Kejadian Uram 36

Esau yala deyok

(1Taw. 1:34-37)

36:1-19

1Esau deibdoba yala ara Edom yala nang kunung ara ato: 2Yakub mi Esau dunyi bira Kanaan nerabwe dobdanamwe. Ara, Het yala mutuknyi si Elon nebnyi si Ada ton doamwe. Ba, Hewi yala mutuknyi si Zibeon mi Ana nebnyi si Oholibama doamwe. 3Ani, winiryi dinyi ara Ismael mi Nebayot er malner Basmat doamwe. 4Ba, Ada biryi sal mi si Elifas deibmou. Ba, Basmat biryi Rehuel deibmou. 5Ba, Oholibama biryi Yeush ab, Yaelam ab, Korah ab deibmou. Esau mabwe ara ukuboka Kanaan mutuk kuramuryi, yaldakamwe.

6Ani, Esau bira er nerabwe ab, er mabwe nermabwe ab, er ai umbura kuramnyi ninyi ab, er bisam yabwe ab, er bona yala nirya Kanaan mutuk kuramuryi, taleramwe tok nirya caboka bobmouci, yuk mutuk binmou. Ba, er weit Yakub bira Kanaan mutuk iya kuramwe. 7Esau er weit takloboka yuk mutuk binmou ara sun weit du bona ab bisam yubwa ab aryi dukubmou ba, neika kubman kum ati, Esau yuk mutuk bindobmou. 8Ura, Esau bira Seir kon mutuk dam bindoka iya kuramwe. Ara, Esau bira yuk si Edom ababyi eramnyi.

9Esau er yaldakmou mabwe ara Seir mutuk konkon asi kunung ba, “Edom yala nang,” enung. 10Ba, Esau er mabwe sun si ara ato. Ada biryi Elifas deibmou. Ba, Basmat biryi Rehuel deibmou aryi yaldakde binmai.

11Elifas biryi deibmou mabwe ara Teman ab, Omar ab, Zefo ab, Gaetam ab, Kenas ab deibmou. 12Esau mi Elifas bira aminda ner si Timna bisi dobtanubmou. Ura, Timna biryi Amalek deibmou. Ara, Esau ner Ada biryi deiamwe mabwe aryi ukuboka deibdanin binmai.

13Ba, Rehuel mabwe ara Nahat ab, Zerah ab, Syama ab, Miza ab deibmou. Ara, Esau ner Basmat biryi deibmou mabwe aryi ukuboka deibdanin binmai.

14Ba, Esau ner Oholibama biryi deibmou mabwe ara Yeush ab, Yaelam ab, Korah ab deibmou. Esau ner Oholibama bira Hewi yalanyi si Zibeon mi si Ana nebnyi asi Esau doamwe.

15Esau mabwe aryi sun yaldangna yala nang yuk-yuk sun nai kiboka deibdanin yibinmai. Ara, Esau mi dunyi Elifas bira er deibdoba nang ara Teman yaldangna nang ab, Omar yaldangna nang ab, Zefo yaldangna nang ab, Kenas yaldangna nang ab deiamwe. 16Ani, Korah yaldangna nang ab, Gaetam yaldangna nang ab, Amalek yala nang ab deiamwe. Elifas yaldangna ara ukuboka Edom mutuk kuboka yaldakdanin binmai. A yala ara Esau ner si Ada deibdoba mabwe kuramnyi.

17Ba, Esau mi Rehuel yaldangna mabwe aryi ato kubmai. Nahat yaldangna nang ab, Zerah yaldangna nang ab, Syama yaldangna nang ab, Miza yaldangna nang ab deiamwe. A yaldaknin binmai ninyi nirya ara Esau ner Basmat biryi deiamwe mi yaldangna aryi odei-odei binmaici, Edom mutuk kuramnyi. Ara, Esau bibabyi Edom eramnyi akiryi er mutuk Edom mutuk ebmai.

18Ba, Esau ner Oholibama deibmou mabwe ababyi neiktoto ukuboka sun yaldangna yuk-yuk deiamnyi. Ara, er mabwe aryi Yeush yaldangna nang ab, Yaelam yaldangna nang ab, Korah yaldangna nang deiamnyi. 19Ato kuboka Esau yaldangna ara Edom mutuk kunung. Ba, ukubabyi, Edom mutuk nang enung. Ani, Esau bibabyi ruma si ara Edom eramnyi akiryi ukubabyi tuba a mutuk si ara Edom enung.

Seir yala nang deyok

36:20-30

20Hori yalanyi si Seir mabwe aryi Seir mutuk kuramnyi nang ara: Lotan ab, Syobal ab, Zibeon ab, Ana ab a mutuk yala nang kuramnyi. 21Ani, Disyon ab, Ezer ab, Disyan ab, minob a kuramnyi. A ninyi si Seir mabwe aryi sun yaldangna nang yuk-yuk Edom mutuk kuboka taleamnyi. 22Lotan mabwe si ara Hori ab, Heman ab deiamwe. Lotan er malner ara Timna kuramwe. 23Syobal mabwe si ara Alwan ab, Manahat ab, Ebal ab, Syefo ab, Onam ab deiamwe. 24Ba, Zibeon mabwe si ara Aya ab Ana ab deiamwe. Ara, Zibeon mi si Ana biryi er nai bisam keledai yini mutuk dam kalikde kunmou uca, tin me anaramwe asi asing eiamwe. 25Ana er mabwe si ara: Disyon ab, Oholibama ab, sal ton ner ton deiamwe. 26Disyon mabwe si ara Hemdan ab, Esyban ab, Yitran ab, Keran ab deiamwe. 27Ba, Ezer mabwe ara Bilhan ab, Zaawan ab, Akan ab deiamwe. 28Disyan mabwe ara Us ab Aran ab deibmou. 29A nang aryi yaldakmarei uca, Hori deibdoba nang yala yuk-yuk kibmai. Ara, Lotan deibdoba yala yuk kibmai. Syobal deibdoba yala yuk kibmai, Zibeon deibdoba yala yuk kibmai, Ana deibdoba yala yuk kibmai. 30Ba, Disyon deibdoba yala yuk kibmai, Ezer deibdoba mabwe yala yuk kibmai, Disyan deibdoba mabwe yala yuk kibmai. Ukuboka Hori mutuk yala nang kunungci, Seir mutuk yaldakoka kubde banung.

Edom mutuk sien nang deyok

36:31-43

31Israel nang aryi sien nang kiboka talena kabul talak ara Edom mutuk dam minob a nang aryi minob sien nang kiboka taleamnyi. 32Edom mutuk dam sienyi kiboka taleamunyi si ara Beor mi si Bela biryi sienyi kiboka taleamwe. A mutuk taleamuryi, er kuramwe weik atei si ara Dinhaba kuramwe. 33Bela sirya dibmou ura, Bozra ateinyi Zerah mi si Yobab unubmouci, sienyi kiboka talebmou. 34A sienyi Yobab sirya dibmou ura, Teman deibdoba yalanyi si Husyam unubmouci, sienyi kiboka talebmou. 35Husyam sirya dibmou ura, Bedad mi Hadad unubmouci, sienyi kiboka talebmou. Sienyi Hadad kun atei ara Awit kuramwe. A sienyi Hadad biryi Midian yala nang Moab mutuk kuramnyi ninyi nirya oboka erebdobmou. 36Hadad sirya dibmou ura, Masreka ateinyi si Samla unubmouci, sienyi kibmou. 37Samla sirya dibmou ura, Rehobot mutuknyi si Saul me duman kuramunyi unubmouci, sienyi kibmou. 38Saul sirya dibmou ura, Akhbor mi si Baal-Hanan unubmouci, sienyi kibmou. 39Akhbor mi Baal-Hanan sirya dibmou ura, Hadar unubmouci, sienyi kibmou. A sienyi kuramwe weik atei si ara Pahu kuramwe. Ba, a sienyi Hadar er ner si ara Mehetabeel dobmou. A sienyi er doamwe ner er kwin bira Mezahab mi si Matred biryi deiamwe nebnyi asi sienyi Hadar doamwe.

40Esau deibdoba mabwe aryi yaldakoka, yala yuk-yuk kiamyi dinyi ab, sun mutuk yuk-yuk kuramnyi dinyi ab, sun si yuk-yuk ab ara ukuamnyi. Timna deibdoba yala yuk kiamnyi, Alwa deibdoba yala yuk kiamnyi, Yetet deibdoba yala yuk kibmai. 41Ani, Oholibama deibdoba yala yuk, Ela deibdoba yala yuk, Pinon deibdoba yala yuk, 42Kenas deibdoba yala yuk, Teman deibdoba yala yuk, Mibzar deibdoba yala yuk, 43Magdiel deibdoba yala yuk, Iram deibdoba yala yuk, kiboka kuramnyi. Ura, a nang ara Edom mutuk yala yuk-yuk ab, sun kuramnyi mutuk yuk-yuk ab akiboka kuramnyi to kunung. Akiryi Edom mutuk kunung ninyi ara Esau deibdoba yala kunung.

Currently Selected:

Kejadian Uram 36: MTG

Highlight

Copy

Compare