Salmos 32
32
E dos phendi ta o prostipe
O David sikavel.
1Blagosime o lleno kai leki dos ta leko bilachipe
si prostime llik kai iek, ta si uchardo.
2Blagosime o lleno kai o Del ni dosarel le
ta kai ni llal bilachimaia.#Ro 4.6-8.
3Kana ni phendem mo bilachipe,
jasarava mi zor
pala o roipe kai cherava sorro llive,
4Soke cho va saia pharo pe mande,
ollivesea ta orachaia
ta jasarava e vlaga
sargo e char kai o tatipe phabarel la ande umalia.
5Ta phendem chuke llik kai iek
mo bilachipe ta ni gurudem mi dos,
manglem te phenav chuke mo bilachipe,
ta tu Devla, prostisardan man.#Sal 51.1-4; 1 Jn 1.9.
6Goleke kana avel e nuzda
e llene kai pachan ande tute molinpe chuke,
i te mangena te liken avri e bare paia,
ni ka resen llik lende.
7Tute gurudivav:
tu arakhe man katar e nuzda,
ta thove truial mandar llilia braduimake.
8O Del phenel:
me akha si thode pe tute.
Me ka sikavav tut,
ka phenav chuke so si te chere,
ka sikavav chuke o drom kai si te phire.
9Te na ave sargo o gra, o sargo o magarcho,
kai ni acharen
ta trubul len iek salvari
te achave len,
samo golea sai ane len tute.
10E bilache llene ka nakhen but dukha,
a o volipe e Devleko pacharel
e llenen kai si len vera ande lete.
11Veselin tumen ando Del,
gola kai si lache ta chache,
¡veselin tumen ta urkin veselimatar!
Currently Selected:
Salmos 32: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
