Apokalipsis 12
12
E diskinia ta o dragon
1Dikhili ando miloso iek bari ezgoda, iek diskinia furiadi e khametar ta telal katar lake porrne saia o chon ta upral katar lako soro saia iek korona desuduie cheraiengi. 2E diskinia saia khamni ta urkila katar e dukha soke aviloia lako vreme te maladol lake.
O dragon
3Ta i dikhili aver bari ezgoda ando miloso, iek baro dragon lolo kai saia le efta sore ta des singa ta iek korona pe suako soro.#Dn 7.7. 4Ta leki pori chirdela iek katar suako trin cheraia kai si ando miloso, ta chudia len upral pe phuv ta o dragon thodape angla e diskinia kai saia khamni te jal lake minone kana ka biandol.#Dn 8.10. 5Ta e diskiniake maladila iek murusorro kai ka gazdaril iekhe kastea sastruno sa e phuvien, ta lie lake chaurre e Devleke ta leke tronoke;#Sal 2.9; Is 66.7. 6ta e diskinia nasli po pusto, kote kai o Del lacharda lake iek than, te sai pravaren la milia ta dui stotine ta sovardes llivesa.
7Mapalal saia iek baro maripe ando miloso, o Migel ta leke suechura, marenape e dragonoia ta marelape o dragon ta leke suechura.#Dn 10.13,21; 12.1; Jud 9. 8Ta nasti dobisarde, ta ni avila lenge ios than ando miloso. 9Ta avilo tradino avri o baro dragon, o sap o purano kai ikhardol llavolo ta Satanas, kai kojavel sa e sueto; avilo tradino pe phuv ta leke suechura avile tradine lea.#Jen 3.1; Lk 10.18.
10Ondaka asundem iek baro avazi ando miloso kai phenela:#Job 1.6-12; Zak 3.1.
Akana avilo o braduipe,
e zor ta e charoina katar amaro Del,
ta o gazdaripe katar leko Mesias;
soke avilo tradino avri
gua kai dosarela amare phlalen,
angla amaro Del ollivesea ta i orachaia.
11Ta von dobisarde le
pala o rat e Bakreko,
ta pala lenge alava e chache,
ta lenge ni mola niso lengo zivoto,
ta ni chitilape lenge te meren.
12Goleke veselin tumen milosura.
Ta tumen kai zivin ande lende
¡A tesko e llenenge kai zivin pe phuv ta pe mora,
soke o llavolo fulisto tumende bare jolinaia
soke llanel kai inai le but vreme!
13Ta kana dikhla o dragon kai avilo tradino pe phuv, llelo pala e diskinia kai maladilaia lake o minono te marel la. 14Ta avila lake dine dui pakha katar e bari agila, te sai furial angla o sap karing o pusto kai lako than, kote kai saia te pravarenla trin burs ta dopas.#Dn 7.25; 12.7. 15A o sap chudia katar po mui pai te sai cherel iek len palal pala e diskinia, te sai avel chirdini e paietar. 16A e phuv pomozisarda e diskinia, soke e phuv putarda po mui ta nakhada e len kai o dragon chudiaia katar po mui. 17Ondaka o dragon pherdilo joli pe diskinia ta llelo te marel e vichaia kai achilaia katar o porodo e diskiniako, gola kai cheren so phenel o zakono e Devleko ta si len e orba e chachi e Jesukristoki. 18Ta o dragon thodape pasa e mora.
Currently Selected:
Apokalipsis 12: BACHRO
Highlight
Copy
Compare
Share
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
