1Tawarikh Uram 4

Yehuda deibdoba uram deyok

4:1-23

1Ura, Yehuda biryi mabwe amubaryi deibmou. A mabwe sun si ara Peres ab, Hezron ab, Karmi ab, Hur ab, Syobal ab deibmou. 2Ba, Syobal mi Reaya biryi Yahat deibmou. Ba, Yahat biryi Ahumai ab, Lahad ab deibmou. A mabwe ara sun Zora mutuk kuramnyi ninyi sun abwe yabwe kurandei.

3-4Ba, Kaleb biryi er yuma mi Hur deibmou. Ba, Hur biryi er ner si Efrata doamwe. Ba, Hur deibdoba ara Betlehem atei doamnyi. Ara, Hur biryi Etam ab, Pnuel ab, Ezer ab deibmou. Ba, Etam biryi Yizreel ab, Isma ab, Idbas ab deibmou. Sun malner si ara Hazelelponi bibabyi deibmou. Ba, Pnuel biryi Gedor atei doamwe. Ba, Ezer biryi Husa atei dobmou.

5Ba, Asyur biryi Tekoa atei doamwe. Asyur er nerabwe bitinyi si ara Hela ab, Naara ab dobmou. 6Ba, Naara biryi erti mabwe dumbaryi deibmou. A mabwe sun si ara Ahuzam ab, Hefer ab, Temeni ab, Ahastari ab deibmou. 7Ba, Hela biryi Zeret ab, Yezohar ab, Etnan ab deibmou. 8Ba, Kos biryi Anub ab, Hazobeba ab, Harum mi Aharhel yala nang deibmou.

9Ba, ninyi si Yabes biryi er du weit yabwe aryi er si ereboka weik ebmou. Ara, Yabes er kwin ersi si Yabes eboka dobmou. Ara, “Niryi a mi asi mi deyok u weik doboka deibman,” eboka er mi Yabes si dobmou. 10Ba, Yabes biryi er Nai imtamnyi, Israel nang moloramunyi bisi moloboka ato ebmou, “Nai Imtamnyi, Kanci nisi kisal dangna tuba-tuba karena teleb. Tonda, Nai ni mutuk tukwe tabakoka weik tukwe karena teleb. Ani, Kanci nisi kan taruk mikib aryi tuba-tuba kalingna teleb. Ara, mambul dinyi ton, u yirdena ton ni dam kum yankwande ati ebman,” molobmou. Ba, Er Imtamnyi biryi er molon dinyi kekeboka kunubmou.

11Suha er weit Kelub biryi Mehir deibmou. Ba, Mehir biryi Eston deibmou. 12Ba, Eston biryi Bet-Rafa ab, Paseah ab, Tehina ab deibmou. Ba, Tehina biryi Nahas atei dobmou. A nang nirya ara Rekha mutuk kuramnyi.

13Ba, Kenas biryi er mabwe Otniel ab, Seraya a deibmou. Ba, Otniel biryi er mabwe Hatat ab, Meonotai ab deibmou. 14Ba, Meonotai biryi Ofra deibmou. Ba, Seraya biryi Yoab deibmou. Yoab biryi atei si Lembah Tukang-tukang doamwe. Akatei kuramnyi nang ara ai don nang ab, yuk-yuk bona kikniamnyi nang ab kuramnyi deyok akatei Lembah Tukang-tukang si dobmou.

15Ba, Yefune mi Kaleb biryi er mabwe Iru ab, Ela ab, Naam ab deibmou. Ba, Ela biryi er mi Kenas deibmou.

16Ba, Yehaleleel biryi Zif ab, Zifa ab, Tireya ab, Asareel ab deibmou.

17Ba, Ezra biryi Yeter ab, Mered ab, Efer ab, Yalon ab deibmou. Ba, Mered er ner Firaun nebnyi si Bica bira Miryam ab, Samai ab, Estemoa atei doaminyi Yisbah ab deibmou. 18Ba, Mered ton ner Yehuda ner bira Yered ab, Heber ab, Yekutiel ab erti deibmou. Yered biryi Gedor atei dobmou. Ba, Heber biryi Sokho atei dobmou. Ba, tonda Yekutiel biryi atei si Zanoah dobmou.

19Ba, Hodia biryi Naham er malner asi dobmou. Hodia deibdoba ara Garmi yala nang ab, Maakha yala nang ab deibmou. Ara, Garmi yala nang aryi Abu Kehila atei doamnyi. Ba, Maakha yala nang aryi Estemoa atei doamnyi.

20Ba, Simon biryi Amnon ab, Rina ab, Benhanan ab, Tilon ab deibmou. Ba, Yisei biryi Zohet ab, Ben-Zohet ab deibmou.

21Ba, Yehuda mi Sela biryi Lekha atei doamunyi Er, ab, Maresa atei doamunyi Lada ab, Bet-Asybea atei kuramnyi namin aling win nang sun ai ninyi ab deibmou. 22Tonda, Yokim ab, Kozeba atei kuramnyi nang deibmou. Ani, Yoas ab, Saraf ab deibmou. Ara, Saraf biryi Moab mutuk taleamwe ura, er atei Betlehem dam tamuryanmou. A nang nirya kubde baramnyi dinyi ara minob uca sekamnyi. 23A nang ara ngat tukwe aryi meyok kiknin nang wa iboka Netaim atei ab, Gedera atei ab kuramnyi. Ara, sunci weik sienyi biti wa iramnyi.

Simeon deibdoba uram deyok

4:24-43

24Ura, Simeon biryi Nemuel ab, Yamin ab, Yarib ab, Zerah ab, Saul ab deibmou. 25Ba, Saul biryi Salum deibmou. Ba, Salum biryi Mibsam deibmou. Ba, Mibsam biryi Misma deibmou. 26Ba, Misma biryi er mi Hamuel deibmou. Ba, Hamuel biryi Zakur deibmou. Ba, Zakur biryi Simei deibmou. 27Ba, Simei biryi mabwe 16 baryi ab, nermabwe nabaryi ab deibmou. Bok, Simea er du weit yabwe aryi mabwe yubwa mitikanun akwe deibmai. Ati, Simeon deibdoba ara Yehuda yala nang ato kuboka mabwe ilinto tabakoka kum kubmou. 28Simeon yala nang ara Bersyeba atei ab, Molada atei ab, Hazar-Sual atei ab, 29Bilha atei ab, Ezem atei ab, Tolad atei ab, 30Betuel atei ab, Horma atei ab, Ziklag atei ab kuramnyi.

31Tonda, Bet-Hamarkabot ab, Hazar-Susim atei ab, Bet-Biri atei ab, Saaraim atei ab kuramnyi. Akatei nirya sun dinyi kuboka Daud weik sienyi kibkwamunyi talak kimbici ura, ato kuramnyi. 32Tonda, mitik-mitik atei amubaryi si Etam ab, Ain ab, Rimon ab, Tokhen ab, Asan ab sun dinyi kuamnyi. 33Ura, atei dam baitam kuboka mutuk tukwe ababyi weik atei Baal dam kuboka sun mutuk kuamnyi. Ba, Simeon yala nang aryi sun deibdoba si sun baramnang aryi sekamnyi.

34Ura, Simeon yala ninyi sun kalingna nang si ara Dan Mesobab ab, Yamlekh ab, Amazia mi Yosa ab, 35Yoel ab, Yehu ab, Yosibya ab, Seraya ab, Asiel ab, 36Elyoenai ab, Yaakoba ab, Yesohaya ab, Asaya ab, Adiel ab, Yesimiel ab, Benaya ab, 37Ziza ab kuramnyi. Ara, Semaya biryi Simri deibmou. Ba, Simri biryi Yedaya deibmou. Ba, Yedaya biryi Alon deibmou. Ba, Alon biryi Sifei deibmou. Tonda, sirya kobdob Sefei biryi anyi si Ziza deibmou. 38A nang nirya ara sun Simon yala nang kalingna nang kuramnyi. Ura, sun mabwe nermabwe tabakoka yala ilinto kibdeiamnyi. 39Ura, ato kuboka ninyi ilinto kiamnyi deyok aryi sunci a mutuk lu yaletam kuboka atei Gedor atei dam bindoka sun bisam kambing domba mer yina ati mol ingkiringnamnyi. 40Ura, sunci sul mutuk sungsunga ilinto aboka mutuk asing eibmai. A mutuk ara weik mutuk kuboka sunci mangkau asa aryi kuramnyi. Ara, sun Simeon yala nang a mutuk binkwamnyi kabul talak aryi Ham mutuk ninyi a mutuk aryi kuramnyi. 41Sun eitam si sekamnyi nang ara weik sienyi Hizkia biryi Yehuda yala ninyi taleamwe talak aryi a sul mutuk yanmai. Ura, sun a mutuk kuramnyi ninyi Ham yala ninyi ab, Meunim yala ninyi ab oboka sun atei nirya arabdobmai. Ura, sunci a sul mutuk sun winin bisam kambing domba yina ati kikiman mutuk aryi atei doboka kuramnyi. 42Bok, Simeon yala nang ton nang yubwa 500 baryi nang Seir mutuk kon bindoka kuramnyi. Ura, Yisei mabwe si Pelaca ab, Nearya ab, Refaya ab, Uziel ab sun kalingna nang kuramnyi. 43Ura, a mutuk kuboka Amalek nang kablobnyi nang obmunyi ura, a mutuk uku talak ababyi iya kuramnyi.

Currently Selected:

1Tawarikh Uram 4: MTG

Highlight

Copy

Compare