Jeremias 26
26
Phenen kai ka mundaren e Jeremiase
1Kana thoda te charoil o Joasim chavo e Josiaseko, charo katar o Juda, avilo gava alav e Devleko ta phenda:#2 R 23.36—24.6; 2 Kr 36.5-7. 2Gia phenda o Del:
Thou tut ande bar katar o cher e Devleko, ta de orba sa e phuvienge katar o Juda, kai aven te blagosin ando cher e Devleko, sa e alava kai phendem chuke te de orba lenge, phen lenge sa. 3Sai avelpe kai ka asunen ta ka irinpe suako iek katar po bilacho drom, ta me ka achavav e duk kai mangava te cherav lenge pala o bilachipe kai cheren. 4Goleke ka phene lenge gia:
Gia phenda o Del:
Te na maladen man te llan pe mo zakono kai thodem angla tumende, 5te acharen so phenen me sluge e poraukura, kai me bichalav tumenge cherel but vreme ta ni achav, kai tumen ni asunden len, 6me ka cherav gale foroia sar cherdem ando Silo, ta gaia phuv ka avel proketime katar sa e forura katar e phuv.#Jos 18.1; 1 S 4; Sal 78.60; Jer 7.12-14.
7Ta e popura, e poraukura ta sa o foro asunde e alava kai phenda o Jeremias ando cher e Devleko. 8Kana o Jeremias getosarda te del sa e orba kai o Del phenda leke te phenel sa e foroke, e popura ta e poraukura ta sa o foro thode o va pe lete ta phenena:
Akana ka mere. 9¿Soke phendan iek poroka ando anav e Devleko, ta phendan:
Gava foro ka avel sargo o Silo, ta gaia phuv ka avel zatrime ta ni ka achel niko? Ta sa o foro chidinailo po Jeremias ando cher e Devleko.
10Ta sudura katar o Juda asunde gala ezgode, ta llele katar o cher e charoko llik kai o cher e Devleko, ta besle katar delpe katar o udar o nevo katar o cher e Devleko. 11Ondaka die orba e popura ta e poraukura e sudonenchar katar o foro, ta phende:
Prema so cherda gava manus vou si te merel, soke phenda iek poroka pe gava foro, gia sar asunden isto tumen.
12T o Jeremias dia orba sa e sudonenge ta sa e foroke, ta phenda lenge gia:
O Del bichalda man te porokiu pe gava cher ta pe gava foro sa e alava kai tumen asunden. 13Lacharen akana tumaro drom, ta e ezgode kai cheren, ta asunen e Devleko avazi ta ka delpe palpale katar o bilachipe kai phenda tumendar. 14A me, sem ande tumare va, cheren manchar so mislina kai si orta te cheren. 15A trubul te llanen kai te mundarden man, ka cheren te chordol pe tumende o rat katar iek bidosalo, ta pe gava foro ta pe llene kai zivin kate, soke chachimaia bichalda man tumende o Del te phenav tumenge sa gala alava ande tumare kan.
16Ta e sudura ta sa o foro phende e poponenge ta e profetonenge:
Gava lleno inai dosalo te mundaren le, soke ando anav katar amaro Del dia amenge orba.
17Ondaka thodepe pe porrne nesave phure katar e phuv ta die orba e llenenge katar o foro kai sea chidine: 18Kana o Esekias saia charo katar o Juda o Mikeas katar o Moreset porokisarda sa e foroke katar o Juda ta phenda:
Gia phenda o Del kai si le sa e zor:
O Sion ka avel anado sargo kana radin e phuv
ta o Jerusalem ka cherdol iek umpa phagipe
ta po burdo katar o cher ka barion e kasta.#Mik 3.12.
19¿A so, mundarde le o Esekias charo katar o Juda ta sa o foro katar o Juda? ¿Ni darailo e Devletar ta molisailo angla o Del, ta o Del diape palpale katar o bilachipe kai dia orba pe lende? ¿Sai chera amen gia baro bilachipe amare zivotoke?
20Ta i saia aver lleno kai porokisarda ando anav e Devleko, o Urias chavo katar o Samanias, katar o Kiriat Iarim, ta porokisarda pe gava foro ta pe gaia phuv, prema sa e alava katar o Jeremias, 21ta asunde leke alava o Charo Joasim ta sa leke sudura ta leke glamne llene, ta o charo mangela te mundarel le. O Urias llangla ta darailo ta naslo ando Ejipto. 22Ta o charo o Joasim bichalda llenen ando Ejipto, llelo o Elnatan chavo katar o Akbor ta avere llenen llele lea. 23Ikande e Uriase katar o Ejipto ta ande le kai o charo o Joasim ta mundarda le pe jarniea ta chudia leki esnaga ande limoria kai si varekake.
24A o Ajikam chavo katar o Safan arakhela e Jeremiase te na den le ande va e foroke te mundaren le.
Currently Selected:
Jeremias 26: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
