Salmos 88
88
Devla, ¿soke muke man?
Llili ta llilabipe e chaurrenge katar o Kore. Katar o lleno kai sikavel te llilaben. E nasualimake. Sikadipe katar o Eman o ezraita te llilaben la.
1Devla, tu san mo Gazda
ta mo Braduimari,
orachaia ta ollivesea
mangav tutar te pomozi man.
2¡Te resel tute mo molipe!
¡Thou sama katar so mangav tutar!
3Gia baro si o bilachipe kai avilo pe ma,
kai sem pasa o meripe,
4¡Sai llinen man mulo
soke inai man zor!
5Sem chudino maskar e mule,
sem sargo gola kai llele te marenpe
ta mundarde len e jarniea
ta kai prajosarde len.
Sargo gola kai ni de tut golli lendar
ta kai lie len katar che va.
6Chudian man chak andre ande jar
ando truniariko kai si chak tele.
7Muklan te perel pe ma sa chi joli,
¡cherdan te ucharel man o pharipe katar che valura!
8Cherdan te muken man
gola kai pinllarena man,
cherdan te murzin pe mande.
¡Sem sargo iek phanglo kai nasti nasel!
9Lav te achav korro kai gachin rovav.
¡Suako llive moliv man chuke Devla,
ta chuke vazdav me va!
10¿A so, ka chere bare ezgode e mulenge?
¿Sai ka den tut fala e mule?
11¿A so, ka delpe orba katar cho volipe
ando limori,
o katar cho chachipe maskar e mule?
12Ando truniariko e merimako kote kai bristardol sa,
¿ka pinllarel vareko kai san orta
ta kai chere glamne ezgode?#Job 10.21-22; Sal 6.5; 115.17; Is 38.18-19.
13A me, Devla, moliv man chuke,
thiarinako moliv man chuke,
14¿Soke ni thove mange sama Devla?
¿Soke gurudo mandar?
15Sar kana sema terno
sem brigime ta po meripe,
terpisardem ezgode darane kai avena tutar,
ta ni dav ios.
16Chi bari joli nakhli upral pe mande,
ta dobisarda man,#Job 6.4.
17truial mandar si suako llive,
sargo pai truil man.
18Cherdan te durion mandar sa me amal,
akana me pinllarde si ando truniariko.
Currently Selected:
Salmos 88: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
