Lamentasiones 1
1
E zalba katar o Jerusalem
1¡Gia pusti achili
e phuv kai omanglal saia pherdi llene!
¡O foro mai baro katar e forura
dikhol sargo iek phivli!
¡E charoina katar e phuvia
a kana trubul te radil averenge!
2Jal pe ausa orachaia,#Sal 69.20; Jer 9.17-19; 13.17; 30.13,14.
e ausa peren pe lake chama.
Katar sa e llene kai volisarde la
inai ni iek te del la zor.
Sa lake amal kojade la,
cherdile lake dusmanura.
3E phuv katar o Juda si phangli ande aver phuv,
soke akana cherde la te avel sluga.
Omanglal charoila maskar e phuvia,
a akana inai la kai te besel.
Sa lake dusmanura resade la
kana saia ando tangipe.
4¡But zalba si pe droma katar o Sion!
¡Inai niko te llal pe slave!
E udara e foroke achile puste,
e popura roven
e chea si dukhade
ta o Jerusalem nakhel bari zalba.#Is 3.26; Jer 14.2.
5Lenge dusmanura cherdile charura,
gola kai marenape lenchar barvaon.
O Del dukhada la
soke ni kandela,
lake chaurren phangle len
ta inllarde len lake dusmanura.
6E chei katar o Sion
jasarda po sukaripe.
Lenge gazda sargo bakre
roden te jan e char,
terrin pe porrne, ta nasen
angla pe dusmanura.
7Phuv katar o Jerusalem, kana achili ande va e dusmanoke
ta ni saia ko te pomozil la,
diape golli katar sa pilachipe ta katar ezgode lache
ande bursa kai nakhle,
kana achili ande va katar o dusmano
ta ni saia ko te pomozil la.
Lake dusmanura dikhena pe late
ta marena espurnia katar lako phagipe.
8E phuv katar o Jerusalem cherda o bilachipe
goleke maren latar espurnia.
Sa gola kai dena la liubao akana murzin pe late,
soke dikhle lako lallao,
goleke rovel
ta lallaimatar del e zea ta irilpe.#Ez 16.35-37.
9O gadope si pe lako fistano
ni mislisaili so ka avelpe latar,
baro chudo si sar llelitar tele
ta inai ko te del la zor.
¡Dik Devla ande savo lallao sem
ta gia istardol o dusmano!
10O dusmano cherdilo gazda#2 R 24.13; 25.13-17.
ta lia peke e sukar ezgode katar o Jerusalem.
O foro dikhla e llenen kai ni pachan ando Del
sar den silnomaia ande Devleki chara,
¡llene kai tu Devla phendan
te na den kote kai chidiniaol cho foro!
11Sa e llene katar o foro roven,
roden kai si marrno,
die sa po barvalipe pala o jape
te sai zivin.
¡Dik Devla pe mo phagipe!
¡Thou sama pe mi belava!
12¡Tumen kai nakhen po drom,
achen ta dikhen
inai duk mai bari
neko gaia duk kai nakhav me!
O Del dia man gaia patnia
soke phabili leki joli.
13O Del bichalda katar o miloso
iek iag kai phabarel me kokala,
thoda mange iek mreza po drom
ta cherda te iriu man palpale,
mukla man chudini
mukla man dukhadi sorro llive.
14O pharipe katar mo bilachipe
phangla le pe mo corr isto o Del,
sargo iek kas pharo upral pe mande,
¡lia mandar e zor!
O Del thoda man ande va katar e llene
kai nasti dobiu len.
15O Del chudia dur mandar
sa e llenen e zuralen kai arakhena man.
Bichalda te marenpe manchar e boñikura
te zatrin e ternen kai arakhena man.
O del ustada e chea katar o Juda
gia sar ustaven e drak te cheren e mol.#Is 63.3; Jl 3.13; Apo 14.20; 19.15.
16Goleke rovav.
Goleke me akha pherdile ausa,
soke inai ko te del man zor,
inai man ko te del man nevi vlaga.
Me chaurre si zatrime,
soke o dusmano dobisarda.
17E phuv katar o Sion inzarda pe va,
a inai ko te del la zor.
O Del mukla alava pe phuv katar o Jakob
te aven lake dusmanura sa e forura kai si pasa la,
goleke o Jerusalem si lenge
iek ezgoda kai gadola len.
18O Del si chacho,
me ni kandiem leke alava.
¡Asunen sa e phuvia,
dikhen savi duk nakhav!
¡Me chaven ta me cheen
inllarde len phangle!
19Ikhardem golen kai volina man,
a von die man e zea.
Me popura ta me phure
mule ando foro,
¡rodena so te jan
te sai zivin!
20¡Ioi Devla! but dukhadi sem,
mo lli chirol,
mo lio mangel te pharrol
soke ni kandiem tut.
Avri dobisarda o jarni,
andre dobisarda o meripe.#Jer 4.19; 9.21.
21E llene asunen sar rovav,
a inai ko te del man zor.
Sa me dusmanura asunde katar mo bilachipe,
ta veselinpe katar so tu cherdan.
Ka chere te avel o llive kai phendan,
ta ka chere te llal lenge sar llela mange.
22Ka avel angla tute
sa o bilachipe kai cherde,
ta cher lenchar
sar cherdan manchar kana ni kandiem tut,
soke baro si mo roipe,
ta mo lio si nasualo.
Currently Selected:
Lamentasiones 1: BACHRO
Highlight
Copy
Compare
Share
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
