Habakuk 3
3
1Habakuk siedzekesiue Shigionot medzi di kecha chü.
Siedzekesiu Kecha
2He-i Jihova, a n za kemeyie si,
mu a ngo bate, He-i Jihova, n mhathoko la.
Hie teiu nu süko chü perhei lashücie;
hie teiu nu süko pesishücie;
noupfhü nunu no ngukemezhieu rükrashücie.
3Ukepenuopfü Teman nunu vor,
Paran kijüthou geinu Kemesau vor. Selah
Puo zayieu teiko zepfülie,
tsiu kijüu puo ketshe thuo tshupfü ba.
4Kezieu ziepie niaki tuoi zo;
kezie chako puo dzie nunu par,
sünu puo kekuo keviepie tuo.
5Puo mhodzü thesatheruo tuo,
siro thepe süu sie medzitoi tuo.
6Puoe thalie, sidi kijüu shükenieshü;
puo mehoshü di seyieko bu perüsürüsata.
Kechachie keba kijüthouko keza phawa,
keriekimia chaweko,
kechachie keba kijütseiko sa di rükre tsuta.
7Ae Kushan pfhekiko kemezhie kezhü ngushü;
Midian kijü nu pfheki keyapfheko pekhrukhru bata.
8He-i Jihova, n noupfhüe kerüko petsou me?
Morei n nei kemo se kerüko petsou me?
Morei n nouyieu se dzükezhako petsou me?
no n kierko se takeshü ki,
n kierbageiko bu kuokelieutuo me?
9No n theü kegeshü,
n diekhakeshü nunu theütsie ketshukelhuo. Selah
No kerüko se kijüu kezawa.
10Kijüthouko n ngushü, di peta;
dzü krurüyo tsur;
mha kesouu puo pfhe chüshü.
Niaki puo dzie yha kerükrie khota,
11khrüe puo tha meyiemeluokecü nu mele mo zhata,
n theütsie kezieu ta kevo ki,
n ngou peyie phriephrieikeshü ki.
12N nouyie nunu no kijü kede vote,
n nei kemo nunu noe seyieko kedewa.
13Noe n themiako kelatuoü,
no kenhekelieu kelatuo üdi vor.
Noe kerüzhü kiu tsü kedewa,
puo mvüdze nunu vo sozha ketso bie kemethuowate, Selah
14Noe uko theütsieko se puo terhümiaviko tsü zephawa,
khriewhi mhie hie bie kezawaketuo la vor,
puoe mhakejümia rüshü kebako mezulietuo üdi krenyü zo vor.
15Noe n kier se dzükezha pfüthe vo,
sidi dzükezhau kebvüshü.
16A site, sidi a nou pekhrukhru bate;
mhapfhe la a tie-e perüsürüsa bate.
Ciemenakecü a ru nu lete,
mu a phika mengate.
Ae kemekrie di themia hie petsoukecüko pekaketuo zha vorketuou pfhe ba.
Kemezhiekecü Donu rei Pele mu U Nei Keba
17Chiedebo thuo poupar mota rei,
khubebo puosi vülie mota rei;
oliv puosi parlie mota rei,
tsiu lieko thuo puosi rüchü mota rei;
tekuo ki nu tekuo ba mota zorei,
mu mithu ki nu mithu tha mota rei,
18sishierei a Jihova nunu a neituo;
a kelakelie Kepenuopfü geinu a neituo zotuo.
19Niepuu, Ukepenuopfü sü a kekuou zo,
puoe a phi chüpie chüzhie phi tuoishü,
sidi a bu thechü kerükrie#3:19 Ibri A rükrie. gei tuolie.
Bazha puoro kechü#3:19 Ibri A bazha. se keliyakezha krütau ki shü ho.
Currently Selected:
Habakuk 3: ANBRBSI
Highlight
Share
Copy
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved. More