Yosua Uram 16

Efraim yala nang ati mutuk ebmai deyok

16:1-10

1Ura, Yusuf yala nang mutuk wilimna ara ato: Yerikho atei dam aryi kuboka, Yordan kouboka yaletam kuboka wilibmai. Ani, Yerikho atei dam tam aryi kuboka me u doboka yurbiu tam kuboka, yini mutuk tam wilibmai. Ani, akiryi kuboka mutuk konkon Betel atei tam bisik kuboka wilibmai. 2Ani, Betel aryi kuboka, Lus atei wilibmai. Ani, Arki nang mutuk tam aryi kuboka, Atarot nang mutuk wilibmai. 3Ani, kitingbantam ara yurbindoka Yaflet mutuk akiryi kuboka, Bet-Horon me youkwetam akiryi kuboka, Gezer mutuk weik me kwan dam sirya wilibmai.

4Ato kuboka sun Yusuf mabwe Manasye yala ninyi ab, Efraim yala ninyi ab asi mutuk tukwe bokeibmou ba, sun mutuk tukwe kibdobmai.

5Efraim yala nang sun kibdobmai mutuk ara: Yaletam kibdobmai. Ara, Atarot-Adar aryi wiliboka, Bet-Horon me utam kibdobmai. 6Ba, kitingbantam wilimna ara Mikhmetat eitam mutuk aryi kuboka, Taanat-Silo akiryi kuboka ani, Yanoah atei yaletam kuboka sirya wilirdeirirbinmai. 7Ura, Yanoah aryi wilibde yurbinmai ani, Atarot ab, Naharat ab dam wilibmai. Akiryi kuboka Yerikho atei bindoka diniboka Yordan kin wilibmai. 8A wilimna ara Tapuah aryi kitingbantam akwe ani, me Kana kin ab weik me kwan dam sirya bindoka dakdongobmai. Ura, a mutuk ara Efraim yala nang mutuk kibdobmai. 9Ani, Efraim yala deibdoba aryi Manasye yala nang kankan ababyi weik atei mitik atei sun yala nang atei akwe kibdobmai. 10Bok, Kanaan mutuk yoka nang asi Gezer atei kuramnyi nang ara Efraim yala nang aryi kum yakdonokmai. Ba, a nang ara uku talak ababyi tuba Efraim yala nang kankan tonkwa kunung. Ba, a nang asi ukubabyi tuba sun il dimna nang kimnung ba, sun wa il dobde kunung.

Currently Selected:

Yosua Uram 16: MTG

Highlight

Copy

Compare