Jeremias 42
42
O foro mangel katar o Jeremias te mililpe pala lende
1Avile sa e sudura katar e boñikura, ta o Jonatan chavo katar o Kareaj, o Azarias chavo katar o Osaias ta sa o foro, katar o mai baro, llik kai o mai minono, 2Ta phende gia e profetake e Jeremiaseke:
Le akana amaro molipe ta molisao tu pala amende e Devleke che Gazdake pala sa gala llene, soke katar but llene achilam nesave gia sar dikhe, 3mang e Devletar te sikavel amenge o drom katar si te phira ta so si te chera.
4Ta o profeta o Jeremias phenda lenge:
Asundem. Me ka moliv man e Gazdake tumaro Del, gia sar phenden, ta sogo ka phenel tumenge o Del me ka phenavle tumenge ta ni ka guruvav tumendar niso.
5Ta von phende e Jeremiaseke:
O Del te cherel so si orta, te na cherdam prema save avela e ezgoda kai cho o Del o Gazda ka bichalel tut te phene amenge.
6Avela amenge drago o ni avela amenge drago, amen ka asuna o avazi katar amaro Del o Gazda kai bichaldam tut lete, soke amenge ka llal sukar te asundam o avazi katar amaro Del o Gazda.
O Del del anglal po molipe katar o Jeremias
7Nakhle des llive kotar ta o Del dia orba e Jeremiasea. 8Ta o Jeremias ikharda e Joanane chavo katar o Kareaj ta sa e sudonen katar e boñikura kai sea lea ta sa e foro, katar o mai minono llik kai o mai baro. 9Ta phenda lenge:
Goa phenda o Gazda o Del katar o Israel, kai tumen bichalden man te anav angla le tumaro molipe: 10Te achilen esmiro ande gaia phuv, ka vazdav tumen ta ni ka peravav tumen, ka thovav tumen pe phuv ta ni ka ikanav tumen, soke dukhado sem pala so cherdem tumenge. 11Na daran katar o charo katar e Babilonia kai daravel tumen. Na daran letar phenda o Del, soke me sem tumenchar te ikanav tumen katar leke va ta te braduiv tumen. 12Ta ka avel mange zalba tumendar, ta leke ka avel zalba pala tumende ta ka cherel te irin tumen ande tumari phuv.
13A te phenden:
Ni ka zivi ande gaia phuv ta ni ka kanda so phenel o Gazda tumaro Del, 14ta te phenden kai mangen te den ando Ejipto soke kote ni ka dikhen maripe, ta ni ka asunen sar basel e tuturuga ta ni ka nakhen bok ta kai kote ka zivin, 15goleke akana asunen e alava e Devleke, tumen e llene kai achen katar o Juda:
Gia phenel o Del kai si le sa e zor, o Del katar o Israel:
Te boldinailen te llan te den ando Ejipto ta dien te zivin andre, 16o jarni kai tumen daran letar, ka resel i kote ando Ejipto ta e bok kai tumen daran latar, ando Ejipto ka llal pala tumende ta kote ka meren. 17Sa e llene kai ka boldiniaon te den ando Ejipto te zivin kote, ka meren po jarni, bokhatar ta nasualimatar. Niko lendar ni ka achel llundo ta niko ni ka nasel katar e duk kai me ka anav pe lende.
18Soke gia phenda o Del kai si le sa e zor, o Del katar o Israel:
Gia sar jolailem po foro katar o Jerusalem, isto gia ka joliaivav pe tumende kana ka den ando Ejipto. Ta sa e llene ka proketin tumen, ka chudinpe tumendar ta ka maren tumendar espurnia ta ni ka dikhen ios gava than. 19O Del phenda gia tumendar, kai sen so achel katar o Juda:
Te na llan ando Ejipto, allive phenavle tumenge. 20¿Soke thoden tumaro zivoto po kojaipe? Isto tumen bichalden man te dav orba tumare Devlea ta phenden mange:
Molisao e Gazdake amare Devleke pala amende ta phen amenge sa so ka phenel chuke amaro Del ta amen ka cherale. 21Ta allive phendem le tumenge ta ni kandien o avazi katar o Gazda tumaro Del ta ni e ezgode kai bichalda man te phenav tumenge. 22A kana trubul te llanen kai ka meren po jarni, bokhatar ta nasualimatar, ka meren kote kai mangena te zivin.
Currently Selected:
Jeremias 42: BACHRO
Highlight
Copy
Compare
Share
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
