Korintmiako Kerieu 2
2
Khrista Goukewa Dielie
1Kezeko, a nieko ki kevor ki, a Ukepenuopfü die kesou silie kere morei lelie kere mhasi die nu nieko ki pu vor mo zo. 2Kekreilamonyü a nieko donunu Jisu Khrista mu puo pie krus geinu goukewa dieu sie mha kekrei puorei si nyü tuo mo. 3Süla a nieko ki kevor ki thachü mu michiepie pe zo di vor zo. 4Siro a diepu nu tsiu mia pethakecü rei themia do themia mhasi#2:4 Leshü kewe huo nu hükelie mhasi. nunu nie ki pu mo, derei Ruopfüu mu kekuou nunu tha pekiekeshü zo. 5Süusü nie kepele bu themia mhasi geinu monyü Ukepenuopfü kekuou gei balieketuo la.
Ukepenuopfü Mhasi
6Siüderei hie phichüketako ki we mhasi die puya, süusü kemethuo chütaketuo tsiedo kelhou teiki mhasiu mo, morei tsiedo kelhou teiki kezhako rei mo. 7Derei hie Ukepenuopfü mhasi kesouu mu keviepie ketuou se puya, süu se u bu zayie chüketuo la Ukepenuopfü nnhiennhie nu kelhouko mhodzü rhüpie tuota zo. 8Mu tsiedo kezhako puorei süu silie mote; kekreilamonyü uko süu si liro zapuzayie kechü Niepuu pie krus geinu goukewapfü mo zo. 9Derei süusü thupie kezhü,
“Umhi pie ngulie kemo,
mu u nyie pie rünyülie kemo,
morei themia melou nu silie kemo,
Ukepenuopfü sikecüko puo khrieyakezhako la kesepie tuote.”
10Ukepenuopfüe Ruopfüu nunu mha hako thapie hie kie phreshüte, kekreilamonyü Ruopfüue mha peteko, Ukepenuopfü dze kesouko zorei pfhülieyakezha la. 11Themia zorei puo nou keba ruopfüu zo kemosie themia donu supuonie themia rüli silieya ga? Süsü tuoi Ukepenuopfü Ruopfüu zo kemosie miapuorei Ukepenuopfü rüli silieya mo zo. 12Hie kijü hau ruopfüu ngulie monyü Ukepenuopfü kinu kevor Ruopfüu nguliete, süla hie Ukepenuopfüe methuo pie u tsüwaketako silie vite. 13Süla hie themia mhasi nunu pethapfükelie dieko monyü Ruopfüe pethakeshü dieko se di ruopfüu nyiketako ki ruopfü dze pu mia pethaya.#2:13 Moro Ruopfü dzeu ruopfü die nu kela, morei ruopfü vieko pie ruopfü dze ze kemejü.
14Kehoupuorei ruopfü themia kemomia Ukepenuopfü Ruopfüu mhaphruoko ngulie kenjü, kekreilamonyü puo mhodzüki die süko üse kenya die üya, mu uko die süko ca silie kenjü, kekreilamonyü Ruopfüu nunu si kekreilie morokesuo la. 15Sirei ruopfüu puo nou kebamia mha peteko le kekreilieya, mu miapuorei u rüli si di u pejokelie jü zo.
16“Kekreilamonyü supuonie Niepuu nou si di
puo pethalie vi ga?”
Derei úko we Khrista nouu se tuote.
Currently Selected:
Korintmiako Kerieu 2: ANBRBSI
Highlight
Share
Copy
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved. More