Levitiko 24
24
O zeitino e lamparenge
Ek 27.20-21
1O Del dia orba e Moisesea ta phenda leke:
2Phen e israelenge te anen chuke zeitino lacho katar e maslinke, te sai aven phabarde e lampare ta gia nikada te na mundardon. 3O Aaron ka lacharel len, te sai aven phabarde sorro riat angla o Del ande chara kai chidiniaon, avri katar e kortina kai si pasa e arka katar e alava. Gava si iek zakono ostade tumare porodoke. 4Morabi te lacharel e lampare ando kandelero desneto sunakuno te sai phabon angla o Del.
O marrno katar e proposision
5Le katar e mai lachi arina ta pek desudui marrne, te phariaven star kile ta dopas suako iek, 6ta thov len upral me mesa kai si desneto sunakuni kai si angla o Del, thode pe dui fisie de sov marrne suako iek.#Ek 25.30. 7Thov pe suako fisia taimano gua ka avel e marrnenge sargo meriso, ofrenda phabardi e Devleke. 8Gava morabi de thodol suako drom angla o Del suako sabado, sargo alava ostade ando anav katar e israelitura. 9Ta ka avel e Aaronoke ta leke chaurrenge, kai von ka jan le pe rig santa, soke leke si but sante katar e ofrende phabarde e Devleke, lenge ka avel gaia ofrenda ostade.#Mt 12.4; Mk 2.26; Lk 6.4.
E duk e llenenge kai kusen e Devle
10Ande gua vreme saia maskar e israelitura iek lleno kai leki dei saia israelita a leko dad saia ejipsio. Leki dei ikhardola Selomit, ta saia chorri katar o Dibri, katar e vicha katar o Dan. Gava lleno ta iek israelita jalepe ando pero, 11Ta o chaurro katar e diskinia israelita kusla ta dia armaia e Devle, ondaka inllarde le kai o Moises, 12Ta thodele ande rubie, lligo ni o Del ni phenela lenge so te cheren. 13Ta o Del dia orba e Moisesea ta phenda leke:
14Kan gole llene kai dia armaia, ta te thoven pe va pe leko soro sa e llene kai asunde le, ta te mundaren le e barrenchar sa o foro. 15Ta mapalal de orba e israelenge ta phen lenge: Kai ko kusela ta dela armaia pe Devle, ka inllarel po bilachipe, 16ta ka avel mundardo e barrenchar sa e forotar. I te avela katar aver phuv o te avela katar e phuv, te kusela e devle ka chindol pe leke te merel.
17Ko mundare avere llene, ka chindol pe leke te merel.#Ek 21.12.
18Ko mundarela iek zivirinia morabi te del aver zivirinia, zivirinia pe zivirinia.
19A ko dukhavela vareka katar po foro isto goia duk morabi te jal vou: 20phagipe po phagipe, iak pe iak, dan po dan, morabi te dukhadol isto pe masea e duk kai dia.#Ek 21.23-25; Dt 19.21; Mt 5.38.
21Kor mundarela iek zivirinia morabi te del aver zivirinia. Ko mundarela iekhe llene, kai chinen leke te merel.
22Isto gava zakono si e llenenge kai aven katar aver phuv ta i e llenenge katar e phuv. Me sem o Jeova Del tumaro Del.#Nm 15.16.
23Ondaka o Moises dia orba e israelenge, ta von ikande katar o pero gole llene kai diaia armaia e Devle, ta kote mundarde le e barrenchar. Ta e israelitura cherde le gia sar o Del phendaia e Moiseseke te cheren le.
Currently Selected:
Levitiko 24: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
