Salmos 111
111
Blagosime e ezgode kai cherel o Del
1¡Aleluia!
Ka blagosiv e Devle sa me liea
kana chidiniaon e llene chache,
ande sa o pero.
2E ezgode kai cherda o Del si bare,
ta gola kai volin len,
sikon lendar.
3E ezgode kai cherda
si sukar ta glamne,
ta leko chachipe si ostade.
4Vou mukla te na bristardon
e ezgode kai cherda.
O Del si iek Del kai volil
ta si leke zalba.
5Pravarel golen kai blagosin le,
¡suako llive delpe golli
kai achilo lenchar pe iek orba!
6Sikada pe foroke
e zor katar e ezgode kai cherda,
kana dia len e phuv kai saia averengi.
7So vou cherel si chacho ta chachuno,
sai uzdi amen ande leke zakonura,
8soke si zurale ostade
ta si cherde chachimaia ta orta.
9Mukliarda pe foro
ta cherda te achel ostade pi orba
kai achilo lenchar.
O anav e Devleko si santo
ta si te dara letar.
10O mai baro bizaipe si
te de liubao e Devle,
goleke gola kai cheren
so phenen leke zakonura
len letar o bizaipe.
¡O Del ka avel blagosime ostade!#Job 28.28; Pr 1.7; 9.10.
Currently Selected:
Salmos 111: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
