Numeros 22
22
O Balak ta o Balaam
1E israelita lleletar kotar ta inzarde pe chare ande umalia katar o Moab pasa o Jordan, angla o Jeriko.
2O Balak, chaurro katar o Sipor, dikhla so cherdea e israelita e amorreonenchar. 3Ta o Moab but darailo cheres o foro soke sea but ta o Moab but brigisailo cheres e israelita. 4Ta o Moab phenda e phurenge katar o Madian:
Sa gala llene ka zatrin amari phuv, sargo iek guruv kai zatril e char katar e umal.
Ande gua vreme o Balak saia charo katar o Moab, 5goleke bichalda llenen kai o Balaam chaurro katar o Beor, te ikharenle vou saia ando Petor, pasa o pai kai ikhardol Eufrates, ande phuv katar o Amav. O Balak bichalda gaia porrouka pala gola llene: Katar o Ejipto avilo iek foro kai barilo ande sa gaia phuv ta akana zivin angla ma. 6Aide oma ta de armaia gale foro, soke si mai zuralo neko amen soke gia me sai ka dobiu len ta sai ka tradav len katar e phuv. Soke me llanav kai cho blagosipe ta che armaia suako drom cherdon.
7E phure katar o Moab ta katar o Madian llele e lovenchar ando va te sai pochinen e armaia ta kana avile kote kai saia o Balaam phende leke e poroka katar o Balak. 8A o Balaam phenda lenge:
Achen kate gaia riat ta me ka phenav tumenge prema so o Del phenela mange.
Ta e phure katar o Moab achile lea.
9A o Del sikadilo kai o Balaam ta pusla le:
¿Ko si gola llene kai si tuia?
10O Balaam phenda leke:
O Balak, chaurro katar o Sipor, kai si o charo katar o Moab, bichalda len te phenen mange.
11Kai iek foro likisto katar o Ejipto ta kai barilo ande sa e phuv. O Balak mangel me te llav isto akana te dav len armaia, gia te sai dikhel te dobil len ta te tradel len katar pi phuv.
12Ondaka o Del phenda e Balaammeke:
Na lla lenchar ta na de armaia gole foro, soke gole foro me blagosisardem le.
13Thiarinako o Balaam ustilo ta phenda e birovenge kai bichaldaia o Balak:
Irin tumen kai tumari phuv. O Del ni mukel man te llav tumenchar.
14E birovora katar o Moab irisaile kote kai saia o Balak ta phende leke:
O Balaam ni kamla te avel amenchar.
15A o balak pale bichalda mai but birovonen ta mai glamne neko ogola. 16Von llele kai o Balaam ta phende leke:
O Balak chaurro katar o Sipor bichalda te phena chuke: Moliman chuke na phen kai nasti aide.
17Me ka dav tut e mai bari pachiu ta ka cherav sogo tu mangea mandar, goleke aide akana ta cher mange gava sebapi te de armaia gale foro.
18A o Balam phenda leke:
I te dela man o Balam sa o sunakai ta o rup kai resen ande leko cher, me nasti bangarav me Devleke alava te cherav iek ezgoda minoni o bari.
19A tumen achen i gaia riat ta ka dikav so ka phenel mange akana o Del.
20Orachaia o Del sikadilo kai o Balaam ta phenda leke:
Te avile gala llene te ikharen tut uste ta la lenchar. A ka chere so me ka phenav chuke.
O Balaam ta o suecho e Devleko
21O Balaam ustilo thiarinako, lacharda po magarcho ta llelotar e birovenchar moabite. 22O Balaam llala pe pi magarcha ta llana lea dui sluge leke.
A o Del jolailo lea soke lleloatar ta o suecho e Devleko thodape pe leko drom te sai phandel leko drom. 23Kana e magarcha dikhla kai o suecho e Devleko saia po maskaral katar o drom iekhe jarniea ando, valikisti katar o drom ta llelitar katar e umal, a o Balaam chalada la te sai cherel la te irilpe po drom. 24Ondaka o suecho e Devleko thodape pe iek rig katar o drom kai si tang kai nakhela katar e drakha ta pe dui riga katar o dron sea zidura barrenge. 25Kana e magarcha dikhla o suecho e Devleko, inzili pe iek katar e zidura ta chichidia o porrno katar o Balaam. Ondaka o Balaam pale chalada la. 26Ondaka o suecho e Devleko llelo mai anglal lendar ta achilo pe iek rig tang kai nasti llana pe ni iek rig. 27Kana e magarcha dikhla o Suecho e Devleko thodape tele. Ondaka o Balaam jolailo laia ta chalada la iekhe kastea. 28Ondaka o Del cherda e magarcha te del orba ta phenda e Balaameeke: ¿So cherdem chuke? Gale dromaia ia si trin droma kai chalave man.
29A o Balaam phenda:
A so mare espurnia mandar, te avela ande me va iek churi isto akana mundardema tut.
30A e magarcha phenda leke:
Me sem e magarcha kai sa cho zivoto llelan pe late ta tu llane kai nikada ni cherdem gia tuia. A o Balaam phenda:
Ea o chachipe.
31Ondaka o Del cherda o Balaam te dikhel pe suecho, kai saia po maskaral katar o drom iekhe jarniea ando va. O Balaam dia changa lligo ni dodisarda e phuv pe chikatea, 32a o suecho e Devleko phenda leke:
¿Soke chaladan trin droma che magarcha? Me sem kai avilem te phandav chuke o drom soke so chere inai mange drago.
33E magarcha dikhla man ta trin droma durili mandar. Te na durilia mandar, me mundardema tut a la muklema la te zivil.
34A o Balaam phenda e Devleke suechoke:
Me cherdem o bilachipe, soke ni llanava kai tu sana kote, kai phandea mange o drom. A te nai chuke drago me ka iriv man.
35A o suecho e Devleko phenda leke:
Sai ka lla gole llenenchar, a samo ka phene e alava kai me ka phenav chuke te phene.
O Balak ta o Balaam
36Kana asunda o Balak kai o Balaam avela, llelo te malavel le ande iek foro katar o Moab kai si pasa o pai katar o Arnon, kote kai getolpe e phuv. 37Ta kote o Balak phenda e Balaameeke:
Bichaldem te ikharen tut ¿Soke ni avilan ka ikhardem tut? ¿A so misli kai nasti dav tut but barvalipe? 38A o Balaam phenda leke:
Etalo kate avilem a nasti phenav niso so o Del ni phenela mange te phenav.
39Mapalal o Balaam ta o Balak lleletar ando Kiriat Jusot. 40Kote o Balak phenda te mundaren guruven ta bakren ta inllarda len kai o Balaam ta kai e birovura kai llana lea.
41Thiarinako rano, o Balak inllarda e Balaamee llik upre katar o Bamot Baal, ta kote sai dikhla truial o pero katar o Israel.
Currently Selected:
Numeros 22: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
