Salmos 77
77
E mislura katar so cherel o Del
Katar o lleno kai sikavel te llilaben. Katar o Jedutun. Llili katar o Asaf.
1Bare avazea moliv man e Devleke
te sai asunel man.
2Ando llive katar e briga rodiem e Devle,
sorro riat vazdava me va
kana moliva man.
Mo zivoto ni malavela e zor.
3Dava man golli katar o Del, ta rovava,
misliva man ta ni saia man zor.
4Ni mukea te phandav me akha,
me sema gia zalime kai nasti dava orba.
5Misliva man ande llivesa ta ande bursa purane,
6dava man golli kana llilabava orachaia.
Misliva man ande mo lio ta puchava man:
7¿Ka avel o Del joliariko suako llive?
¿Ni ka lel amen pale lachimaia?
8¿A so, ni volil amen ios?
¿Ni ka avel nikada ios leko alav kai dia amen?
9¿Bristrailo o Del katar po volipe?
¿Gia joliariko si kai inai leke zalba?
10So mai dukhal man si kai misliu man kai o Del inai amenchar gia sar saia omanglal.
11Ka misliu man e glamne ezgode kai
cherda o Del omanglal,
12ka misliu man ande sa e ezgode kai cherda,
ta ka phenav len.
13¡Ioi Devla! cho drom si santo,
¿savo del si mai baro neko tu Devla?
14¡Tu san o Del kai cherel bare ezgode!
¡Sikadan chi zor e phuvienge!
15Che vastea braduisardan che foro,
e chaven katar o Jakob ta katar o Jose.
16¡Ioi Devla! kana dikhla tut e mora, daraili,
ta izdraio o pai kai si chak telal katar e mora,
17e oblakura mukle te perel o pai
ta girmisarda o miloso
ta esterliche sea pe suako rig.
18Asundola sar cherea te girmil
o miloso ande bari balav,
ande sa o sueto dikhola o villelo katar che esterliche
ta e phuv dermolape.
19Putardan chuke drom maskar e mora,
nakhlan bare paia,
a niko ni malada che estope.
20Inllardan che foro sargo bakren
e Moisesea ta e Aaronea.#Ek 14.21-22; 15.4-8; 19.16-19; Sal 78.52; 80.1; 114.3-6; Is 63.11-14.
Currently Selected:
Salmos 77: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
