Salmos 68
68
O Israel dobil ta llal angle
Katar o lleno kai sikavel te llilaben. Llili ta llilabipe e Davideko.
1Kana o Del vazdiniaol,
leke dusmanura rispinpe,
gola kai murzin pe lete nasen letar,#Nm 10.35.
2llantar sargo o thuv ande balav,
bilaon sargo e memeli pe iag,
¡angla o Del e bilache llene si jasarde!
3A e lache llene ka veselinpe,
ka pherdon veselia angla o Del,
¡ka juten veselimatar!
4Llilaben tumen e Devleke,
llilaben llilia leke,
llilaben goleke kai phiravelpe
upral pe oblakura.
¡Veselin tumen ando Del!
¡Veselin tumen angla le!
5O Del kai zivil ande po santo cher,
vou si Dad katar e llene kai inai len dad
ta arakhel e phivlien,#Ek 22.22-24; Dt 10.17-18; Sal 146.9.
6E llenen kai si korkorre
o Del del len iek than kai te zivin,
mukliarel e phanglen ta blagosil len,
a e llene kai ni kanden le
ka zivin ande iek phuv suki.
7¡Ioi Devla! kana likistan angla cho foro
ta llelan maskar pusto,
8e phuv dermosaili
ta o miloso mukliarda o bursin,
o Sinai dermosailo angla o Del,
angla o Del katar o Israel.#Ek 19.18; Jue 5.4-5.
9¡Ioi Devla! tu cherdan te delpeke but,
cho foro saia chinio ta tu dian le zor.
10Ta cho foro beslo kote,
ta tu Devla pala cho volipe
dian e chorre so trubula le.
11O Del phenda e orba,
ta but diskinie inllarde gaia lachi viasta:
12¡E charura nasen ta i lenge boñikura!
A ande pe chera e diskinie fulavena
so lie katar lenge dusmanura,
13a tumen kai achilen maskar e stoke,
¡ka len pakha sargo guluboke marde ando rup!
¡kai lenge bal klichin ando sunakai mai chacho!#Jue 5.16.
14Kana o Del kai si le sa e zor cherda
te nasen e charura,
perela o iv po burdo Salmon.
15¡O burdo e Devleko si o burdo katar o Basan,
ta gia vazdino si gua burdo!
16Tumen kai sen burdura gia bare,
¿soke zelin te aven sargo
o burdo kai o Del mangla te zivil ande lete?
¡O Del ka zivil kote ostade!
17O Del llinel e bordona e marimake ta si millonura lendar.
O Del avel katar o Sinai kai po santuario.
18¡Ioi Devla! tu llelan upre ta inllardan llenen phangle,
e llene die tut ezgode
llik e llene bilache die but ezgode Devla.#Ef 4.8.
19¡Blagosime te avel o Gazda, amaro Del ta braduimari,
kai suako llive inllarel amaro pharipe!
20Amaro Del si iek Del kai braduil
ta kai sai braduil amen katar o meripe.
21O Del ka pharravel o soro katar leke dusmanura,
golengo kai cheren o bilachipe.
22O Del phenda:
Ka cherav te iri tut katar o Basan,
ka cherav te iri tut telal katar e mora e bari,
23te sai naiare che porrne ando rat katar che dusmanura
ta che llukela te pien o rat.
24¡Ioi Devla! murno Del ta charo,
ande cho santuario dikhon sar nakhen e llene
kai veselinpe ande cho anav.
25E llene kai llilaben llan anglal
a e llene kai basalen llan palal,
a po maskaral llan e chorra
ta basalen o pandero.
26¡Blagosin tumen saurre e Devle kai si o Gazda!
¡Blagosin le chidino sa o Israel!
27Angla lende llal o Benjamin, o mai terno,
ta lea llan but gazda katar o Juda,
katar o Zabulon ta katar o Neftali.
28Murno Del, sikav chi zor,
¡Cher te dikha e zor kai thodan te pomozi amen!
29Katar cho cher kai si upre ando Jerusalem,
kote kai e charura anen chuke ezgode,
30de po Ejipto, goia azdava katar e patra,
gola guruva dive ta telchura
kai pala o izdrape kai si len pe love
muken ando lallao e foronen,
¡Cheren te fuladon e llene kai drago lenge o maripe!
31Katar o Ejipto ka aven llene ando anav pe phuviako,
ande Etiopia e llene ka vazden pe va te blagosin e Devle.
32¡Llilaben e Devleke phuvia e suetoke,
llilaben llilia e Devleke,
33goleke kai phiravelpe upral miloso,
ando miloso ostade!
Asunen sar basel leko avazi,
leko avazi o zuralo.
34Pachan kai si chachuni e zor e Devleki:
leko baripe si pe sa o Israel,
leki zor si ando miloso.
35O Del si glamno ande pe santuariura,
o Del katar o Israel del vlaga ta zor pe foro.
O Del te avel blagosime.
Currently Selected:
Salmos 68: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
