Nejemias 3
3
O rado ando Jerusalem
1Ondaka o mai baro popo Eliasib, ta e popura kai sea lea, vazdie o udar katar e Bakre. Thode leke kasta thule ta thode e udara, ta vazdie o zido katar e torre e Stotinengi llik kai e torre katar o Jananel. 2O gua kotor zido vazdie le e murusa katar o Jeriko, ta o gua kotor zido vazdia le o Zakur, chavo katar o Imri. 3E chave katar o Senaa vazdie o udar katar e Mache. Thode leke kasta thule ta thode leke udara, ta lenge alkave ta e sastrura kai phanden. 4O gua kotor zido vazdia le o Meremot, chavo katar Urias ta unuko katar o Kos, ta o gua kotor zido vazdia le o Mesulam, chavo katar o Berekias ta unuko katar o Mesazabeel, o gua kotor zido vazdia le o Sadok, chavo katar o Baana. 5Thodepe te vazden o gua kotor zido e llene katar o Tekoa, a e llene mai glamne maskar lende ni kamle te pomozin e llenen kai gazdarina po rado. 6O Joiada chavo katar o Paseaj, ta o Mesulam, chavo katar o Besodias, vazdie o udar o Purano. Thode kasta thule ta thode e udara, e alkave ta e sastrura kai phanden. 7O gua kotor zido vazdie le o Melatias, katar o Gabaon ta o Jadon katar o Meronot, ta e llene katar o Gabaon ta katar e Mizpa, phuvia kai sea tala o va katar iek lleno kai gazdarila pe o goia rig katar pai o Eufrates. 8O gua kotor zido vazdia le o Uziel, chavo katar o Jaraias, kai radila ando rup, ta mai angle vazdia le o Jananias, kai cherela meriso. Von dui vazdie o zido katar o Jerusalem llik kai o zido bulo. 9O gua kotor zido vazdia le o Refaias, chavo katar o Jur, vou gazdarila po dopas katar o Jerusalem. 10O gua kotor zido vazdia le o Jedaias, soke saia angla leko cher, ta mai angle vazdia le o Jatus, chavo katar o Jasabnias.
11O Malkias, chavo katar o Jarim, ta o Jasub, chavo katar o Panat Moab, vazdie o kotor zido ta e torre katar e Furnave. 12O gua kotor zido vazdia le o Salum, chavo katar o Alojes, kai gazdarila pe o gua dopas katar o Jerusalem, ta leke chorra. 13O Janun ta e llene kai zivin ande Zanoa vazdie o udar katar e bari umal, vazdie la ta thode lake udara ta e alkave ta e sastrura kai phanden, ta vazdie star stotine ta pinda pole zido llik kai o udar katar o Llubri. 14O Malakias, chavo katar o Rekab kai gazdarila ando Bet Akerem, vazdia o udar katar o Llubri, ta thoda leke udara ta e alkave ta e sastrura kai phanden.
15O Salum, chavo katar o Koljoze, kai gazdarila ando Mizpa, vazdia o udar katar o pai kai likel katar e phuv. Vazdia le ta cherda te del o lado, ta thoda leke udara ta lenge alkave ta e sastrura kai phanden, ta i vazdia o zido kote kai chidiniaol o pai kai ikhardol Siloe, pasa e bar zeleni e charoki, llik kai o drom kai fuliel kai o foro e Davideko. 16O Nejemias, chavo katar o Azbuk, kai gazdarila po dopas katar o Bet Sur, vazdia o gua kotor zido llik angla e limoria katar o David, llik kote kai chidniaol o pai ta llik kai o cher e boñikonengo.
17O gua kotor zido vazdie le e levitura:
O Rejum chavo katar o Beni, ta mapalal o Jasabias, kai gazdarila po dopas katar e Keila, ta radisarda ando anav katar po foro. 18O gua kotor zido vazdie le ogola levita:
O Bavai, chavo katar o Jenadad, kai gazdarila pe o gua dopas katar e Keila. 19Ta o Ezer, chavo katar o Josue, kai gazdarila ande Mizpa, vazdia aver kotor zido angla o drom kai likel kote kai guruven e ezgode marimake, kote kai bangarel o drom. 20Mapalal radisarda o Baruk, chavo katar o Zabai, ta vazdia aver kotor zido katar bangarel o drom llik kai o udar katar o cher kai zivil o Eliasib o mai baro popo, 21ta o Meremot, chavo katar o Urias ta unuko katar o Kos, vazdia o gua kotor zido, katar o udar e chereko katar o Eliasib, llik kote kai resel leko cher.
22O gua kotor zido vazdie le e popura kai zivina angla e bari umal katar o Jordan. 23Ta mapalal lendar o Benjamin ta o Jasub vazdie o zido kai si isto angla lengo cher. Ta mapalal, o Asarias, chavo katar o Maasias ta unuko katar o Ananias, vazdie o zido kai si pasa lengo cher. 24O gua kotor zido vazdia le o Binui, chavo katar o Jenadad, katar o cher kai zivil o Azarias llik kote kai bangarel o drom dui droma. 25O Palal chavo katar o Uzai, vazdia o gua kotor zido kai si angla o drom kai bangarel, ta e bari torre kai si mai upre neko e cher e charoko, kai si ande bar katar e boñikura. O gua kotor zido vazdia le o Pedaias, chavo katar o Faros, 26ta e sluge kai zivina ando Ofel radina llik angla o udar e paieko karing likel o kham, ta angla e torre kai si mai upre. 27E llene katar o Tekoa vazdie o gua kotor zido, kai si angla e bari torre kai dikhol chak upre llik kai o zido katar o Ofel.
28Katar o udar e grastengo, e popura vazdie o zido kai saia angla suakoneko cher. 29Mapalal, o Sadok, chavo katar o Imer, vazdia o zido kai si angla leko cher, ta o gua kotor zido vazdia le o Semaias, chavo katar o Sekanias, kai arakhela o udar kai si pe rig kai likel o kham. 30Mapalal vazdie o gua kotor zido o Jananias, chavo katar o Selemias, ta o Janun, kai saia o sovto chavo katar o Salaf. Mapalal o Mesulam, chavo katar o Berekias, vazdia o zido kai si angla leko cher. 31Mapalal o Malkias, kai radila ando rup, vazdia o gua kotor zido llik kai o cher katar e sluge katar o cher e Devleko, ta kote kai si e llene kai chinen ta bichinen angla o udar kai dikhen ko del ta ko likel, ta llik kai bangarel o drom, kote kai thovenpe te prezon. 32E llene kai radin ando rup ta e llene kai chinen ta bichinen, vazdie o zido katar bangarel o drom, kai si o than kai prezon, llik kai o udar e bakrengo.
Currently Selected:
Nejemias 3: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
