Yosua Uram 3
3
Israel nang me Yordan kouboka binmai deyok
3:1-17
1Mabmai ani, berekwe ura, Yosua ab sun Israel nang nirya ab Sitim atei aryi kuboka anabdobmai ura, banmai ani, me Yordan kin bindoka ai doboka mabmai. 2Ura, a kunmai ani, uki winiryi mabmai ura, sun Israel yin doun nang yala deici yuk-yuk bobde menengnamnyi nang aryi keis ol ai doamyi tok nirya ebdongobnin yibinmai. 3Yibanmaici, sun Israel nang asi ato eboka arukmai, “Sunci dinmamunyi ba, sun Nai, Er Iya Erebdobnyi biti dinyi dama deirin ai wa irmilin nang Lewi yala kunung nang aryi, ‘Ukubdarur-ukuna mem,’ en uram deirin co sangkol boboka anarongnyi ura, sunbabyi sun tiya doboka yan kunmarum atei aryi anaboka aminda tam kuboka milibkwandarur. 4Miliboka banmamunyi ababyi a co sangkol bobmangnyi nang banmangnyi dam kobdob ara bana mem. Eda, sunda lang era weiktoto aminda binkwandarur. A binkwamarum bisik bana ara sunda ton kum bikdau asi, arub aryok binkwamarum ati sun meneksingnyi ba, sunda aminda binkwandarur,” ebmai. 5Yosua biryi sunsi ato ebmou, “Ambutum ara sun kankan dam asi sun Nai Iya Erebdobnyi biryi ilil tenen dinyi kiknibkwamar ati sunci malyi dinyi kununa mem. Eda, telebto kuna kiklina ara sun nong me kekekoka sun ongon aling me ilikwamandarur. Ara, Er Imtamnyi urasintam asi teleb dinyi akwe kununkwamandarur,” ebmou. 6Ato ebmou ura, Yosua biryi Er Iya Erebdobnyi dama deiboka wa in nang imam nang asi, “ ‘Ukubdarur-ukuna mem,’ en uram deirin co sangkol bobmunyi ura, akatei nang bomenekmunci me koubdarur,” ebmou. Ba, sunci a ebmou to kunuboka sun akatei nang bomenekmai ura, binmai.
7Ura, Er Iya Erebdobnyi biryi Yosua bisi ato ebmou, “Arub ara Niryi kansi sun Israel nang kankan aryi kan si erebdeiboka sienyi tikeibkwinkin. Ba, sunda kansi sienyi tikeibkinyi asi bikwanking. Ara, Niryi Musa bisi si erebdeiansiryi ersi miliranse to kanbabyi Niryi milinkwankin. 8Ba, kanci a co sangkol bon nang asi ato ebkwandum, ‘Sunda banmamunyi ani, me Yordan kin dam bindoka tiklobkwandarur,’ ebkwandum,” ebmou. 9Ura, Yosua biryi sun Israel nang asi ato ebmou, “Dam atoto yandokabmunci, nun Nai Er Iya Erebdobnyi uram Er nisi ebdeibmar to ebkun kekeryandarur!” ebmou. 10Ato ebmou cok, ton ato ebmou, “Sunci ato tenen bikwandarur. ‘Nun Nai Er Iya Erebdobnyi bira nun kankan dam kurur,’ tenebkwandarur. Ani, ‘Erci sun Kanaan yala nang ab, Het yala nang ab, Hewi yala nang ab, Feris yala nang ab, Girgasi yala nang ab, Amori yala nang ab, Yebus yala nang ab asi dib ati nun urasin dam aryi yakdonokwamararya,’ sun kanya dam tenebdarur!” ebmou. 11“Dib kobdob aryi, im ton tukwe ton kiknibmounyi nun Nai Iya Erebdobnyi biryi Er co sangkol ara Er Imtamnyi a kunum sun urasin dam menengbindoka me Yordan koubkwamar. Ba, sun Israel nang aminda binkwamarum. 12Ati, ukuryok akiryok Israel nang amolbaryi yala kundarur tok ninyi tentok-tentok wiboka dobdoro yibindarur! 13Ba, ola nun aryi Er Iya Erebdobnyi, imtam yin doun nang sienyi Er co sangkol bon nang asi me Yordan yanirdongorbindoka me koun noutam tiklobkwanung. Ba, a me sekdakabdiryi, me u doboka yuryangaranci tam ara sekdobci ba, cebmuling ebkwande. Ato kubci ura, Nun Nai Iya Erebdobnyi nunsi milisurur, tenebkwandarur,” Yosua biryi ebmou.
14Ura, sun Israel nang keis ol ai dobde kunmai ai dam aryi anaboka, me Yordan koubkwamai ati anabmai. Ura, co sangkol bon nang ara yuma boboka menekmai. 15Ura, banmai ani, Er Iya Erebdobnyi biti dama deiboka wa in nang imam nang a co sangkol bobmai nang aryi me Yordan kin kobdob tingbinmai. Me Yordan ara mouryi li dobne ba, me yandoka tukwe kib ai ababyi kingdamwe to a talak ababyi mouryi li aryi ukunmou. Bok, asi, co sangkol bobmai nang me kubkub ai yanirdongorbai akiryok me sekdobmou. 16Ba, me utam ara sekdobmouci, murukdobmou. Ara, ato kubmou me u doboka yuryangaramwe tam ara ibdongoboka dingibde welebmou ani, era mutuk asi dingirwelebinmou. Ara, mutuk si Adam mutuk atei si Sartan ara dinatam kuboka doramnyi nang mutuk tam asi bindoka dingirwelebinmou. Ba, me youkwetam sekwetebmou dinyi ara weik me kwan si Araba ebok, Sik me ebok, kimnamnyi me kwan darbinamwe tam ara iya cebdobmou. Asi, Israel nang nirya koubkaboka Yerikho bisik dandanya tingbinmai. 17Ba, a talak ara imam nang ara me cebdobmoua dala tam asi me Yordan yuryibaramwe ai iya a tikmai. Ba, Israel nang a nirya ara me dala keil yok dem taklobmou dikum asi koubkaboka-koubkaboka otam binsekdobmai.
Currently Selected:
Yosua Uram 3: MTG
Highlight
Copy
Compare
Share
Want to have your highlights saved across all your devices? Sign up or sign in
@LAI 2007 (New Testament), @LAI2022 (Old and New Testament)
Yosua Uram 3
3
Israel nang me Yordan kouboka binmai deyok
3:1-17
1Mabmai ani, berekwe ura, Yosua ab sun Israel nang nirya ab Sitim atei aryi kuboka anabdobmai ura, banmai ani, me Yordan kin bindoka ai doboka mabmai. 2Ura, a kunmai ani, uki winiryi mabmai ura, sun Israel yin doun nang yala deici yuk-yuk bobde menengnamnyi nang aryi keis ol ai doamyi tok nirya ebdongobnin yibinmai. 3Yibanmaici, sun Israel nang asi ato eboka arukmai, “Sunci dinmamunyi ba, sun Nai, Er Iya Erebdobnyi biti dinyi dama deirin ai wa irmilin nang Lewi yala kunung nang aryi, ‘Ukubdarur-ukuna mem,’ en uram deirin co sangkol boboka anarongnyi ura, sunbabyi sun tiya doboka yan kunmarum atei aryi anaboka aminda tam kuboka milibkwandarur. 4Miliboka banmamunyi ababyi a co sangkol bobmangnyi nang banmangnyi dam kobdob ara bana mem. Eda, sunda lang era weiktoto aminda binkwandarur. A binkwamarum bisik bana ara sunda ton kum bikdau asi, arub aryok binkwamarum ati sun meneksingnyi ba, sunda aminda binkwandarur,” ebmai. 5Yosua biryi sunsi ato ebmou, “Ambutum ara sun kankan dam asi sun Nai Iya Erebdobnyi biryi ilil tenen dinyi kiknibkwamar ati sunci malyi dinyi kununa mem. Eda, telebto kuna kiklina ara sun nong me kekekoka sun ongon aling me ilikwamandarur. Ara, Er Imtamnyi urasintam asi teleb dinyi akwe kununkwamandarur,” ebmou. 6Ato ebmou ura, Yosua biryi Er Iya Erebdobnyi dama deiboka wa in nang imam nang asi, “ ‘Ukubdarur-ukuna mem,’ en uram deirin co sangkol bobmunyi ura, akatei nang bomenekmunci me koubdarur,” ebmou. Ba, sunci a ebmou to kunuboka sun akatei nang bomenekmai ura, binmai.
7Ura, Er Iya Erebdobnyi biryi Yosua bisi ato ebmou, “Arub ara Niryi kansi sun Israel nang kankan aryi kan si erebdeiboka sienyi tikeibkwinkin. Ba, sunda kansi sienyi tikeibkinyi asi bikwanking. Ara, Niryi Musa bisi si erebdeiansiryi ersi miliranse to kanbabyi Niryi milinkwankin. 8Ba, kanci a co sangkol bon nang asi ato ebkwandum, ‘Sunda banmamunyi ani, me Yordan kin dam bindoka tiklobkwandarur,’ ebkwandum,” ebmou. 9Ura, Yosua biryi sun Israel nang asi ato ebmou, “Dam atoto yandokabmunci, nun Nai Er Iya Erebdobnyi uram Er nisi ebdeibmar to ebkun kekeryandarur!” ebmou. 10Ato ebmou cok, ton ato ebmou, “Sunci ato tenen bikwandarur. ‘Nun Nai Er Iya Erebdobnyi bira nun kankan dam kurur,’ tenebkwandarur. Ani, ‘Erci sun Kanaan yala nang ab, Het yala nang ab, Hewi yala nang ab, Feris yala nang ab, Girgasi yala nang ab, Amori yala nang ab, Yebus yala nang ab asi dib ati nun urasin dam aryi yakdonokwamararya,’ sun kanya dam tenebdarur!” ebmou. 11“Dib kobdob aryi, im ton tukwe ton kiknibmounyi nun Nai Iya Erebdobnyi biryi Er co sangkol ara Er Imtamnyi a kunum sun urasin dam menengbindoka me Yordan koubkwamar. Ba, sun Israel nang aminda binkwamarum. 12Ati, ukuryok akiryok Israel nang amolbaryi yala kundarur tok ninyi tentok-tentok wiboka dobdoro yibindarur! 13Ba, ola nun aryi Er Iya Erebdobnyi, imtam yin doun nang sienyi Er co sangkol bon nang asi me Yordan yanirdongorbindoka me koun noutam tiklobkwanung. Ba, a me sekdakabdiryi, me u doboka yuryangaranci tam ara sekdobci ba, cebmuling ebkwande. Ato kubci ura, Nun Nai Iya Erebdobnyi nunsi milisurur, tenebkwandarur,” Yosua biryi ebmou.
14Ura, sun Israel nang keis ol ai dobde kunmai ai dam aryi anaboka, me Yordan koubkwamai ati anabmai. Ura, co sangkol bon nang ara yuma boboka menekmai. 15Ura, banmai ani, Er Iya Erebdobnyi biti dama deiboka wa in nang imam nang a co sangkol bobmai nang aryi me Yordan kin kobdob tingbinmai. Me Yordan ara mouryi li dobne ba, me yandoka tukwe kib ai ababyi kingdamwe to a talak ababyi mouryi li aryi ukunmou. Bok, asi, co sangkol bobmai nang me kubkub ai yanirdongorbai akiryok me sekdobmou. 16Ba, me utam ara sekdobmouci, murukdobmou. Ara, ato kubmou me u doboka yuryangaramwe tam ara ibdongoboka dingibde welebmou ani, era mutuk asi dingirwelebinmou. Ara, mutuk si Adam mutuk atei si Sartan ara dinatam kuboka doramnyi nang mutuk tam asi bindoka dingirwelebinmou. Ba, me youkwetam sekwetebmou dinyi ara weik me kwan si Araba ebok, Sik me ebok, kimnamnyi me kwan darbinamwe tam ara iya cebdobmou. Asi, Israel nang nirya koubkaboka Yerikho bisik dandanya tingbinmai. 17Ba, a talak ara imam nang ara me cebdobmoua dala tam asi me Yordan yuryibaramwe ai iya a tikmai. Ba, Israel nang a nirya ara me dala keil yok dem taklobmou dikum asi koubkaboka-koubkaboka otam binsekdobmai.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
@LAI 2007 (New Testament), @LAI2022 (Old and New Testament)