Nejemias 11
11
E llene kai zivina ando Jerusalem
1 Kr 9.1-34
1E gazda katar o foro achile ando Jerusalem, a ogola llene cheldepe te dikhen katar suako des llene savo ka zivil ando Jerusalem, o foro santo, a ogola inia te achen ande forura. 2Ta e llene katar o foro blagosisarde sa gole llenen kai isto von petar mangle te zivin ando Jerusalem.
3Gala si e gazda katar e phuv kai zivisarde ando Jerusalem ta ande forura katar o Juda. Suako iek gazdarisarda ande po foro, e israelitura, e popura ta e levitura ta e llene kai radina ando cher e Devleko ta e chave katar e sluge katar o Salomon.#1 Kr 9.2; Nej 7.73.
4Ando Jerusalem zivisarde nesave llene katar o porodo e Judaeko ta katar o porodo e Benjamineko. Katar o porodo e Judaeko:
O Ataias chavo katar o Uzias, chavo katar o Zakarias, chavo katar o Amarias, chavo katar o Sefatias, chavo katar o Maalaleel, katar e chave e Fareseke, 5ta o Maaseias chavo katar o Baruk, chavo katar o Koljoze, chavo katar o Jazaias, chavo katar o Adaias, chavo katar o Joiarib, chavo katar o Zakarias, chavo katar o Siloni. 6Sa o porodo katar o Fares kai zivisarde ando Jerusalem sea star stotine ta sovardes ta ojto murusa zurale.
7Gava si o porodo katar o Benjamin: o Salu chavo katar o Mesulam, chavo katar o Joed, chavo katar o Pedaias, chavo katar o Kolaias, chavo katar o Maaseias, chavo katar o Itiel, chavo katar o Jesaias.#1 Kr 9.7. 8Ta i o Gabai ta o Salai kai sea katar leki familia, sa o porodo katar o Benjamin sea:
Inia stotine ta bis ta ojto. 9Ta o Joel chavo katar o Zikri saia lengo gazda, a o Juda chavo katar o Senua saia o duito gazda ando foro.
10Katar e popura saia:
O Jedaias chavo katar o Joiarib Jakin, 11o Seraias chavo katar o Jilkias, chavo katar o Mesulam, chavo katar o Sadok, chavo katar o Meraiot, chavo katar o Ajotob, gazda katar o cher e Devleko, 12ta lenge phlal, gola kai radina ando cher e Devleko sea:
O jto stotine ta bis ta dui, ta o Jeroam, chavo katar o Pelalias, chavo katar o Amsi, chavo katar o Zakarias, chavo katar o Pasur, chavo katar o Malkias, 13ta leke phlal, gazda katar e familia sea:
Dui stotine ta saranda ta dui, ta o Amasai chavo katar o Asareel, chavo katar o Asai, chavo katar o Mesilemot, chavo katar o Imer, 14ta leke phlal, murusa but vrene sea:
Stotine ta bis ta ojto, ta lengo gazda saia o Zabdiel chavo katar o Gedolim.
15Katar e levitura:
O Semaias chavo katar o Asub, chavo katar o Azrikam, chavo katar o Jasabias, chavo katar o Buni, 16o Sabetai ta o Jozabad, katar e gazda katar e levitura kai gazdarina po rado avri katar o cher e Devleko, 17ta o Matanias chavo katar o Mikaia, chavo katar o Zabdi, chavo katar o Asaf, o purvo kai llilabela ta kai dela fala e Devle kana molinape, o Bakbukias o duito maskar pe phlal, ta o Abda chavo katar o Samua, chavo katar o Galal, chavo katar o Jedutun. 18Sa e levitura ando santo foro sea:
Dui stotine ta ojtovardes te star.
19O Akub o Talmon ta leke phlal, kai arakhena e udara sea:
Stotina ta eftavardes ta dui.
20Ta sa ogola llene katar o Israel, katar e popura ta katar e levitura achile ande sa e forura katar o Juda, suako lleno ande so saia leko. 21E llene kai radina ando cher e Devleko zivina ando Ofel, ta ando Sija ta ando Gispa ta gazdarina pe llene kai radina ando cher e Devleko.
22A o gazda katar e levitura ando Jerusalem saia o Uzi chavo katar o Bani, chavo katar o Jasabias, chavo katar o Matanias, chavo katar o Mikaia, katar e chave e Asafateke kai lengo rado saia te llilaben ando cher e Devleko. 23Soke saia iek zakono katar o charo kai phenela cheres lende, ta ko ka llilabel suako llive.
24Ta o Petajias chavo katar o Mesezabeel, kai saia katar o porodo e Zerajeko chavo e Judaeko, radila e charoke ande suako buchi kai cherdol ando foro.
Aver forura avri katar o Jerusalem
25Nesave llene katar e vicha e Judaeki zivisarde ando Kiriat Arba ta ande leke forichura, ando Dibon ta leke forichura, ando Jakabseel ta leke forichura, 26ando Jesua, ando Molada ta ando Bet Pelet, 27ando Jazar Sual, ando Berseba ta ande leke forichura, 28ando Siklag, ando Mekona ta leke forichura, 29ando En Rimon, ando Zora, ando Jarmut, 30ando Zanoaj, ando Adulam ta ande leke forichura, ando Lakis ta lake phuvia, ando Azeka ta leke forichura. Ta zivisarde katar o Berseba llik kai e bari umal katar o Geinom. 31Ta e vicha katar o Benjamin zivisarde ando Geba, ando Mikmas, ando Aia, ando Betel ta ande leke forichura, 32ta i ando Anatot, ando Nob, ando Ananias, 33ando Jazor, ando Rama, ando Gitaim, 34ando Jadid, ando Seboim, ando Nebalat, 35ando Lod, ando Ono, e bari umal katar e llene kai cheren sukar ezgode. 36Ta nesave levitura lleletar katar o Juda ande phuv katar e vicha e Benjamineki.
Currently Selected:
Nejemias 11: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
