Jonas 2
2
O Jonas molilpe
1Ondaka o Jonas molisailo e Devleke andral katar o macho, 2ta phenda:
Ande mi nuzda molisailem chuke Del,
ta tu dian anglal.
Kana sema ando than e mulengo,
tu asundan mo avazi.#2 S 22.7; Sal 18.6; 120.1; 130.1; Lm 3.55.
3Chudian man chak andre ande mora,
ta e mora saia truial mandar sargo iek bari len.
E bare valura kai tu bichaldan
nakhena upral pe mande.#Sal 42.7; 88.3-7.
4Ta misliva kai tu chudian man tutar,
misliva kai ni ka dikhav nikada ios cho santo Cher.#Sal 31.22.
5Samo pai saia truial mandar,
e bari mora saia upral pe mande,
ta e patra e morake ulinape pe mo soro.
6Reslem chak tele katar e phuv,
¡misliva kai nikada ni ka likav kotar!
A tu Del, kai san mo Del,
braduisardan man katar o meripe.#Sal 30.3.
7Kana acharava kai o zivoto mukela man,
mislisailem ande tute, Del,
o molipe kai cherdem reslo tute kai cho santo Cher.
8E llene kai pachan ande aver dela
muken o lachipe,
9a me, ka blagosiv tut me avazea,
ka cherav chuke kurbanura,
ka cherav e sovlia kai jalem chuke.
¡Samo tu, Del, sai bradui!#Sal 22.25.
10Ondaka o Del cherda e mache te chadel e Jonase pe phuv.
Currently Selected:
Jonas 2: BACHRO
Highlight
Copy
Compare
Share
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
