Romanos 16
16
Alava pe phlalorrenge
1Si man but ezgode lache te phenav katar amari phei e Febe. Voi radil but ande khanlliri katar e Senkreas. 2Len la ande Gazdako anav, gia sar trubul te cherdol maskar e phlal ando pachape, ta pomozin la pe suako ezgoda kai trubula la, soke voi pomozisarda bute llenen, ta i man.
3Bichalav salami e Prisilake ta e Akilake kai radisarde manchar e Jesukristoke, amaro Gazda.#Ech 18.2. 4Von thode po zivoto po meripe pala ma te braduin man, ni dav len fala samo me, i sa e phlal katar e khanllira kai inai judiura den len fala. 5Bichalav salami e khanllirake kai chidiniaon ando cher e Priskako ta e Akilako. Den salami me amale e Epeneto kai voliv le, kai ande Asia vou saia o purvo lleno kai pachaia ando Kristo. 6Den salami e Maria, kai radisarda but pala tumende. 7Den salami e Androniko ta e Juniase kai si mi familia ta kai sea manchar phangle ande rubie, ta si len bari pachiu maskar e apostolura ta i pachaie ando Kristo mai anglal neko me.
8Den salami e Ampliase, mo amal kai voliv le ande Gazdako volipe. 9Den salami e Urbano, kai radi lea zanio pe buchi e Kristoki, den salami e Estakise, kai voliv le. 10Den salami e Apelese kai sikada but droma po pachape ando Kristo, den salami e Aristobulo ta i leke familia. 11Den salami e Erodione, kai si mi familia, ta i e Narsiso ta leke familia kai pachan ando Gazda. 12Den salami e Trifena ta i e Trifosa kai radin ande Gazdaki buchi ta i amare e Perdise kai voli, kai radisarda but ande buchi e Gazdaki. 13Den salami e Rufo, kai si esvirime e Gazdatar, ta i leke da kai si mange sargo iek dei.#Mk 15.21. 14Den salami e Asinkrito, e Flegonte, e Ermese, e Patrobase, e Ermase, ta lenge phlalen kai si lenchar. 15Den salami i e Filologo e Julia e Nereone ta leke phiorra, e Olimpasa ta sa e phlalen ando pachape kai si lenchar.
16Den iek avere iek santo chumidipe. Sa e khanllira e Kristoke bichalen tumenge salami.
17Moliv man tumenge phlalalen, te thoven sama pe gola llene kai anen e joli ta cheren te fuladon e phlal, ta cheren averen te peren katar so tumen sikilen. Tumen morabi te durion katar gola llene, 18soke gola llene ni radin e Jesukristoke amaro Gazda, von roden te chaliaven von pe, ta gugle alavenchar kojaven e lie e manusenge, kai si proste. 19Saurre llanen kai tumen kanden e Devle, me veseliu man cheres tumende ta mangav te sikaven bizaimaia sar cherdol o lachipe, na o bilachipe, 20Gia o Del katar e pas ka ustavel oma e llavolo tala tumare porrne. Amaro Gazda o Jesus te del tumen katar po volipe.
21Bichalel tumenge salami o Timoteo, kai radil zanio manchar pe buchi, ta i o Lusio, o Jason ta o Sosipatro, kai si mi familia.#Ech 16.1.
22Me, o Tersio kai pisiv gava lil, i me bichalav tumenge salami ande amare Gazdako anav.
23I o lleno kai ikhardol Gaio bichalel tumenge salami. Me besav ande leko cher, ta vou thovel po cher te chidiniaol e khanlliri. I o Erasto bichalel tumenge salami, gua kai arakhel e love e foroke, ta o phlal o Kuarto.#Ech 19.29; 1 Kor 1.14; 2 Ti 4.20. 24O volipe amare Gazdako o Jesukristo te avel sa tumenchar, gia te avelpe.
O blagosipe e Devleke
25Blagosisara e Devle, kai sai cherel tumen te aven zurale ande lachi viasta kai me phenav ta e orba cheres o Jesukristo. Ta gaia orba si isto so o Del sikada te pinllara so saia gurudino mai anglal te cherel e phuv. 26Ta akana diape te llangliolpe pala so pisisarde e poraukura, gia sar phenda amaro Del kai zivil ostade. Gaia orba gurudini diape te llangliolpe sa e suetoke, te sai pachan ta te kanden.
27¡Samo o Del kai si bizai, te avel blagosime pala o Jesukristo, gia te avelpe!
Currently Selected:
Romanos 16: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
