1Tawarikh Uram 9

Yerusalem kuramnyi nang si kerek sengna deyok

9:1-34

(Neh. 11:1-24)

1Ura, sun Israel mutuk nang nirya sun si ab, sun deibdoba si ab sirya sekeibmai. Ara, sun weik sien nang kerek sengna umbura sekeibmai. Bok, sun Yehuda mutuk nang sun Er Imtamnyi uram kununa kum kuramnyi deyok aryi Babel mutuk dam bobinmai. 2Ba, sun minob Babel mutuk aryi kuboka Kanaan dam sun tukwe mutuk yuk-yuk ab, sun atei yuk-yuk ab asi tamuryandoka iya kunkwamnyi nang ara Israel nang yoka ab, imam-imam nang ab, Lewi yala nang ab, sun Imtamnyi ai Bait Allah ai dam mambul wa irmiliramnyi nang ab asi a kuramnyi.

3Yerusalem atei aryi Yehuda yala nang ton nang ab, Benyamin yala nang ton nang ab, Efraim yala nang ton nang ab, Manasye yala nang ton nang ab kuramnyi. 4-6Yehuda deibdoba nang 690 baryi nang Yerusalem atei kuramnyi. Ara, Yehuda mabwe Peres ab, Zerah ab, Syela ab sun deibdoba asi tuba kuramnyi. Sun du nang ara Utai ab, Asaya ab, Yeuel ab kuramnyi. Utai bira Peres deibdoba kuramwe. Ura, Utai deibdoba ara er abwe yabwe kuboka aryi ara Peres, Bani, Imri, Omri, Amihud, Utai. Ba, Syela deibdoba aryi Asaya ab, er yaldangna ab kuramnyi. Ba, Zerah deibdoba aryi Yeuel ab, er yaldangna ab kuramnyi.

7-9Ura, Benyamin yala nang ara 956 baryi nang aryi Yerusalem atei dam minob tamuryandoka kuramnyi. Ba, a nang sun du nang ara Mesulam mi Salu ab, Yeroham mi Yibnea ab, Uzi mi Ela ab, Sefaca mi Mesulam ab kuramnyi. Ara, Salu er abwe si ara Hodawya. Ba, Hodawya er nai si ara Hasenua kuramwe. Ba, Ela er abwe si ara Mikhri kuramwe. Ba, Mesulam er abwe si ara Rehuel. Ba, Rehuel er nai si ara Yibnia kuramwe.

10Ba, imam-imam nang aryi Yerusalem atei dam tamuryandoka kuramnyi nang ara Yedaya ab, Yoyarib ab, Yakhin ab, 11Hilkia mi Azarya ab kuramnyi. Hilkia bira Bait Allah ai kalingna sienyi kuramwe. Ba, Hilkia er nai bira Mesulam. Ba, er abwe bira Zadok. Ba, Zadok er nai bira Merayot. Ba, Merayot er nai bira Ahitub kuramwe. 12Tonda, Yeroham mi Adaya kuramwe. Adaya er abwe yabyi aryi kuboka deibdoba ara Imer, Mesilemit, Mesulam, Yahzera, Adiel, Masai, Malkia, Pasyhur, Yeroham, Adaya kuramnyi. 13A imam nirya ab, sun ai ninyi yuk-yuk ab, sun kalingna nang ab ara yubwa 1.760 nang kuramnyi. Sunci Er Imtamnyi ai Bait Allah ai dam bisam oboka dama deirin nang ab, Er Imtamnyi molona ati wa in nang kuramnyi.

14Ura, Lewi yala nang aryi Yerusalem minob yandoka kuramnyi nang ara Merari deibdoba aryi Hasub mi Semaya kuramwe. Hasub er nai si ara Azrikam. Ba, er abwe si ara Hasabya kuramwe. 15Tonda, Bakbakar ab, Heresh ab, Galal ab, Mikha mi Matanya ab kuramnyi. Mikha er nai ara Zikhri. Ba, er abwe bira Asaf kuramwe. 16Tonda, Semaya mi Obaja ab, Asa mi Berekhya ab Netofa mutuk mitik-mitik atei dam kuramnyi. Ara, Semaya er nai ara Galal. Ba, er abwe ara Yedutun kurandau. Ba, Berekhya er abwe si ara Elkana kuramwe.

17Ba, sun Bait Allah dam lika bublan kalingna nang ara Salum ab, Akub ab, Talmon ab, Ahiman ab sun du weit yabwe ab kuramnyi. Ba, Salum bira sun dunyi kuramwe. 18Uku talak ababyi Bait Allah ai yaletam kuboka weik sien nang lika bublan kalingnamnyi. Minob ura sun abwe yabwe ara Lewi yala nang keis ol ai atei lika bublan kalingnamnyi to sunci Bait Allah ai lika bublan kalingnamnyi. 19Ba, Korah deibdoba Kore mi Salum er du weit yabwe ab Bait Allah ai kobdob bublan kalingnamnyi. Kore er nai ara Ebyasaf. Ba, er abwe ara Korah kurandau. Minob ura sun abwe yabwe ara Kemah Suci ai kobdob bisik bublan kalingnamnyi to sunci Bait Allah ai kobdob bisik bublan kalingnamnyi. 20Ba, Eleazar mi Pinehas bira sun dunyi kuramwe. Ba, Er Iya Erebdobnyi biryi ersi miliramwe. 21Ba, Meselemya mi Zakharia bira Kemah Suci ai bublan kalingnamwe. 22Sun bisik bublan kalingna atei wibmangnyi nang nirya ara yubwa 212 nang kuramnyi. Sun si asi sun atei yuk-yuk deibdoba kerek sengna umbura sekmai. Daud ab, kunumna eirinanyi si nabi Samuel ab sun wiboka wa karebmarei. 23A Lewi yang nang ab, sun deibdoba ab Er Iya Erebdobnyi ai Bait Allah ai bublan kalingnamnyi. 24Ara, Bait Allah ai dam me utam ab, yaletam ab, me youkwetam ab, kitingbantam ab bisik bublan kalingna nang deibmai. 25Ba, sun mitik-mitik atei kuramingnyi du weit yabwe aryi uki tabaryi aryi sun ab tonkwa bublan kalingna wa iramnyi. 26Bok, a Lewi yala nang bisik bublan kalingna nang sien nang ara tuba-tuba sun wa iramnyi. Sunci Bait Allah ai umbura ai yuk-yuk ab, akai bona-bona ab, bona miningna ai ab nirya kalingnamnyi. 27Uki berekci ura, Bait Allah ai bublan tuba-tuba kukamnyi ab, Bait Allah ai ab tuba-tuba kalingnamnyi ab ati akai dam maramnyi. 28Ba, Lewi yala nang yuk nang ara Bait Allah ai bona nirya kalingnamnyi. Sunci a bona nirya nukmai. Wengboyanmai bona ab, da bobinmai bona ab nirya nukmai. 29Lewi yala nang yuk nang ton nang ara Bait Allah ai dam tepung teleb ab, anggur me ab, zaitun du yung ab, tong teleb dinyi si kemenyan ab rempah-rempah ab kikniraming. 30Ba, imam nang mikbaryi aryi tong teleb rempah-rempah asi tabtabukoka kikniraming. 31Ba, Lewi yalanyi Matica biryi Er Iya Erebdobnyi biti roti dama deirin dinyi kikniramwe. Matica bira Korah deibdoba Salum yuma deibmou mi kuramwe. 32Ba, Lewi yala nang bok, Kehat deibdoba mikbaryi aryi Er Iya Erebdobnyi biti dama deirin roti yubwa amolbaryi kikniramnyi. Ba, uki si Sabat tum aryi sunci a roti asi Bait Allah ai dam Ruang Kudus dam co lamna deici deiriramnyi. 33Ba, Lewi yala nang ton nang ara Er Imtamnyi si weik eboka mot semna nang tikeibmai. A mot semna nang kitingtam lukunda tuba-tuba Er Imtamnyi biti mot semnamnyi. A deyok aryi sunci yuk wa irmilina ukubman kum iramnyi ura, Bait Allah ai dam tuba-tuba kuramnyi. 34Eitam sekmai nang nirya ara Lewi yala nang ai ninyi yuk-yuk du nang kuramnyi. Ura, Yerusalem atei dam kuramnyi.

Saul deibdoba deyok

9:35-44

35Bok, Gibeon atei dam ara akatei doamunyi Yeiel ab, er ner Maakha ab kurandei. 36-37Yeiel biryi er mi yanduanyi si Abdon ab, Zur ab, Kish ab, Baal ab, Ner ab, Nadab ab, Gedor ab, Ahyo ab, Zakharia ab, Miklot ab deibmou. 38Ba, Miklot biryi Simeam deibmou. A nang ara sun du weit yabwe ab Yerusalem atei bindoka sun yuk yala nang dam kuramnyi. 39Ba, Ner biryi er mi Kish deibmou. Ba, Kish biryi Saul deibmou. Ba, Saul biryi er mabwe Yonatan ab, Malkisua ab, Abinadab ab, Esybaal ab deibmou. 40Ba, Yonatan biryi Meribaal deibmou. Ba, Meribaal biryi Mikha deibmou. 41Ba, Mikha biryi Piton ab, Melekh ab, Tahrea ab, Ahas ab deibmou. 42Ba, Ahas biryi Yaera deibmou. Ba, Yaera biryi Alemet ab, Azmawet ab, Zimri ab deibmou. Ba, Zimri biryi Moza deibmou. 43Ba, Moza biryi Bina deibmou. Ba, Bina biryi Refaya deibmou. Ba, Refaya biryi Elasa deibmou. Ba, Elasa biryi Azel deibmou. 44Ba, Azel biryi mabwe nabaryi deibmou. A mabwe sun si ara Azrikam ab, Bokhru ab, Ismael ab, Searya ab, Obaja ab, Hanan ab deibmou.

Currently Selected:

1Tawarikh Uram 9: MTG

Highlight

Copy

Compare