Levitiko 25
25
O burs kai ni radin ta o burs katar o mukliardipe
1O Del dia orba e Moisesea po burdo Sinai, ta phenda leke:
2Phen e israelenge gala alava: Kana tumen ka den ande phuv kai me ka dav tumen, e phuv morabi te na radil ando liubao e Devleko. 3Sai ka thoven simiche ande tumare umalia sov burs. Ta ande gola bursa sai ka chine e patra katar che drakha ta ka chide lake septelie, 4a o eftato burs niso ni ka radin e phuv ando liubao e Devleko, na radin e phuv gua burs tumare umalia ta na chinen e patra katar tumare drakha. 5Ta na chinen o lliu kai bariol vou pea kana tumen ia chidien tumare septelie, ta na chiden tumare drakha katar tumaro vostano soke gua burs ni ka radin niso e phuv. 6So dela e phuv voi pea kana ni ka radin la, ka resel te jan tumen, ta i tumare sluge diskinie ta i tumare sluge murus, ta i e llene kai radi tumenge ta kai si katar aver phuvia ta kai zivin maskar tumende, 7Ta chi zivirinia ta e zivirinia divi kai si ande chi phuv ta sa so dela e phuv, ka avel tumenge te jan.#Ek 23.10-11.
8Ta ka lline efta llive bursenge, morabi te llinen efta droma efta burs, burs gua ka del tumen saranda ta inia burs. 9Ta o llive des katar o chon eftato, kai si ollive katar o prostipe, ka cheren te basaldol sing ande sa e phuv. 10O burs pinda ka cheren le santo: ka avel iek burs katar o mukliardipe ta ande gua burs ka phenen kai sa e llene ka aven mukliarde ande sa e phuv. Suako lleno ka irilpe kai pi familia ta ka irin leke leki phuv kai saia leki. 11O burs pinda ka avel tumenge iek burs katar o mukliardipe, ta ande gua burs ni ka thoven ande phuv e simiche, ta ni ka chinen o lliu kai bariol vou pea, ta ni ka chinen e patra katar e drakha ta ni ka chiden e drakha, 12soke si iek burs santo ta katar o mukliardipe tumenge, ka jan samo so dela e phuv voi petar.
13Ande gava burs katar o mukliardipe sa tumen ka len pale tumare phuvia. 14Vareko te bichinela o te chinela katar aver lleno varesavi bar, te na kojavel gole llene. 15Ko chinela morabi te pochinel prema o vreme kai nakhla katar o burs katar o mukliardipe, ta ko bichinela morabi te mangel prema e bursa kai achen te chiden e septelie katar goia phuv: 16Te achen mai but bursa te chiden e septelie mai but ka mol le, a te achena cherricha bursa ka mol le mai eftino, soke so bichindol si e bursa kai si te chiden e septelie.
17Niko te na kojavel avere llene. Sikaven kai si tumen liubao tumare Devleke, Me sem o Jeova tumaro Del. 18Kanden me zakonura, kanden me alava. Kanden len ta ka zivin esmiro ande phuv, 19e phuv ka del septelie lligo ni ka achen chalie.
20A sai avelpe kai isto tumen sai puchen tumen: ¿A so ka ja ando eftato burs, te na thovaia simiche ande phuv ta te nasti chidaia e septelie? 21Goleke me ka blagosiv tumen o sovto burs, ta so ka chiden ka resel tumenge trine bursenge, 22Gia ka jan katar e septelie kai guruden so tumen thoven pale e simiche ande phuv u burs ojtongo, llik kai o burs iniango sai ka jan katar e septelie kai guruden, lligo ni avel o vreme kana chiden pe e septelie.
23E phuv ni ka bichindol ostade, soke e phuv si murni, a tumen sen sargo llene kai inai katar sargo llene kai aven katar aver phuvia gua si so sen mange. 24Goleke, varesavi phuv kai si ande tumare va, morabi te den e llenen kai mai anglal e phuv saia lengi o liubao te chinen pale pi phuv.
25Kana iek israelita chorraola ta bichinela varesavi katar pi phuv, ondaka o lleno kai si mai leki familia sai avel te del e love ta te lel pale goia phuv kai bichinda leko familiar.#Rt 2.20; 4.1-10.
26A vareko te na avela le iek familiar te pochinel leki phuv, ta isto vou te chidela ta te resela te pochinel isto vou pi phuv, 27ka llinel o vreme sar kai bichinda e phuv, ta ka iril e lleneke e love prema o vreme kai nakhla ta leki phuv ka nakhel pale ande leke va. 28A te na resela te chidel so trubul le te lel pi phuv goia phuv ka achel ande va gole lleneki kai chinda la lligo ni avela o burs katar o mukliardipe ta ande gua burs e phuv ka achel mukliardi, ta o lleno kai bichinda la pale ka achel ande leke va.
29A vareko te bichinela iek cher ande iek foro kai si zidura truial, vou sai ka chinen la pale mai anglal te nakhel o burs kai bichinda la. 30A te avelape kai ande gua burs o lleno kai bichinda la ni chinela la, ka achel ostade gole lleneke kai chinda la ta leke porodoke. Ando burs katar o mukliardipe nasti ka irin la. 31A e chera kai si ande forura kai inai len zidura ka aven sargo e phuvia kai si ande umalia: sai ka aven mukliarde ande burs katar o mukliardipe.
32A e levitura sai ka chinen pale pe chera kai si ande lenge forura. 33A vareko te chinela katar iek levita, morabi te likel latar ando burs katar o mukliardipe ta te llaltar ando foro kote kai le si le phuv, soke sa so si len e levitura maskar e israelitura si e chera kai si len ande forura. 34A e phuvia kai si len te jan e zivirinie ande forura ni ka bichindon soke si ostade lenge.
35A kana varesavo israelita chorraola ta llala tute, tu morabi te pomozi le sargo kana avela katar aver phuvia ta ka thovele ande cho cher te zivil tuia.#Dt 15.7-8. 36Ni ka le letar intarese pe love kai ka de le, ta ka avel chuke dar katar cho Del ta gua israelita ka thove le te zivil ande cho cher. 37E love kai ka de lete ni ka le letar interes, ta na phen kai mol le mai but o jape kai dele.#Ek 22.25; Dt 23.19-20. 38Me sem o Del tumaro Gazda, kai ikandem tumen katar e phuv katar o Ejipto, te sai dav tumen e phuv katar o Kanaan, te avav tumaro Del.
39A iek katar e israelita te chorraola kana si tuia, ta bichinela pe chuke, na cherle te radin sargo iek sluga, 40Dikhle sargo iek lleno kai radil o sargo iek gosto. Ka radil chuke lligo ni ka avel o burs katar o mukliardipe, 41ondaka ka achel mukliardo te llaltar katar cho cher pe chaurrenchar, ta sai ka irilpe kai po porodo ta e phuv katar pi familia ka irin la leke. 42Soke von si me sluge kai ikandem len katar o Ejipto ta nasti aven bichinde sargo esklavura, 43Ni ka de orba lenchar silnomaia, so ka chere si te avel chuke dar katar cho Del.
44Te mangea te avel tut esklavura o esklave, chin len katar ogola phuvia kai si truial tutar. 45Ta i sai ka chine e chaurren katar e llene kai aven katar aver phuvia kai zivin maskar tumende, ta katar e familie lenge kai biandile ande tumari phuv, len sai chinen len te aven tumare. 46Ta sai ka muken len tumare chaurrenge kana tumen ka meren, ta ostade ka aven tumare esklavura. A niko tumendar katar e israelitura nasti ka aven gazda tumare phlalenge kai si israelitura.#Ek 21.2-6; Dt 15.12-18.
47A lleno kai avel katar aver phuv kai zivil tuia barvaola, a iek lleno kai si israelita chorraola, kai zivil pasa o lleno kai avel katar aver phuv, ta bichindola gole llene o avere llene kai avel katar aver phuv, 48I te avela bichindo sai ka chinen leko mukliardipe. Sai ka cherel le iek katar leke phlal, 49o leko kako, o leko pharnavo o vareko te avela leki familia, ta isto vou sai pochinel po mukliardipe de si le e love, 50sai llinel gole llenea katar bichindilo llik kai o burs katar o mukliardipe. So ka pochinel ka avel prema e bursa, ta o vreme kai radisarda prema so pochindol e llenenge kai radin. 51Te achena but bursa angle, prema gola bursa ka pochinel ta ka iril prema e love kai bichindilo. 52A te achela cherricha vreme te avel o llive katar o mukliardipe, ka pochinel prema gola bursa. 53Tumen morabi te na muken gua kai chinda le te gasdaril pe lete zilnomaia.
54A gua kai bichindinailo te na pochinen le ande gua vreme te mukliaren le ka avel mukiardo, ando burs katar o mukiardipe ka avel vou mukliardo ta leke chaurre. 55Soke e israelitura si me sluge, murne sluga, me ikandem len katar o Ejipto. Me sem o Del tumaro Gazda.
Currently Selected:
Levitiko 25: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
