Jeremias 35
35
O Jeremias ta e rekabitura
1O Del dia orba e Jeremiasea ande llivesa katar o Joasim chavo katar o Josias, charo katar o Juda, ta phenda:#2 R 23.36—24.6; 2 Kr 36.5-7. 2Lla kai e rekabitura ta de lenchar orba ta thov len ando cher e Devleko, ande iek katar e sobe ta de len te pien mol. 3Ondaka liem manchar e Jazaniase chavo katar o Jeremias, ta unuko katar Jabasinias, leke phlalen ta sa leke chaven ta sa e vicha katar e rekabitura, 4ta inllardem len kai o cher e Devleko, ande soba katar e chave katar o Iojanan chavo katar o Lligdalias manus e Devleko, ta besela pasa e soba katar e sudura kai si upral pe soba katar o Maseias chavo katar o Salum kai arakhela o udar. 5Ta thodem angla e chave katar e familia katar e rekabitura tasura pherde mol, ta phendem lenge:
Pien mol.
6A von phende:
Ni ka pia mol, soke amaro dad o Jonadab chavo katar o Rekab mukla pe amende alava ta phenda:
Ni ka pien mol nikada tumen ni tumare chaurre,#2 R 10.15; 1 Kr 2.55. 7ta ni ka cheren chera, ta ni ka avel tumen umal te thoven te barion e simiche, ta ni ka thoven te barion e drakha, ta ni ka avel tumari, soke ka zivin ande chare sa tumaro zivoto, te zivin but burs pe phuv kai tumen zivin. 8Ta amen kandiam o alav katar amaro dad o Jonadab chavo katar o Rekab anda sa so phenda amenge, te na pia mol sa amaro zivoto, ni amen, ni amare rromia, ni amare chaurre ni amare chorra, 9ta te na chera amenge chera te zivi ande lende ta te na avel amen drakha ni phuv ni umal te barion e simiche, 10Goleke zivi ande chare ta kandiam ta cherda sa prema so phenda amenge amaro dad o Jonadab. 11A kana o Nabukodonosor charo katar e Babilonia avilo pe gaia phuv, phendam:
Aven te gurudiva ando Jerusalem, te na dikhen amen e boñikura katar e kaldeura ta katar e boñikura katar e llene katar e Siria, ta achilam ando Jerusalem.
12Avilo o alav e Devleko kai o Jeremias ta phenda: 13Gia phenda o Del kai si le sa e zor, Del katar o Israel:
Lla ta phen e murusenge katar o Juda ta e llenenge kai zivin ando Juda ta e llenenge kai zivin ando Jerusalem. ¿Ni ka sikon te kande me alava? Gia phenda o Del. 14Zuralo saia o alav katar o Jonadab chavo katar o Rekab, kai mukla alava pe pe chave te na pien mol ta ni pile mol llik akana, te kanden o alav pe dadeko, a me diem tumenchar orba chak omanglal te ni achav, ta ni asunden man. 15Ta bichaldem sa tumen kai sen me poraukura, omanglal ta ni achilem te phenav tumenge:
Irin tumen suako iek katar po bilacho drom ta lacharen so cherden ta na llan pala e dela kojamne te radin lenge ta ka zivin ande phuv kai diem tumen ta tumare paponen, a ni thoden mange sama ta ni asunden man. 16Chachimaia e chave katar o Jonadab chavo katar o Rekab saia lenge zuralo o alav kai mukla lenge lengo dad, a gava foro ni kandia man. 17Goleke, gia phenda o Del kai si le sa e zor, Del katar o Israel:
Me ka anav po Juda ta pe sa e llene kai zivin ando Jerusalem sa o bilachipe kai phendem lendar, soke diem lenge orba ta ni asunde man, diem len mui ta ni die anglal.
18Ta o Jeremias phenda gia e llenenge katar e Rekabitura:
Gia phenda o Del kai si le sa e zor, Del katar o Israel:
Soke kandien e alava katar Jonadab tumaro dad ta cherden sa e zakonura kai dia tumen, ta cherden prema sa so phenda tumenge, 19goleke, gia phenda o Del kai si le sa e zor, Del katar o Israel:
Ni ka nakhel iek llive bi te avel angla mande iek murus katar o Jonadab chavo katar o Rekab.
Currently Selected:
Jeremias 35: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
