Salmos 118
118
E zor e Devleki si glamni
1Den fala e Devle, soke vou si lacho,
soke leko volipe si ostade.#Sal 136.1.
2Te phenen e israelitura:
O volipe e Devleko si ostade.
3Te phenen e popura:
O volipe e Devleko si ostade.
4Te phenen gola kai den liubao e Devle:
O volipe e Devleko si ostade.
5Ande mi nuzda ikhardem e Devle,
vou asunda man ta thoda man
ande iek bari umal.#Sal 4.1; 18.19.
6O Del si manchar, ni darav.
¿So sai cherel mange o manus?#Sal 27.1; 56.4,11; Ebr 13.6.
7O Del si manchar ta pomozil man.
¡Ka dikhav sar jasaren
gola kai murzin pe ma!
8Mai lache si te uzdiu man ando Del
neko ando manus.
9Mai lache si te uzdiu man ando Del
neko ande llene kai gazdarin.
10Sa e phuvia thodepe truial mandar,
a ando anav e Devleko ka zatriv len.
11Sea truial mandar pe suako rig,
a ando anav e Devleko ka zatriv len.
12Avile truial mandar sargo bindivoria,
ta lengo silnope saia sargo karrne kai phabon,
¡a ando anav e Devleko ka zatriv len!
13Espidie man silnomaia te peraven man,
a o Del avilo te pomozil man.
14Me llilabav e Devleke, kai del man zor.
¡Vou si mo braduimari!#Ek 15.2; Is 12.2.
15Ande chare katar e llene chache
llilaben veselimaia gia:
¡E zor e Devleki dobisarda!
16¡E zor e Devleki si glamni!
¡E zor e Devleki dobisarda!
17¡Ni ka merav,
ka ziviu te phenav so cherda o Del!
18O Del dukhada man zurale,
a ni mukla man te merav.
19¡Putaren e udara
katar o cher kai si o chachipe,
soke ka dav andre te dav fala e Devle!
20Gava si udar e Devleko,
ta letar den andre e llene kai si chache.
21Dav tut fala Devla,
soke dian man anglal
ta soke tu san mo braduimari.
22O barr kai ni thode leke sama
e llene kai vazden chera,
cherdilo o barr mai preche.
23Gava cherda le o Del,
ta amen chudi amen.#Mt 21.42; Mk 12.10-11; Lk 20.17; Ech 4.11; 1 P 2.7.
24Gava si o llive kai o Del cherda le,
¡te avel veselia ta dragostia allive!
25Devla, moli amen chuke,
¡braduisar amen!
Moli amen chuke Devla,
¡cher te llal amenge sukar!
26¡Blagosime gua kai avel ando anav e Devleko!
Katar o cher e Devleko blagosi tumen.#Mt 21.9; 23.39; Mk 11.9; Lk 13.35; 19.38; Jn 12.13.
27O Gazda si o Del,
¡vou del amen villelo!
te llal angle e slava,
umblaven so si dino
pe singa katar o altar.
28Dav tut fala ta blagosiv cho baripe,
soke tu san mo Del.
29Den fala e Devle soke vou si lacho,
soke leko volipe si ostade.
Currently Selected:
Salmos 118: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
