Salmos 116
116
O molipe kai del fala
1Me voliu e Devle
soke asunda mo molipe,
2soke thoda mange sama.
¡Sogo ziviva ka ikharav le!
3O meripe ulisarda man
ande pe kombura,
e nevolia e merimaki resada man
ni mukela man e dar
katar o meripe ta e duk.
4Ondaka ikhardem e Devle
ta manglem letar
te braduil mo zivoto.#Sal 18.5-6.
5O Del volil ta si leke zalba,
amaro Del si pherdo volipe.
6O Del arakhel e llenen kai ni istardon.
Kana ni saia man zor,
vou braduisarda man.
7Akana sai ziviu pale bi nuzdako
soke o Del avilo manchar posteno,
8soke ikanda man katar o meripe,
soke lia mandar o roipe
ta ni mukla man te perav.
9Goleke ka kandav e Devle
sogo ziviva pe gaia phuv.
10Me pachav ando Del
i te avava ande iak bari nuzda.#2 Kor 4.13.
11Ni llanava so ka cherav, ta phendem
kai sa e manusa si kojamne.#Ro 3.4.
12¿Sar ka pochinav e Devleke
sa o lachipe kai cherda mange?
13¡Ka vazdav o taso katar o braduipe
ta ka ikharav e Devle!
14Ka cherav e sovel kai jalem e Devleke
angla sa leko foro.
15O Del dukhadol
kana meren gola kai volin le.
16¡Ioi Devla, me sem cho sluga!
¡Me sem o chavo che slugako!
Tu chindan e sole kai phandena man.
17Ka dav tut fala ande kurbanura,
ta ka ikharav tut Devla.
18Ka cherav e sovel kai jalem e Devleke
angla sa leko foro,
19ande sobe katar o cher e Devleko
¡po maskaral katar o Jerusalem!
¡Aleluia!
Currently Selected:
Salmos 116: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
