1Tawarikh Uram 20
20
Amon yala nang asi sirya mar bobmai deyok
20:1-3
(2Sam. 12:26-31)
1Kwalina tentok asi co keta dobdongobne tok ara weik sien nang nirya aryi ninyi mar boramnyi. Ato kuboka mar boramnyi to akwe Daud er yin doun nang sienyi Yoab biryi Amon nang asi mar boboka erebdobmaici, Raba atei arabdobmai. Bok, Daud bira er yuk Yerusalem atei kuroramwe. Ba, Yoab biryi Raba atei oboka erebdobmouci, dalubmou. 2Ba, Daud biryi akatei yandoka sienyi kisok kaluramwe kaluna dobdobmou. Ba, a kisok kaluna ikin ara emas keil ikin 35 kilogram baryi kikliraming ikin atoa kuamwe. Ba, a kisok kaluna ara dengna weik keil emas ab yuk-yuk bol keil aryi deneamyi asi doboka Daud kisok kalubdobmou. Ani, yuk-yuk bona a weik atei ninyi taleramnyi bona ababyi nirya daluboka dobdobmai. 3Ba, a weik atei nang ton nang asi co cangni keica gergaji ab, tukwe alin keica besi ab, kat ya kala ab bobdeiboka arukmaici, il weik wa dimna nang kibdeibmai. Ani, Amon yala nang weik atei anda kuramnyi atei nang nirya neiktoto akwe er il weik wa in nang kibdeibde yibinmai. Sirya ukubmai ura, Daud ab er yin doun nang ab ara Yerusalem atei bindobmai.
Filistin nang asi mar bobmai deyok
20:4-8
(2Sam. 21:18-22)
4Ura, Daud milibmai nang aryi Gezer mutuk dam Filistin nang asi mar bobmai. A ordanmai uca, Husa ateinyi si Sibkhai biryi ninyi nena ilila neamunyi si Sipai bisi obmou, ba, Filistin nang ababyi sun amwetam nang kibdeibmai.
5Ani, tubto Filistin nang akwe mutuk si Gat dam mar bobmaici, obdanmai. A talak aryi Yair mi Elhanan aryi Gat ateinyi Goliat er kwit Lahmi bisi obmou. Lahmi bira er ninyi on balang bok ila ara aling wiraming co las atoanun asi douramwe.
6A ordanmaia dam ara ililanyi nun asi mar ordana kilkil ilinto kuramunyi nun ton a ordanmaia kankan tikmou. Anyi er yan du babyi, taruk du babyi ara nabaryi akwe kuamwe. Ba, a lekamwa nirya yan babyi taruk babyi antaniboka nungna ara 24 baryi nungnamnyi. 7Anyi biryi sun Israel nang asi yandoka durungmou asi Daud er du Simea mi si Yonatan biryi anyi bisi obmou.
8A dumbaryi nang sun nong ara mutuk Gat nang ara ilila nang akwe asi Daud ab, er milin nang ab aryi obmai.
Currently Selected:
1Tawarikh Uram 20: MTG
Highlight
Copy
Compare
Share
Want to have your highlights saved across all your devices? Sign up or sign in
@LAI 2007 (New Testament), @LAI2022 (Old and New Testament)
