Jonas 3
3
O Ninive keilpe
1O Del pale dia orba e Jonasea, ta phenda leke: 2Lla ando Ninive kai si iek baro foro, ta phen so me ka phenav chuke:
3Ta o Jonas llelo karing o Ninive, gia sar phenda leke o Del. O Ninive saia gia baro kai te phire sa o foro saia te cherele ande trin llive. 4O Jonas thoda te del ando foro, phirda iek llive ta phenela ando baro avazi: ¡Ande saranda llive o Ninive ka avel zatrime!
5Sa e llene katar o foro, bare ta i minone, pachaie ando Del, cherde alluno, ta thode pe pete patave zalosne te achardol lengi duk.#Mt 12.41; Lk 11.32. 6Kana o charo katar o Ninive llangla gaia ezgoda, ustilo katar po trono, ikanda petar pe patave charoke, thoda pe pete patave zalosne ta beslo pe phuv. 7Mapalal, o charo ta leke sudura inllarde e viasta kai sa o foro katar gava zakono:
Sa e llene te na jan niso. Ta te na den te jan ni te pien e guruven ta e bakren. 8Ta te thoven pe tumende ta i pe zivirinie patave zalosne te achardol e duk, ta molin tumen e Devleke sa tumare zoriaia. Ta na cheren ios o bilachipe, ta chuden tumendar o silnope kai cherden llik allive, 9sai avelpe kai o Del ka pharruvel po mislo ta gia ni ka mera.
10O Del dikhla so cherena e llene katar o Ninive ta sar mukena po bilachipe, ta ni kamla te cherel lenge e zatrania kai mangela te cherel.
Currently Selected:
Jonas 3: BACHRO
Highlight
Copy
Compare
Share
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
