Levitiko 22
22
E ofrende e devleke
1O Del dia orba e Moisesea ta phenda leke:
2Phen e Aaronoke ta leke chaurrenge kai morabi te arakhen pe e ezgodenchar sante kai den man e israelitura, te na muken ando lallao mo santo anav. Me sem o Del.
3Phen lenge, kai akana ta mai angle, vareko katar leko porodo kana si pokalime te sikavela e ezgode sante kai e israelitura den e Devle, ka avel tradino mandar. Me sem o Del.
4A vareko katar o porodo e Aaronoko te avela nasualo katar e lepra o peravela phum, nasti ka jal katar e ezgode sante lligo ni ka avel chistome.
Vareko te dodila vareso kai si pokalime katar iek lleno kai mulo, o dodila iekhe llene kai mutarelpe phum, 5o vareko kai achile pokalime soke dodisarda iek zivirinia kai terrilpe o iekhe llene kai si pokalime soke i gua kai dodisarda le i vou achilo pokalime, 6o lleno kai dodisarda le ka achel pokalime lligo ni perel e riat, ta nasti ka jal katar e ezgode sante te na mai anglal jalavela pe e paiea. 7Ka achel chisto kana ka perel o kham, mapalal sai ka jal katar e ezgode sante, soke gua si leko jape. 8Nasti jal iek zivirinia mundardi o chindi pe kotora katar iek zivirinia divi, te na cherdol pokalime sargo goia zivirinia. Me sem o Del.
9Phen lenge te kanden pe alava ta te na inllaren pe pete ni iek bilachipe soke ni kandie, ta gia ni ka meren. Me sem o del, kai santifikiu tumen.
10Ni iek lleno kai inai popo nasti ka jal katar so si santo.
Ni o lleno kai avilo kai o popo ni o lleno kai radil e popoke nasti ka jal katar so si santo.
11Samo sai ka jan katar e ofrende sante e sluge kai e popura chinde lovenchar ta e sluge kai biandona ande leko cher.
12A e chorri katar o popo te zinilape iekhe llenea kai inai popo, nasti ka jal katar o jape kai del ofrenda e popoke. 13A e chorri e popoki te si phivli o mukli, ta te na avela la minone ta te irilape kai o cher pe dadeko isto gia sar saia kana saia ande po ternipe, voi sai ka jal katar o jape pe dadeko, a niko a ni iek lleno aver nasti ka jal katar gola ofrende.
14A vareko de kojadola ta te jala katar varesavi o frenda santa, gua lleno morabi te iril e ofrenda santa ta i ka del e popo o panllengo katar goia ofrenda kai jala. 15Ni ka den ando lallao, e ezgode sante kai den a chaurre katar o Israel e Devle, 16soke cherena len te inllaren o bilachipe, te jana lengo santo jape kai si lengo. Soke me o Del sem kai santifikiu len.
Sar morabi te aven e zivirinie kai den pe
17O Del dia orba e Moisesea ta phenda leke:
18De orba e Aaronea ta leke chaurrenchar ta sa e israelenchar, ta phen lenge gia: Vareko katar e israelitura o katar e llene kai aven katar aver phuvia kai zivin maskar lende, dena iek zivirinia kurbano te phabardol e Devleke, 19morabi te avel iek guruv o iek bakro te na avel nasualo te sai len le lendar te den le kurbano. 20A na iek zivirinia nasuali, soke ni ka lel le lendar te den le kurbano.#Lv 1.3; Dt 17.1.
21A vareko te dela kurbano pala e pas e Devle pala po alav kai dia te cherel le sargo iek ofrenda kai vou mangla te del, avela guruva o bakre, te sai len le letar morabi te na aven nasuale. 22Na den zivirinie e Devle te avena korre, chaladine, o chinde vastenge o porrnenge, o kai si len veliegura, o llerale o phuniale, ta na ni den len te aven phabarde sargo ofrenda po altar e Devleko. 23Sai ka de ofrenda soke tu mange iek guruv o iek busno i te avela leke porrne iek baro o iek mai minono, a kana de le pala cho alav kai dian kote nasti ka len le tutar kurbano. 24Ta nasti ka de e Devle iek zivirinia kai leke pele si chaladine chinde o rrangle. Na cheren gala ezgode ande tumari phuv. 25Ta na len katar iek lleno kai avel katar aver phuv gala zivirinie te aven jape tumare Devleke, soke si zivirinie nasuale ta ni ka len len tumendar.
Save zivirinie sai denpe te mundardon
26O Del dia orba e Moisesea ta phenda leke:
27Kana ka biandol iek telcho, o iek bakro o iek busno, morabi te achel pe daia efta llive ta pala e inia llive sai ka delpe ofrenda phabardi e Devleke.
28Na mundar isto ande iek llive iek guruvmi o bakri ta i lake minone.
29Kana ka de iek ofrenda te de fala e Devle cherle sukar te sai lel le tutar o Del. 30Ta jala isto ande gua llive ta na muk niso thiarinake. Me sem o Del.
31Kanden me zakonura ta cheren len. Me sem o Del.
32Ta na den ando lallao mo santo anav, ta gia ka avav santifikado maskar e israelitura. Me sem o Del, kai santifikiu tumen 33ta ikandem tumen katar o Ejipto te avav tumaro Del. Me sem o Del.
Currently Selected:
Levitiko 22: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
