1Tawarikh Uram 6

Lewi yala nang deyok

6:1-30

1Ura, Lewi biryi mabwe winiryi deibmou. Er mabwe si ara Gerson ab, Kehat ab, Merari ab deibmou. 2Ba, Kehat biryi Amram ab, Yizhar ab, Hebron ab, Uziel ab deibmou. 3Ba, Amram biryi Harun ab, Musa ab, sun malner Miryam ab deibmou. Ba, Harun biryi Nadab ab, Abihu ab, Eleazar ab, Itamar ab deibmou.

4Ba, Eleazar biryi Pinehas deibmou. Ba, Pinehas biryi Abisua deibmou. 5Ba, Abisua biryi Buki deibmou. Ba, Buki biryi Uzi deibmou. 6Ba, Uzi biryi Zerahya deibmou. Ba, Zerahya biryi Merayot deibmou. 7Ba, Merayot biryi Amarya deibmou. Ba, Amarya biryi Ahitub deibmou. 8Ba, Ahitub biryi Zadok deibmou. Ba, Zadok biryi Ahimaas deibmou. 9Ba, Ahimaas biryi Azarya deibmou. Ba, Azarya biryi Yohanan deibmou. 10Ba, Yohanan biryi Azarya deibmou. Ara, Azarya biryi Salomo biryi Yerusalem atei dam doamwe ai, Er Iya Erebdobnyi ai Bait Allah doboka, akai dam ninyi dama deirin dinyi uk daboka imam wa iramwe. 11Ba, Azarya biryi Amarya deibmou. Ba, Amarya biryi Ahitub deibmou. 12Ba, Ahitub biryi Zadok deibmou. Ba, Zadok biryi Salum deibmou. 13Ba, Salum biryi Hilkia deibmou. Ba, Hilkia biryi Azarya deibmou. 14Ba, Azarya biryi Seraya deibmou. Ba, Seraya biryi Yozadak deibmou. 15Ba, Er Iya Erebdobnyi biryi mundu loboka Yehuda ninyi ab, Yerusalem ninyi ab Nebukadnezar biryi Babel mutuk asi bobinmai. Ba, Yozadak ababyi bobinmai.

16Ura, Lewi biryi er mabwe Gerson ab, Kehat ab, Merari ab deibmou. 17Ba, Gerson biryi er mabwe Libni ab, Simei ab deibmou. 18Ba, Kehat biryi Amram ab, Yizhar ab, Hebron ab, Uziel ab deibmou. 19Ba, Merari biryi Mahli ab, Musi ab deibmou.

Ba, Lewi deibdoba sun yala yuk-yuk ab, ai ninyi yuk-yuk ab ara ato. 20Gerson biryi Libni deibmou. Ba, Libni biryi Yahat deibmou. Yahat biryi Zima deibmou. 21Ba, Zima biryi Yoah deibmou. Ba, Yoah biryi Ido deibmou. Ba, Ido biryi Zerah deibmou. Ba, Zerah biryi Yeatrai deibmou.

22Ba, Kehat deibdoba ara Aminadab ab, er mi Korah ab deibmou. Ba, Korah biryi Asir deibmou. 23Ba, Asir biryi Elkana deibmou. Ba, Elkana biryi Ebyasaf deibmou. Ba, Ebyasaf biryi Asir deibmou. 24Ba, Asir biryi Tahat deibmou. Ba, Tahat biryi Uriel deibmou. Ba, Uriel biryi Uzia deibmou. Ba, Uzia biryi er mi Saul deibmou. 25Ba, Elkana biryi er mabwe Amasai ab, Ahimot ab deibmou. 26Ba, Ahimot biryi Elkana deibmou. Ba, Elkana biryi Zofai deibmou. Ba, Zofai biryi Nahat deibmou. 27Ba, Nahat biryi Eliab deibmou. Ba, Eliab biryi Yeroham deibmou. Ba, Yeroham biryi er mi Elkana deibmou. 28Ba, Samuel biryi er mi yanduanyi si Yoel ab, er bitinyi mi Abia ab deibmou. 29Ba, Merari deibdoba ara er mi Mahli deibmou. Ba, Mahli biryi Libni deibmou. Ba, Libni biryi Simei deibmou. Ba, Simei biryi Uza deibmou. 30Ba, Uza biryi Simea deibmou. Ba, Simea biryi Hagia deibmou. Ba, Hagia biryi er mi Asaya deibmou.

Er Iya Erebdobnyi ai mot semni nang deyok

6:31-47

31Ura, weik sienyi Daud biryi Er Iya Erebdobnyi biryi, “Ato kubdarur-ato kuna mem,” en uram deirin co sangkol asi Er Iya Erebdobnyi ai asi boboka deibmou. Ura, Daud biryi Lewi yala nang ton nang asi, “Sunci Israel ninyi asi menekoka Er Imtamnyi si weik ereboka mot sebdarur,” eboka wa karebmou. 32Ara, sun Lewi yala nang aryi Kemah Suci ai dam Er Imtamnyi biti mot semnamnyi. Ara, weik sienyi Salomo biryi Yerusalem atei dam Er Iya Erebdobnyi ai Bait Allah dobkwamnyi kabul talak kwalina nirya sun wa karebnyi to Er Imtamnyi si weik ereboka tuba-tuba mot semnamnyi.

33Ura, Kemah Suci ai urasin dam noutumang tingnamnyi mot semni nang ara Kehat yalanyi Heman ab, er mabwe ab mot semnamnyi. Sun deibdoba yaldakde baramnyi dinyi si sengna outam akiryi kuboka eitam asi ara: Heman, Yoel, Samuel, 34Elkana, Yeroham, Eliel, Toah, 35Zuf, Elkana, Mahat, Amasai, 36Elkana, Yoel, Azarya, Zefanya, 37Tahat, Asir, Ebyasaf, Korah, 38Yizhar, Kehat, Lewi, Israel.

39Ani, Heman siriktam er yalanya Asaf tikmou. Asaf biryi er nai Berekhya akiryi kuboka eitam yaldakde baramnyi nang ara Simea, 40Mikhael, Baaseya, Malkia, 41Etai, Zerah, Adaya, 42Etan, Zima, Simei, 43Yahat, Gerson, Lewi.

44Ani, Heman kwanimtam er yala nang Merari deibdoba tikmai. Ara, Etan er nai Kisi akiryi kuboka eitam yaldakde baramnyi ara Abdi, Malukh, 45Hasabya, Amazia, Hilkia, 46Amzi, Bani, Semer, 47Mahli, Musi, Merari, Lewi.

Harun deibdoba deyok

6:48-53

48Ura, Lewi yala nang ton ara Er Imtamnyi ai Kemah Suci ai dam sun wa yuk-yuk karebmunyi ura, Er Iya Erebdobnyi biti iramnyi. 49Bok, Lewi yalanya Harun ab, er mabwe ab aryi Kemah Suci dam wa iramnyi ara ato. Sunci Er Iya Erebdobnyi biti bisam oboka dama deirin dinyi asi dama deirin keil lamna dub aryi nong nirya uk daramnyi. Tonda, sunci Er Iya Erebdobnyi biti tong teleb dinyi dama deiboka emas aryi kikniamingnyi co lamna asi uk daramnyi. Tonda, Harun biryi Er Imtamnyi wa inanyi Musa ebdeiamwe to bisam ining boboka iya beterdongona mem ai wengbindoka Er Imtamnyi ab, sun Israel ninyi ab antanirdeirina ati dama deiriramnyi. 50Ura, Harun deibdoba Eleazar ab, er mi Pinehas ab deibmou. Ba, Pinehas biryi Abisua deibmou. 51Ba, Abisua biryi Buki deibmou. Ba, Buki biryi Uzi deibmou. Ba, Uzi biryi Zerahya deibmou. Ba, Zerahya biryi Merayot deibmou. 52Ba, Merayot biryi Amarya deibmou. Ba, Amarya biryi Ahitub deibmou. 53Ba, Ahitub biryi Zadok deibmou. Ba, Zadok biryi Ahimaas deibmou.

Sun Lewi yala nang atei deyok

6:54-81

(Yos. 21:1-42)

54Ura, sun Lewi yala nang keis ol ai doboka kun atei yuk-yuk ara ato: Kehat yala nang asi atei karebkwamangnyi ati yuma kobdob keil im sukdemunyi ura, Kehat yala nang bok, Harun deibdoba bok asi, 55Yehuda mutuk bok Hebron atei ab, akatei atei dam bisam winin mutuk eterebmai. 56Bok, Hebron atei dam mitik-mitik atei ab, wa in mutuk ab Yefune mi Kaleb bisi karebmai. 57Ara, Hebron atei Harun deibdoba sun inirdarorban atei karebmai. Tonda, Libna atei ab, Yatir atei ab, Estemoa atei ab, akatei winiryi dam bisam winin mutuk yuk-yuk ab karebmai. 58Tonda, Hilen atei ab, Debir atei ab, akatei bitinyi dam bisam winin mutuk karebmai. 59Tonda, Yehuda mutuk bok, Asan atei ab, Bet-Semes atei ab, akatei bitinyi bisam winin mutuk karebmai. 60Ura, Benyamin yala mutuk bok, Harun deibdoba asi Geba atei ab, Alemet atei ab, Anatot atei ab, akatei bitinyi dam bisam winin mutuk ab karebmai. Ara, Harun deibdoba aryi sunsi karebmai atei 13 baryi asi sun ai ninyi yuk-yuk asi bokeibmai. 61Ura, Kehat yala nang yuk deibdoba asi keil im sukdemunyi ura, Manasye yala nang dinatam nang mutuk bok atei takubaryi eterebmai.

62Ura, Gerson deibdoba yala yuk-yuk ati weik atei 13 baryi eterebmai. Ara, Isakhar yala nang mutuk, Asyer yala nang mutuk, Naftali yala nang mutuk, Basan mutuk bok Manasye dinatam mutuk ab kankan aryi akatei 13 baryi eterebmai. 63Ura, Merari yala nang sun ai ninyi yuk-yuk ati keil im sukdemunyi ura, weik atei amolbaryi eterebmou. Ara, akatei amolbaryi ara Ruben yala nang mutuk, Gad yala nang mutuk, Zebulon yala mutuk kankan atei aryi eterebmai.

64Ara, Israel yala nang ara akatei nirya ab, akatei nirya dam bisam winin mutuk yuk-yuk ab Lewi yala nang ati eterebmai. 65Ara, Yehuda yala nang mutuk dam, Simeon yala nang mutuk dam, Benyamin yala nang mutuk ab eitam aryi sirya ebmunyi weik atei-weik atei keil im sungna deici aryi Lewi yala nang ati eterebmai.

66Tonda, Kehat yala bok, yuk ai ninyi atei Efraim mutuk weik atei-weik atei sun mutuk ati eterebmou. 67Ara, sunti Sikhem atei sun inirdarorban atei ati karebmai. Ura, tonda Gezer atei ab, akatei dam bisam winin mutuk ab karebmai. 68Tonda, Yokmeam atei ab, Bet-Horon ab, akatei bitinyi dam bisam winin mutuk ab karebmai. 69Tonda, Ayalon atei ab, Gat-Rimon ab, akatei bitinyi dam bisam winin mutuk ab eterebmai. 70Ura, Manasye yala nang dinatam mutuk bok, Aner atei ab, Bileam atei ab, akatei bitinyi dam bisam winin mutuk ab eterebmai. Ato kuboka Kehat yala nang yuk ai ninyi ati atei ab, mutuk ab karebmai.

71Ura, Gerson deibdoba ati Manasye yala nang dinatam nang mutuk dam, Basan mutuk bok Golan atei ab, Asytarot atei ab, akatei bitinyi dam bisam winin mutuk ab karebmai. 72Tonda, Isakhar yala nang mutuk dam Kedesh atei ab, Daberat atei ab, akatei bitinyi dam bisam winin mutuk eterebmai. 73Tonda, Ramot atei ab, Anem atei ab, akatei bitinyi dam bisam winin mutuk ab karebmai. 74Tonda, Asyer yala nang mutuk dam Masal atei ab, Abdon atei ab, akatei bitinyi dam bisam winin mutuk ab karebmai. 75Tonda, Hukok atei ab, Rehob atei ab, akatei bitinyi dam bisam winin mutuk karebmai. 76Ura, Naftali yala nang mutuk dam Galilea mutuk bok, Kedesh atei ab, Hamon atei ab, Kiryataim atei ab, akatei winiryi bisam winin mutuk ab karebmai.

77Ura, Merari deibdoba yuk ai ninyi ati Zebulon yala nang mutuk dam Rimon atei ab, Tabor atei ab, akatei bitinyi bisam winin mutuk ab karebmai. 78Tonda, Yordan me kouboka yaletam Yerikho atei dam sunsi mutuk karebmai. Ara, Ruben yala nang mutuk dam yini mutuk noutumang atei Bezer atei ab, Yahas atei ab, akatei bitinyi dam bisam winin mutuk ab karebmai. 79Tonda, Kedemot atei ab, Mefaat atei ab, akatei bitinyi dam bisam winin mutuk ab karebmai. 80Ura, Gad yala nang mutuk dam Ramot-Gilead atei ab, Mahanaim atei ab, akatei dam bisam winin mutuk karebmai. 81Tonda, Hesybon atei ab, Yaezer atei ab, akatei bitinyi dam bisam winin mutuk ab karebmai.

Currently Selected:

1Tawarikh Uram 6: MTG

Highlight

Copy

Compare