Jeremias 15
15
E orba katar e duk
1O Del phenda mange gia:
Te thovenape angla mande o Moises ta o Samuel, ni ka avel mi volia gale foroia, trade len mandar, ta te llantar.#Ek 32.11-14; Nm 14.13-19; 1 S 7.5-9. 2A te puchle tut:
¿Kai ka lla? Phen lenge gia:
O Del phenda gia:
Ko si te merel, ka merel,
ko si te merel po jarni, ka merel po jarni,
ko si te merel bokhatar, te merel bokhatar,
a ko si te inllaren le phanglo,
te inllaren le phanglo.#Jer 43.11; Apo 13.10.
3Ta ka bichalav pe lende star dukha, gia phenel o Del:
Jarni te mundarel, ta llukela te chinen o mas, ta chiriklia e milosoke, ta zivirinie dive e phuviake te jan ta te zatrin. 4Ta ka cherav tumen te aven e dar katar sa e phuvia e suetoke pala so cherda ando Jerusalem o Manases chavo katar o Ezekias, charo katar o Juda,#2 R 21.1-16; 2 Kr 33.1-9.
5Soke ¿kake ka avel zalba tutar, Jerusalem?
¿Kake ka avel zao pala tute,
o ko ka avel te puchel dal si tut pas?
6Tu muklan man, phenel o Del,
irisailan palpale, goleke me
ka vazdav mo va pe tute ta ka zatriv tut,
chinio sem te avel mange gachin zalba.
7Chudiem tumen sargo char suki
llik kai e udara e phuviake,
ta muklem bi minonengo me foro
ta zatrisardem len,
a von ni irisaile katar pe bilache droma.
8Cherdem te aven mai but phivlia
neko e chisai e moraki,
but oma andem pe dea ta pe lenge chaurre
ande desudui e lliveseke gole kai zatril,
cherdem te perel po foro iek bari dar.
9Jasarda e zor goia kai avila la efta chaurre,
pherdilo duk lako lio, lake peli e riat mai oma,
avili thodi ando lallao ta ni llanela so ka cherel
ta e llene kai ka achen latar ka dav len
kai lenge dusmanura
te mundaren len e jarniea, gia phenel le o Del.
O profeta urkil
10¡Tesko mange male, kai biandan man
te avav iek lleno kai marelpe ta kai jalpe
sa e suetoke! Nikada ni liem ta ni liem unllile,
a sa e llene proketin man.
11¡Te avelpe gia Devla,
te na radisardem chuke sukar,
te na molisailem chuke pala o dusmano
ando vreme katar e duk,
ta ande llivesa katar e nuzda!
O Del phenel kai ka dukhavel e Israele
12¿Sai phagel vareko o sastri,
o sastri katar o norte ta o tuch?
13Cho barvalipe, cho barvalipe ta chi phuv
ka dav le sa e chiriklienge llabe,
pala sa o bilachipe kai cherdan.
14Ta ka cherav te radi che dusmanonenge
ande iek phuv kai ni pinllare
soke mi joli phabol sargo e iag
upral pe tumenge.
O profeta molilpe e Devleke
15Ioi Devla, tu llanele, de tut golli mandar,
aide mande ta mar me dusmanonen.
Na phen mo bilachipe ande chi bari joli.
Tu llane kai pala tute nakhav lallao.
16Che alava avena ta me java len,
ta cho alav saia mi dragostia ta veselia
ande mo lio, soke cho anav phendilo
upral pe mande, ioi Gazda Devla kai si tut sa e zor.
17Ni sema maskar e llene
kai marena espurnia ta ni cherava baripe
katar chi poroka, me beslem korkorre
soke sema pherdo joli.
18¿Soke ni achela mi duk, ta mi ran ni
ni kamela ni iek drab ta ni sastola?
¿Ka ave tu mange sargo e iek ezgoda
kai inai chachuni, sargo e paia kai inai kote?
O Del del anglal
19Goleke gia phenda o Del:
Te irisailan, me ka lacharav tut,
ta ka ave angla mande, a te ikandan
so si kuch katar so ni mol le,
me alava ka liken katar chiro mui.
Cher te irinpe von tute, a na tu lende.
20Ta ka thovav tut ande gava foro
sargo iek zido zuralo tuchno,
ta ka marenpe tuia, a ni ka dobin tut,
soke me sem tuia te arakhav tut
ta te braduiv tut, gia phenel le o Del#Jer 1.18.
21Ta ka ikanav tut katar e va e bilachenge,
ta ka braduiv tut katar e va e zuralenge.
Currently Selected:
Jeremias 15: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
