Isaya 6
6
Isaya Ziemho mu Puo Kekie
1Uzia kediu siaketa cie, a Niepuu kediba puo gei ba di ngu, rükrie mu zha; tsiu puo kewhepfheko rüsuokiu tshu. 2Puo mhogei serafko tha; puo puoshü sorourou; shü kenie pie puo zie ya, keniepie puo phi whe, mu kenie se pruo. 3Siro puoe puo kie di sie:
“Mesa, mesa, Krodiko Jihova mesa;
kijüu pete puo kesokezie thuo tshu,” si.
4Sitse kicie mvüdzeko meliekeshü pfhe si di rünieta, mu mikhu thuo kiu tshuta. 5Sitse ae sie: “A sü hieshiehieruo! A sü jüte, a sü themia u tie mesa kemo puo, mu themia u tie mesa kemo kro puo donu bayacü la; sirei a mhi-e Kediu, krodiko Jihova nguwate!” si.
6Sitse serafko puoe mibe pie ruosuoba geinu mizhü ketu puo bepie pruo a ki vor. 7Sidi seraf-u süu se a me nyü di sie a ki; “Tsie hau n tie nyüwate, n kejo chüsete, mu n kephouma vashüwate,” sita. 8Süsie a Niepuu pfhe hakemhie pucü si, “A bu supuo ketseshü ta, mu supuonie úko la vo ta?” si. Sitse ae sie, “A haki bawe, a ketseshücie!” sishü. 9Sitse puoe sie, “Vo di themia hako ki pushücie:
Rünyü we rünyü, derei lelie lho;
meho we meho, derei silie lho.
10Themia hako melou bie kerüvowalie,
mu uko nyie bie kerüvüwalie,
mu uko mhi bie peciewalie,
uko bu uko mhipie ngulie kelho,
mu uko nyie pie rünyülie kelho la,
mu uko melou pie mha silie,
mu rüreilie di uko chü keshürholie kelho la,” si.
11Sitse ae sie, “Kichiepuo ta, he-i Niepuu?” si.
Sitse puoe sie; “Nadiko kaüjü vo
themia lhou mota,
mu kiko nu themia tuo mota,
mu kijüu ruo tseita kemochie,
12mu Jihovae pete ketsepie kepetse nu shüwa,
tsiu kijüu nu thechü vakewa kra phita kemochie.
13Mhanuü sünu ker-zapuo baluo rei,
terebintbo morei phriebo wikewa sie puomvü keba
mhiei thewatuo!”
Puo mvüu kemesa tsiau zo.
Currently Selected:
Isaya 6: ANBRBSI
Highlight
Copy
Compare
Share
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved. More
