Salmos 69
69
Iek urkipe brigime
Katar o lleno kai sikavel te llilaben prema e llili katar E lulunlla. Katar o David.
1Murno Del, braduisar man,
soke e paia die ande mo zivoto,
2sem telal katar iek baro glibo
ta inai man pe so te ustavav,
reslem chak telal katar o pai
ta e valura ucharen man.#Jon 2.6.
3Chinio sem kai gachin ikharav,
brajosailem kai gachin urkiu,
¡me akha phanglion kai gachin aduricharav me Devle!
4Mai but neko e bal kai si pe mo soro
cherdile e llene kai murzin pe ma
bi te avel len soke,
Cherdile bare me dusmanura,
gola kai zatrin man bi te avav dosalo.
¿Si te iriu so ni chordem?#Sal 35.19; Jn 15.25.
5Tu Devla, pinllare mo dilipe,
ta mo bilachipe inai gurudino tutar.#Sal 19.12; 25.7; 51.1-5,9-10.
6Te na nakhen lallao pala ma
e llene kai uzdinpe ande tu,
¡Ioi Devla! kai si tut sa e zor,
¡te na nakhen lallao e llene kai roden tut
kai san o Del katar o Israel!
7Soke pala tu kusen man,
ta muken man ando lallao.
8¡Me phlal dikhen man sargo kana sem katar aver phuv!#Job 6.15; 19.13-19; Sal 38.11; 41.9; 88.8.
9Pala o volipe kai si man pe cho cher
phabol mo lio jolinatar,
ta o lallao katar e llene kai kusena tut
perel pe mande.#Jn 2.17; Ro 15.3.
10Te lav e zalba pe mande ando alluno,
kusen man.
11Te thovav patave zalosne pe mande,
maren mandar espurnia.
12Den bilache orbe mandar e llene kai besena po udar,
a e llene kai pien e rachia dukhaven man ande llilia.
13A me molivaman chuke Devla, ¡asun man!
Pala e bari zalba kai si tut, ¡asun man akana!
Pala o chachipe katar cho braduipe, ¡braduisar man!
14¡Ikan man katar o glibo, te na avav telal!
¡Braduisar man katar e llene kai murzin pe mande,
ta ikan man telal katar o pai!
15¡Te na ucharel man o pai ta te na inllarel man e len
ta te na nakhavel man e bari jar,
ni o bunari te phandel po mui upral pe mande!
16De man anglal Devla,
soke chi zalba si lachi,
dik pe mande prema chi bari zalba.
17¡Na guruv cho mui mandar!
Soke sem brigime, ¡sigar, asun man!
18Aide pasa mo duo, braduisar le,
¡kurtulisar man katar me dusmanura!
19Tu llane savo baro lallao nakhav,
angla tu si sa me dusmanura.
20E espurnia phagla mo lio,
¡ta merav zalbatar!
Adurichardem te avel varekake zalba mandar, ta ni saia niko.
Llene te den man zor ta ni maladem nika,
21Die man te jav cherkipe,
ta ande mi trus die man te piav mol sukli.#Mt 27.34,48; Mk 15.23,36; Lk 23.36; Jn 19.28-29.
22¡Lengi sinia ta lengo jape, te cherdol iek solo pe lenge porrne te e eskomban!
23¡Cher te achen korre
ta te izdran lenge dume suako llive!#Ro 11.9-10.
24Cher te perel pe lende chi joli,
te resel len cho silnope.
25Te avel zatrime lengi charoina,
ta te achen puste lenge chare.#Ech 1.20.
26Soke llan pala o lleno kai tu dukhadan,
ta bariaren e rane kai tu cherdan leke.
27Thou bilachipe upral pe lengo bilachipe,
ta te na den ande cho chachipe.
28¡Te avel ikando lengo anav katar o lil e zivotoko!
¡Ta te na aven pisime maskar e chache!#Ek 32.32; Apo 3.5; 13.8; 17.8.
29A man, kai sem pherdo nuzde
ta ni mol man niso ¡cho braduipe, ioi Devla, te vazdel man!
30Me ka blagosiv e Devle llilabindo,
ka blagosiv leko anav e llilienchar.#Sal 22.22-31.
31Ta ka avav drago e Devleke mai but neko iek kurbano guruvano,
o iek telcho kai si le unlle ta singa.#Sal 50.14; Is 1.10-17; Os 6.6; Am 5.22-24.
32Ka dikhen le e chorre ta ka veselinpe.
Roden e Devle ta ka zivil tumaro lio,
33soke o Del asunel e llenen ka si chorre
ta ni mukel chudine pe llenen kai si phangle.
34¡Blagosin le miloso ta e phuv,
e mora ta sa so miskolpe ande lende!
35Soke o Sion ka avel braduime e Devletar,
ta ka vazdel pale e forura katar o Juda,
ka zivin kote ta ka avel lengo foro.
36Ta ka avel katar lenge slugengo porodo,
¡gola kai volin leko anav ka zivin kote!
Currently Selected:
Salmos 69: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
