Salmos 115
115
Amaro Del si ando miloso
1Devla,
blagosisar isto tut, ta na amen,
¡blagosisar tut,
pala cho volipe ta cho chachipe!
2¿Soke e llene kai ni pachan ando Del
puchen kai si amaro Del?#Sal 42.3,10; 79.10; Jl 2.17; Mik 7.10.
3Amaro Del si ando miloso,
vou cherda sogo mangla.
4E llene kai ni pachan ando Del
si len dela sunakune ta rupune,
kai isto e manusa cheren len
pe vastenchar:
5si len mui, a ni den orba,
si len akha, a ni dikhen,
6si len kan, a ni asunen,
si len nak, a ni khanden,
7si len va, a ni dodin,
si len porrne, a ni phiren,
¡niso ni asundol katar lengo mui!
8Sargo gola dela
si gola kai cheren len
ta kai pachan ande lende.#Sal 135.15-18; Is 44.9-20; Jer 10.1-16; Apo 9.20.
9Israelitura, ¡uzdin tumen ando Del!
Vou pomozil amen ta arakhel amen.
10Popura, ¡uzdin tumen ando Del!
Vou pomozil amen ta arakhel amen.
11Tumen kai den liubao e Devle,
¡uzdin tumen ande le!
Vou pomozil amen ta arakhel amen.
12¡O Del diape golli amendar
ta ka blagosil amen!
Ka blagosil e israelitonen,
ka blagosil e poponen,
13ka blagosil golen kai blagosin le
e baren ta i e minonen.#Apo 11.18; 19.5.
14¡O Del ka blagosil mai but
tumaro porodo
ta tumare chaurrengo!
15¡O Del kai cherda o miloso ta e phuv,
te blagosil tumen!
16O miloso si e Devleko,
ta e phuv dia la kai e manusa.
17Gola kai mule,
gola kai fuliste ando limori
nasti blagosin e Devle.
18A amen blagosi le akana
ta suako llive.
¡Aleluia!
Currently Selected:
Salmos 115: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
