Levitiko 21
21
E santidad e poponengi
1O Del phenda e Moiseseke:
De orba e poponenchar chaurre e Aaronoke, ta phen lenge te achen pokalime cheres iek mulo katar lengo foro. 2Ni ka achen pokalime te avela iek familia kai si pase, sargo leki dei o leko dad, o leko chaurro o leko phlal, 3a pala pi phiorri kai si chei, kai zivisarda lea kai ni zinisaili palala sai achel pokalime. 4A ni ka achel pokalime sargo varesavo lleno katar o foro.
5Nasti ka jaliaven po soro, ta nasti ka rranden pe chor, ta nasti ka cheren peke rrane pe pe esnage.#Lv 19.27-28; Dt 14.1. 6Soke sante ka aven pe Devleke, ta ni ka muken ando lallao o anav pe Devleko, soke e ofrende phabarde e Devleke ta o marrno e Devleko von sikaven len goleke von morabi te achen sante.
7Ta nasti ka zininpe iekhe kurvichkaia, ni diskiniaia kai si mukli ta ni iekhe diskiniaia kai asundile bune pe late, soke o popo so santo si pe Devleke. 8Tumen morabi te cheren von te achen sante soke von sikaven o marrno che Devleko, von ka aven sante chuke, soke me o Del sem santo ta me sem kai cherav len sante.
9A e chorri katar iek popo te thovela pe ando lallao ta te cherdola iek kurvichka, golea thovel ando lallao pe dade ta morabi te avel phabardi llundi.
10O mai baro popo lia sa e zor te thovel pe pete e patave sante, cheres o zeitino kai santifikil kai thode pe leko soro. Goleke morabi te na mukel pe bal mukliarde te na rranden pe patave te dikhol kai si zalosno, 11ta ni ka del kote kai si iek lleno mulo, ni pala po dad ni pala pi dei ni ka achel pokalime. 12Ta ni ka likel katar o santuario, ta ni ka mukel ando lallao o santuario pe Devleko, soke pe lete thode o zeitino santo kai si e Devleko. Me sem o Del.
13Kana ka zinilpe morabi te lel pala pe iekhe diskinia te avel chei. 14Ta nasti ka zinilpe iekhe diskiniaia kai si phivli o mukli o te asundile bune pe late ni iekhe kurvichka, leki rromi morabi te avel chei ta te avel katar leko foro, 15te na mukel ando lallao pe porodo maskar pe llene, Soke, me sem o Del kai santifikiu le.
Save ezgode ni muken iekhe llene te avel popo
16O Del dia orba e Moisesea ta phenda leke:
17Phen e Aaronoke kai katar angle niko katar leko porodo kai si len varesavo nasualipe pe lengi esnaga nasti ka sikavel e ofrenda katar o parrno pe Devleko. 18O chachipe niko kai si le varesavo nasualipe pe pi esnaga nasti ka avel pase te sikavel:
O lleno korro, bango, o chindo vareso katar leki esnaga, 19O te avela phago leko porrno o leko va, 20o te avela kurkuncho, o te na barilo, o te avela oblako ande leke akha, o te avela pe lete e ller o kai si leke pele chaladine. 21Ni iek lleno kai si katar o porodo e Aaronoko o popo de avela leki esnaga nasuali nasti ka avel pase te sikavel e ofrende kai phabardon, soke si le iek nasualipe pe leki esnaga nasti ka sikavel e ofrenda katar o marrno pe Devleko. 22Sai ka jal katar gua marrno ta katar e ezgode sante ta e santisime, 23a nasti ka del palal katar e kortina ta nasti ka avel pasa o altar, soke si nasualo, te na del ando lallao mo santuario, soke me sem o Del kai santifikiu tumen.
24Ta o Moises phenda sa gala alava e Aaronoke ta leke chaurrenge ta sa e israelenge.
Currently Selected:
Levitiko 21: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
