Salmos 112
112
E veselia katar o lleno chacho
1¡Aleluia!
Blagosime o lleno
kai del liubao e Devle
ta kai veselilpe kana kandel leke zakonura.#Sal 1.1.
2O porodo katar o lleno chacho
ka avel zuralo pe phuv.
E vicha katar e llene chache
ka avel blagosime.
3Ande leko cher si but barvalipe
ta leko chachipe si ostade.
4Iek villelo kletosarel ando truniariko
e llenenge kai si chache.
E Devleke si zalba ta si chacho.
5O lleno lacho del unllile postenimaia
ta cherel e ezgode chachimaia ande po rado,
6goleke nikada ni ka eskombal.
¡Suako llive ka denpe golli
katar o lleno chacho!
7Ni ka avel leke dar
katar e viasta bilachi,
soke pachal ando Del sa pe liea.
8Ande leko lio inai dar,
dikhel pe pe dusmanura
sargo kana dobisarda len.
9Katar so si le del kai e llene chorre,
leko chachipe si ostade,
leko baripe ka avel vazdino ando liubao.#2 Kor 9.9.
10Kana o bilacho dikhel le joliaol,
ta basalel pe danda jolinatar.
E bilachenge ni ka llal sukar
ande so mangen te cheren.
Currently Selected:
Salmos 112: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
