang Er Iya Erebdobnyi co sangkol bomenekmaici, me Yordan kouboka Yerikho mutuk lu dam obdankwamai ati yin deibmai.
14A talak aryi Er Iya Erebdobnyi biryi sun Israel nang kankan aryi Yosua bisi miliboka er si erebdeibmou. Ba, minob Musa er kam kuramwe talak aryi sun ilil kuboka ersi lamlamak eramnyi to, Yosua bibabyi, “Er Imtamnyi biryi ersi tikeibwe aryi Er Imtamnyi uram dib erur,” tenen ilil kuboka lamlamak eramnyi.
15Sun Israel nang nirya me koubmai ura, Er Iya Erebdobnyi biryi Yosua bisi ato ebmou. 16“Ni ai wa in nang, Ni co sangkol bobmang nang asi, ‘Yordan koun tam aryi ur weleyandarur,’ ebdum,” ebmou. 17Ebmou ba, Yosua biryi sunsi, “Yordan koun tam aryi weleyandarur,” ebmou ura, kunuboka weleyanmai. 18Er Iya Erebdobnyi ai wa in nang, co sangkol bobmai nang Yordan koun tam aryi anaboka tukwe kib tingbai ura, me minob yuryibaramwe to kuboka ililim eboka dakantanibdongobmou. 19Israel nang me Yordan koubmai tum ara minob aryi nukde yangaramnyi to yuma wala uki takubaryi aryi Yerikho mutuk yaletam mutuk si Gilgal yandoka keis ol atei dobmai.
20Dobmai ura, Yosua biryi Gilgal mutuk yandoka, me Yordan kin aryi dobmai keil amolbaryi asi dukoka tikeibmou. 21Tikeibmou ura, ato ebmou, “Israel nang sun aminda deibmunyi mabwe aryi sunsi, ‘Nai, a keil ara unatoa ati tikeibyi do?’ 22Ebsingnyi ura, ato ebkwandarur, ‘Nun Israel nang yanamoubwe ara Yordan me cebdobmou ba, ilimtam asi yanamoubwe. Ati, “Teneirdenkwanuba,” tenen tikeiboubwe,’ ebkwandarur,” ebmou. 23Ura, Yosua biryi ton ato ebmou, “Ara, nun Nai Iya Erebdobnyi biryi nunsi weik me kwan si Teberau ebok Kolsom ebok kimdamnyi me cebdeiamwe ba, yanamoubwe to, me Yordan ababyi cebdeibsou ba, yanmoubwe. 24Ba, im dangna tukwe dangna nang nirya aryi, ‘Er Iya Erebdobnyi bira diba mikib weiknyi kurur,’ tenebkwaming. Ani, sunci Er Iya Erebdobnyi bisi tuba-tuba ilil kibkwaming,” ebmou.
Currently Selected:
Yosua Uram 4: MTG
Highlight
Copy
Compare
Share
Want to have your highlights saved across all your devices? Sign up or sign in
@LAI 2007 (New Testament), @LAI2022 (Old and New Testament)
Yosua Uram 4
4
Kanya teneirdenkwamnyi ati, keil amolbaryi dukoka tikeibmai deyok
4:1-24
1Israel nang nirya me Yordan sirya koubkaboka otam tingbinmai ura, Er Iya Erebdobnyi biryi Yosua bisi ato ebmou. 2“Sun Israel nang nirya ninyi yala yuk-yuk aryi ninyi tentok-tentok winmaminyi ani, ninyi amolbaryi wibdum! 3Wibminyi ura, sunsi ato eboka arukdum, ‘Sunci tamuboka keil amolbaryi me Yordan ku titikoka yuryibarur ani, cebdobmar ai, ninyi dama deirin ai wa in nang yanibdongoboka tikmongwe dikum keil asi doboka boweleyandarur. Boweleyamunyi ura, sun mabkwamarum dikum bindoka deibdarur,’ ebdum,” ebmou.
4Ato ebmou ura, Yosua biryi Israel nang yala yuk-yuk ninyi tentok-tentok wibmou. 5Wibmou ura, Yosua biryi sun amolbaryi nang asi ato ebmou, “Sun Nai Er Iya Erebdobnyi biryi, ‘Ukubdarur-ukuna mem,’ en uram deirin co sangkol menekoka me Yordan koun tam tikmangnyi ai asi bindoka, sunci keil tentok-tentok sun Israel yala kundarur to amolbaryi kurukoka takubmunci, boyandarur. 6Ara, sun tuba teneirdenkwandarur dinyi ato kubkwande. Ba, sun aminda deibkwamunyi mabwe aryi, ‘A keil ara unatoa ati kubyi do?’ eboka asibsingnyi ura, 7sunci sunsi ato ebkwandarur, ‘Er Iya Erebdobnyi co sangkol boban nang tikmai dam aryi me Yordan sekdobmou. Ara, Er Iya Erebdobnyi biryi me ku eitam-outam murukdeibmou ba, nun yanamoubwe ati, a keil ara iya teneirdenkwayeb ati, deiboubwe,’ ebkwandarur,” ebmou. 8Ebmou ura, sun Israel nang amolbaryi nang aryi Yosua ebmou to kunubmaici, me cebdobmou noutam bindoka keil amolbaryi doboka yala kuramnyi to kuboka boyanmai. Boyanmai ura, Er Iya Erebdobnyi biryi Yosua bisi ebdeibmou to kunuboka keil sun mabkwamai ai dam bindoka deibmai. 9Ani, Yosua biryi me koun tam Er Imtamnyi ai wa in nang aryi co sangkol boboka tikmai ba, me cebmou dikum aryi dobmai keil amolbaryi sun mabkwamai ai dam asi dukoka tikeibmou. A tikeibmou keil ara ukubabyi tuba kubwe.
10Ara, Er Imtamnyi ninyi dama deirin ai wa in nang ara a co sangkol tuba boboka me Yordan koun tam tikmai. Ba, Yosua bira Er Iya Erebdobnyi biryi ersi ebdeiamwe to doboka nirya enmou ba, keil doboka tikeibmai. Minob uca, Musa biryi Yosua bisi, “Ukubkwandum-ukubkwandum,” eamwe to kunubmou. Sirya kunubmou ura, Israel nang ara ola kouboka otam bindobmai. 11Sun Israel nang sirya kouboka otam bindobmai ura, Er Imtamnyi ninyi dama deirin ai wa in nang aryi Er Iya Erebdobnyi co sangkol boboka sun dinmai bok aminda kouboka boweleyanmai. 12Musa biryi minob ato eamwe, “Ruben yala nang ab, Gad yala nang ab, Manasye yala dinatam nang ab ara minob menekoka mar kubde binkwaming,” eamwe to kuboka sun menekmai. 13Ara, yin doun nang yubwa-yubwa 40.000 baryi dikum nang Er Iya Erebdobnyi co sangkol bomenekmaici, me Yordan kouboka Yerikho mutuk lu dam obdankwamai ati yin deibmai.
14A talak aryi Er Iya Erebdobnyi biryi sun Israel nang kankan aryi Yosua bisi miliboka er si erebdeibmou. Ba, minob Musa er kam kuramwe talak aryi sun ilil kuboka ersi lamlamak eramnyi to, Yosua bibabyi, “Er Imtamnyi biryi ersi tikeibwe aryi Er Imtamnyi uram dib erur,” tenen ilil kuboka lamlamak eramnyi.
15Sun Israel nang nirya me koubmai ura, Er Iya Erebdobnyi biryi Yosua bisi ato ebmou. 16“Ni ai wa in nang, Ni co sangkol bobmang nang asi, ‘Yordan koun tam aryi ur weleyandarur,’ ebdum,” ebmou. 17Ebmou ba, Yosua biryi sunsi, “Yordan koun tam aryi weleyandarur,” ebmou ura, kunuboka weleyanmai. 18Er Iya Erebdobnyi ai wa in nang, co sangkol bobmai nang Yordan koun tam aryi anaboka tukwe kib tingbai ura, me minob yuryibaramwe to kuboka ililim eboka dakantanibdongobmou. 19Israel nang me Yordan koubmai tum ara minob aryi nukde yangaramnyi to yuma wala uki takubaryi aryi Yerikho mutuk yaletam mutuk si Gilgal yandoka keis ol atei dobmai.
20Dobmai ura, Yosua biryi Gilgal mutuk yandoka, me Yordan kin aryi dobmai keil amolbaryi asi dukoka tikeibmou. 21Tikeibmou ura, ato ebmou, “Israel nang sun aminda deibmunyi mabwe aryi sunsi, ‘Nai, a keil ara unatoa ati tikeibyi do?’ 22Ebsingnyi ura, ato ebkwandarur, ‘Nun Israel nang yanamoubwe ara Yordan me cebdobmou ba, ilimtam asi yanamoubwe. Ati, “Teneirdenkwanuba,” tenen tikeiboubwe,’ ebkwandarur,” ebmou. 23Ura, Yosua biryi ton ato ebmou, “Ara, nun Nai Iya Erebdobnyi biryi nunsi weik me kwan si Teberau ebok Kolsom ebok kimdamnyi me cebdeiamwe ba, yanamoubwe to, me Yordan ababyi cebdeibsou ba, yanmoubwe. 24Ba, im dangna tukwe dangna nang nirya aryi, ‘Er Iya Erebdobnyi bira diba mikib weiknyi kurur,’ tenebkwaming. Ani, sunci Er Iya Erebdobnyi bisi tuba-tuba ilil kibkwaming,” ebmou.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
@LAI 2007 (New Testament), @LAI2022 (Old and New Testament)