Jeremias 41
41
Mundaren e Gedaliase
2 R 25.25-26
1Kana cherela efta chon kai aviloa o Ismael chavo katar o Netanias ta unuko katar o Elisama, kai sea katar vicha katar e charura ta nesave llene katar e sudura e charoke ta des llene ios, kai o Gedalias chavo katar o Ajikam ando Mizpa. Ta kana jana marrno ande iek than, 2o Ismael ta e llene kai sea lea ustile ta die e jarnienchar e Gedaliase ta mundarde gole kai o charo katar e Babilonia thodaia te gazdaril goia phuv. 3Ta i mundarda o Ismael sa e judionen kai sea e Gedaliasea ando Mizpa ta e boñikonen katar e kaldeura kai sea kote.
4Ta nakhla iek llive kai mundardaia e Gedaliase kana niko ni llanela goia ezgoda, 5avile nesave llene katar o Sikem, katar o Silo ta katar Samaria, ojtovardes llene kai sea chinde lenge chor ta lenge patave sa pharrade ta chindipe pe lengo mas ta anena ande pe va ezgode dine ta taimano te inllaren kai o cher e Devleko. 6Ta katar e Mizpa likisto rovindo o Ismael o chavo katar o Netanias ta kana reslo len phenda lenge:
Aven kai o Gedalias chavo katar o Ajikam.
7Ta kana die ando foro, o Ismael ta e llene kai llana lea chinda lengi korr ta chudie len ande iek bunari. 8A maskar lende sea des llene kai phende gia e Ismaeleke:
Na mundar amen, soke si amen gurudino ando vos but lliu ta sebada ta zeitino ta aullin. Ta o Ismael mukla len ta ni mundarda len.
9Ta o bunari kai chudiea andre sa e esnage katar e llene kai mundardaia pala o Gedalias sea isto sargo gola kai o charo o Asa chudiaia andre kana marelape e charoia e Basasea charo katar o Israel. Gua saia iek bunari kai saia pherdo esnage kai chudiaia andre o Ismael.#1 R 15.16-22. 10Mapalal o Ismael inllarda phangle sa e llenen kai achela katar o foro kai sea ande Mizpa, inllarda e cheen katar o charo ta sa e foro kai achiloia ande Mizpa, kai muklaia o Nebuzaradan tala o va katar o Gedalias chavo katar o Ajikam. Ta o Ismael inllarda len phangle ta llelo karing e phuv katar e Amonitura.
11Ta o Joanan chavo katar o Kareaj ta sa e gazda e boñikonenge kai sea lea asunde sa o bilachipe kai cherda o Ismael. 12Ondaka llele sa pe llenenchar te marenpe lea. Ta malade le pasa o baro pai kai si ando Gabaon.#2 S 2.13. 13Ta kana sa e llene kai sea e Ismaelea dikhle e Joanane ta sa e gazda e boñikonenge kai sea lea, veselisaile. 14Ta sa e llene kai o Ismael andaia phangle katar e Mizpa irisaile ta llele kai o Joanan. 15A o Ismael ta ojto llene ios nasle katar o Jonatan ta lleletar karing e phuv katar e amonitura.
16Ta o Jonatan ta sa e gazda e boñikonenge kai sea lea, lie sa e boñikonen, e diskinien, e minonen ta e mai bare sudonen kai o Ismael inllardaia phangle katar o Mizpa kana mundardia e Gedaliase ta kai o Jonatan andaia len katar o Gabaon. 17Ta avile ando Gerut Kiman, kai si pasa o Beln, te sai den ando Ejipto, 18soke nasena katar e kaldeura pala e dar kai saia lenge, soke mundardea e Ismaele kai o charo katar e Babilonia thodaia le te gazdaril e phuv.
Currently Selected:
Jeremias 41: BACHRO
Highlight
Copy
Compare
Share
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
