Numeros 1
1
Llindol o Israel ando Sinai
1O purvo llive katar o duito chon katar o duito burs, kana cherela burs ta chon llive sar kai likistea katar o Ejipto, o Del dia orba e Moisesea po pusto katar o Sinai, ande chara kai chidiniaon e Devlea, ta phenda leke:
2Morabi te llinen sa e llenen katar o Israel, sa e viche, ta sa e familie te sai llangliolpe e anava ta gachin llene si. 3O Aaron ta tu ka llinen sa e llenen katar o Israel bise bursenge upre kai sai liken te marenpe, prema katar si. 4Tumenchar ka avel iek lleno katar suako vicha kai si birovi katar pi familia. 5Gala si e anava katar e llene kai ka aven tumenchar te pomozin tumen:
Katar e vicha katar o Ruben, o Elisur chaurro katar o Sedeur.
6Katar o Simeon, o Selumiel chaurro katar o Surisadai.
7Katar o Juda, o Naason chaurro katar o Aminadad.
8Katar o Isakar, o Natanael chaurro katar o Suar.
9Katar o Zabulon, o Eliab chaurro katar o Jelon.
10Katar e viche e Joseeke:
Katar o Efrain, o Elisama chaurro katar o Amiud. Katar o Manases, o Gamaliel chaurro katar o Pedasur.
11Katar o Benjamin, o Abidan chaurro katar o Gidoni.
12Katar o Dan, o Ajiezer chaurro katar o misadai.
13Katar o Aser, o Pagiel, chaurro katar o Okran.
14Katar o Gad, o Eliasaf chaurro katar o Deuel.
15Katar o Neftali, o Ajira chaurro katar o Enan.
16Gala si e gazda katar e viche kai sea esvirime, e kapitanura e milinge maskar e israelitura. 17Ondaka o Moises ta o Aaron lie gale llenen kai sea thode prema lenge anava. 18Ta chidie sa e llenen o llive o purvo katar o chon o duito, chidie len prema lenge viche ta prema lenge anava sa e llenen kai saia lenge mai but katar e bis burs, 19gia sar o Del phendaia e Moiseseke te cherel le, llinda len po pusto katar o Sinai.
20Katar e chaurre katar o Ruben, o mai purano katar o Israel, sea llinde sa e llene kai sea lenge mai but katar e bis burs kai sai llana te marenpe. Suako lleno prema po anav, ta pi vicha ta pi familia.#Nm 26.1-51. 21E llene kai sea llinde katar e vicha katar o Ruben sea saranda ta sov milie ta panch stotine.
22Katar e vicha katar o Simeon, sea llinde sa e llene prema lenge anava kai saia lenge mai but katar e bis burs, kai sai llana te marenpe. 23E llene kai sea llinde katar e vicha katar o Simeon sea pinda ta inia milie ta trin stotine.
24E llene kai sea llinde katar e vicha katar o Gad sea llinde prema lenge anava, sa e llene kai sea lenge mai but katar e bis burs kai sai llana te marenpe. Suako lleno prema pi vicha ta pi familia. 25E llene kai sea llinde katar e vicha katar o Gad sea saranda ta panch milie ta sov stotine ta pinda.
26E llene kai sea llinde katar e vicha katar o Juda sea llinde prema lenge anava, sa e llene kai sea lenge mai but katar e bis burs kai sai llana te marenpe. Suako lleno prema pi vicha ta pi familia. 27E llene kai sea llinde katar e vicha katar o Juda sea eftavardes ta star milie ta sov stotine.
28E llene kai sea llinde katar e vicha katar o Isakar sea llinde prema lenge anava, sa e llene kai sea lenge mai but katar e bis burs kai sai llana te marenpe. Suako lleno prema pi vicha ta pi familia. 29E llene kai sea llinde katar e vicha katar o Isakar sea pinda ta star milie ta star stotine.
30E llene kai sea llinde katar e vicha katar o Sabulon sea llinde prema lenge anava, sa e llene kai sea lenge mai but katar e bis burs kai sai llana te marenpe. Suako lleno prema pi vicha ta pi familia. 31E llene kai sea llinde katar e vicha katar o Zabulon sea pinda ta efta milie ta star stotine.
32E llene kai sea llinde katar e vicha katar o Jose ta katar o Efrain sea llinde prema lenge anava, sa e llene kai sea lenge mai but katar e bis burs kai sai llana te marenpe. Suako lleno prema pi vicha ta pi familia. 33E llene kai sea llinde katar e vicha katar o Efrain sea saranda ta panch stotine milie. 34E llene kai sea llinde katar e vicha katar o Manases sea llinde prema lenge anava, sa e llene kai sea lenge mai but katar e bis burs kai sai llana te marenpe. Suako lleno prema pi vicha ta pi familia. 35E llene kai sea llinde katar e vicha katar o Manases sea llinde prema lenge anava, sa e llene kai sea lenge mai but katar e bis burs kai sai llana te marenpe. Suako lleno prema pi vicha ta pi familia.
36E llene kai sea llinde katar e vicha katar o Benjamin sea llinde prema lenge anava, sa e llene kai sea lenge mai but katar e bis burs kai sai llana te marenpe. Suako lleno prema pi vicha ta pi familia. 37E llene kai sea llinde katar e vicha katar o Benjamin sea tranda ta panch milie ta star stotine.
38E llene kai sea llinde katar e vicha katar o Dan sea llinde prema lenge anava, sa e llene kai sea lenge mai but katar e bis burs kai sai llana te marenpe. Suako lleno prema pi vicha ta pi familia. 39E llene kai sea llinde katar e vicha katar o Dan sea sovardes ta dui milie ta efta stotine.
40E llene kai sea llinde katar e vicha katar o Aser sea llinde prema lenge anava, sa e llene kai sea lenge mai but katar e bis burs kai sai llana te marenpe. Suako lleno prema pi vicha ta pi familia. 41E llene kai sea llinde katar e vicha katar o Aser sea saranda ta iek milia ta panch stotine.
42E llene kai sea llinde katar e vicha katar o Neftali sea llinde prema lenge anava, sa e llene kai sea lenge mai but katar e bis burs kai sai llana te marenpe. Suako lleno prema pi vicha ta pi familia. 43E llene kai sea llinde katar e vicha katar o Neftali sea pinda ta trin milie ta star stotine.
44Gala si kai llinda o Moises ta o Aaron, e desudui gasdenchar katar o Israel, iek katar suako vicha. 45Sa e llene katar o Israel kai saia lenge mai but katar e bis burs, kai sea llinde prema pi vicha kai sai llana te marenpe. 46E llenen kai llinde sea sov stotine ta trin milie ta panch stotine ta pinda.
E levitura ta lengo rado
47E levitonen ni llinde len maskar lende prema e vicha lenge dadengi, 48soke o Del phendaia e Moiseseke:
49Kana ka lline e israelen, na llin maskar lende e vicha katar e levitura. 50Len morabi te thove len te radin ande chara katar e alava, ta ande lengo va te muke sa e ezgode. Von ka inllaren e chara e Devleki ta sa ezgode ta von ka thoven pe chare truial katar e chara e Devleki, 51a kana e chara e Devleki ka muchilpe, von si kai ka peraven la ta kana von ka achen te loden, von si kai ka vazden la pale. A vareko kai inai katar e vicha katar e levitura te avela pase, ka chindol gole lleneke te merel. 52A e israelitura ka inzaren pe chare sargo e llene kai llan te marenpe, suako lleno ande piro pero, ta suako lleno pasa piro bariako. 53A e levitura ka inzaren pe chare truial katar chara e alavengi, te na avel e joli e Devleki pe israelitura.
54E israelitura cherde sa sar o Del phendaia e Moiseseke te cheren, ta gia cherde le.
Currently Selected:
Numeros 1: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
