Korintmiako Kerieu 4
4
Apostelko Mhatho
1Süla nieko hie üse Khrista kituomia ü mu Ukepenuopfü dze kesouko liethomia ükecü leliecie. 2Sizomonyü liethomiae mia bu puo pelelie kesümia morosuo. 3Siro nieko morei mechükehoue a lepie kiü baya shikecüu we a la mha kecü puo zo. A thuo zorei a capi chüya mo. 4A mhapuorei lepie a nou a pejokecü jü, derei süla üdi a mezhütaü ba mo. A ketsoyakezhau sü Niepuu thuotuo. 5Süla puotei kemonu, Niepuu vor kemonu mhapuorei pecapepita hie, süze puo kezei nunu mha kepekhreko mu themia nou nu keviese ketuo nouleko hielapie kezieu nu shütuo. Süzenu kehoupuorei Ukepenuopfü kinu puoe ngulie kezhü zhapu keviu ngulietuo.
6Siro a kezeko#4:6 Gk Siezedzürie., nieko zhazhü le di mha hako pete pie a mu Apolo hienie gei rei shüshü, sidi nieko bu hienie geinu die, “Thupie kezhü zie mo,” ikecüu ca silie di nie donu mia puo bu rei kekreiu ki vikuokecü leta molieketuo la. 7No kreikecü supuoe ngu ga?#4:7 Moro Supuonie kekreimia ki rei n chü pekreishü ga?. No mha ngulie kemo kedipuo ba ga? No süu ngulie üro kidi methuo ngulie kemo puo mhiei kemelhaya ga?
8Nie nie ketshukelhuo chü bate! Nie mhanyiliete! Hie sa mo di nie kedi chüte! Ketho, nieko kedimia chülietacü we a rei a nei zotuo, silie ro hie rei nie ze kedimia chütatie! 9Kekreilamonyü a nou kele ki Ukepenuopfüe thela nu hie chüpie apostelmia chükecü, kijüu mhodzünu, teigeidieliemia mu themia mhodzünu kesia siazha pie tsükewamia mhie di hie pie zasizapra chüshüta zo. 10Khrista la hie kenyamia chüte, derei nieko we Khrista geinu mhakesimia chüliete: Hie we thachüte, derei nie we kekuomia chüte. Nieko we therhupfüte, derei hie we miathapfüte. 11Siro hieko vor tsie ketso terhü mu merü di tuo zo, pfheneikrako se siro mia bu hie vüwa mu thuselieketuo chü rei jü, 12tsiu hie thuo hie dzie pie mhachü di kemezhie ba zo. Mia hie kerhiekecü ki hie japie mia tsüya, mia hie pechü rei hie shügeshühie; 13mia hie pu pesuo rei hie die kevi puya. Hie tsie ketso rei kijü hau nu nyopfhü kemhiei mha pete ki rei kerhutho puo chü ba.
14A mha hako thupie nie ki keshü nieko kengashüketuo la mo, derei nieko ü a nuo a khrieko kemhie di nieko tarhoshü kenyü la zo. 15Khrista kitsa nie kemeho mia nyie ker ba shierei nie puonuo kemhie we kekra ba mo. Ketho zo, Khrista Jisu geinu dieliekeviu la a nieko puou chüte. 16Süla a nieko bu a dorielielienu di nieko hüshüzhie. 17Hau la a Timothi ketsepie#4:17 Moro ketseshüzhie. nieko ki shü, puoe Niepuu geinu a nuo a khrieu mu pelelie kesüuta zo, puo kehou kehourapuorei a se petha tuoyakezha Khrista Jisu geinu a medzi tuoyakezha dzeko pu di nieko bu rükra lalietuo. 18Siro nieko huomia a üse nieko ki vor lho nhiecü le di khubou tuote. 19Derei Niepuu medo ro, a pezi nieko ki vortuo, mu süze die pu khubou tuoyakezhako zomonyü uko kekuo kedipuo shicü a thuo silietuo. 20Kekreilamonyü Ukepenuopfü kedi we dieu mo, derei kekuo nunu zo. 21Nieko kiu nie nei ta? A bu seiro se nie ki vortieya mo kekhrie nu menekecü ruopfüu tuo ga?
Currently Selected:
Korintmiako Kerieu 4: ANBRBSI
Highlight
Share
Copy
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved. More