Salmos 17
17
O molipe pala o chachipe
O David molilpe.
1Devla, mangav tutar iek ezgoda chachi,
thov sama kai mangav tutar,
asun mo molipe,
soke ni phenav iek kojaipe.
2¡Chin mange chi kris,
soke tu llane so si chacho!
3Tu dian andre ande me mislura,
orachaia avilan te prezo man,
zumadan man zurale
ta ni maladan man bilacho.
Ni phendem bilache alava,#Job 7.18; Sal 26.2; 139.23.
4gia sar cheren ogola,
ni llav pe droma katar e llene silne
prema sar phenen che zakonura.
5Tu zuriave me korakura pe che droma,
te na sinzan me porrne.
6¡Ioi Devla! karing tute dav orba,
soke tu de anglal,
thov mange sama, asun me alava.
7Sikav mange bristomaia kai voli man,
tu kai bradui e llenen katar lenge dusmanura,
golen kai roden te arakhe len che zoriaia.
8Arak man sargo che akha,
arak man telal katar e senka che phakhengi.#Dt 32.10-11; Sal 61.4; 91.4.
9Katar e llene bilache kai mangen te maren man,
¡katar e dusmanura
kai si manusa ta si truial mandar!
10Von istardon, ta den orba barikamaia,
11llele pala mande but pase
ta rodena o vreme te peraven man pe phuv.
12Von si sargo lionura, lionura dive
kai aduricharen gurudine
te istaren vareso te jan.
13Uste Devla, ¡thov tut angla lende!
¡Cher te bangon lenge changa!
¡Arak man che jarniea katar e bilache llene!
14Devla braduisar man lendar che zoriaia,
¡Chude len katar gava sueto,
soke gava sueto si so ka achel lenge ande gava zivoto!
Muk te pherdon katar so si tut,
ta te den pe chaven
ta i te achel lenge unukonenge.
15A me chachimaia ka achav pherdo,
samo te avav angla tu, ta te dikhav cho mui.
¡Samo te avav angla tu kana ka ustav!
Currently Selected:
Salmos 17: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
