Salmos 56
56
Si man vera ando Del ta blagosiv leko alav
Katar o lleno kai sikavel te llilaben prema e llili katar o gulubura nemave kai zivin dur. Sukar alava katar o David kana e filisteura phangle le ando foro Gat.#1 S 21.10-15; 27; 1 S 29.
1¡Ioi Devla! te avel chuke zalba mandar,
soke si llene kai sorro llive roden te maren man,
ta ni muken man esmiro.
2Sorro llive me dusmanura ustaven pe mande,
soke but llene si kai marenpe manchar barimaia.
3Kana si mange dar, si man vera ande tu.
4Si man vera ande tu ta blagosiv cho alav,
si man vera ande tu Devla ta ni darav.
¿So sai cherel mange o manus?#Sal 118.5-6; Ebr 13.6.
5Sorro llive lenge alava dukhaven man,
samo mislinpe te zatrin man.
6Gurudon pe suako rig,
ta prezon man kai ka llav
ta roden o vreme te mundaren man.
7¿A sai ka nasen isto katar po bilachipe?
¡Ioi Devla! cher te achen ando lallao e forura che jolinaia.
8Tu llane gachin droma naslem,
tu chide suako iek katar me ausa.
¿A inai von pisime ande cho lil?
9Me dusmanura ka nasen
kana ka mangav tutar te pomozi man.
Me llanav kai tu Devla san manchar.
10Si man vera ando Del ta blagosiv leko alav,
si man vera ando Gazda ta blagosiv leko alav,
11si man vera ando tu Devla ta ni darav.
¿So sai cherel mange o manus?
12E sovel kai jalem chuke Devla,
ka cherav len ta ka blagosiv tut,
13soke braduisardan man katar o meripe,
soke kurtulisardan man te na perav
te sai llav ando villelo e zivotoko angla tute.
Currently Selected:
Salmos 56: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
