Salmos 10
10
O molipe te sai pomozil o Del
1Devla, ¿soke ache gia dur?
¿Soke gurudo kana avel e nuzda?#Sal 22.1.
2Barikamaia o lleno bilacho
llal zilnomaia pala o chorro,
a si te achel phanglo
ando kojaipe kai isto vou thoda.
3O bilacho lleno falilpe katar ezgode kai zelil,
blagosil gole kai merel pala e love,
ta ni chitilpe leke o Del.
4Istardol ta phenel:
Inai Del. Inai ko te del pe mande.
Gua si sa leko mislo.#Sal 14.1; 53.1; 73.11; 94.7; Jer 5.12; Sof 1.12.
5Sogo cherel likel leke sukar.
Vou mislil kai che krisa si dur,
but dur letar.
Marel espurnia katar pe dusmanura,
6ta mislil kai niko ni ka cherel le te perel,
kai nikada ni ka avel le iek nuzda.
7Leko mui si pherdo armaia,
kojavel ta dukhavel,
leke alava si pherde bilachipe ta dukhaven e llenen.#Ro 3.14.
8Prezol maskar e forichura,
ta gurudino mundarel gole kai inai dosalo.
Ni lel pe akha katar o lleno kai inai le niko.
9Sargo iek liono gurudino,
dikhel so cherel o chorro,
ta aduricharel o vreme te jutel upral pe lete,
ta kana istarel le, terril le ande pi mreza.
10Prezol, bangol,
ta pusavel pe unlle ande llene jasarde.
11O bilacho lleno mislil kai o Del bristarelpe,
kai ucharel pe akha ta kai ni dikhel niso.
12¡Uste Devla, vazde cho va!
¡Na bristar tut katar e chorre!
13¿Soke Devla maren espuria e bilache llene,
ta mislin kai tu ni ka phene lenge niso?
14Isto tu dikhlan lengo bilachipe,
¡tu dikhlan le, ta ka pochine lenge!
Tute aven e llene kai inai len niko,
tu pomozi golen kai inai len ni dad ni dei.
15¡Phag e bilachengo va!
¡Mang lendar te pochinen po bilachipe
lligo ni ka pochinen sa!
16O Del si Charo ostade,
¡e llene kai ni pachan ando Del ka aven tradine katar leki phuv!
17Devla, tu asune kana molinpe e llene kai inai barikane,
tu dikhe pe lende ta de len zor.
18Cher cho chachipe golenchar kai inai len ni dad ni dei
ta golenchar kai si dukhade:
¡o manus kai si cherdo katar e phuv,
te na cherel pale o bilachipe!
Currently Selected:
Salmos 10: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
