Santiago 5
5
E orba e barvalenge
1¡Asunen akana, tumen e barvale! ¡roven ta urkin pala o chorripe kai si te avel pe tumende! 2Tumaro barvalipe si cherno; tumare patave, jale len e cherme. 3Tumaro sunakai ta tumaro rup si farruzime, ta gua farruzipe dosarel tumen ta ka zatril tumari esnaga sargo iek iag. Chidien barvalipe e llivesenge kai aven mai angle.#Mt 6.19. 4Tumen ni pochinden golenge kai radin tumenge tumari phuv ta kojaden len; ta o Del kai si le sa e zor, asunda sar urkin gola llene soke ni pochinden lenge.#Dt 24.15. 5Tumen zivisarden ando barvalipe ta ande dragostia, ta thuliarden tumari esnaga sargo guruva ando llive kai si te mundardon. 6Tumen dosarden ta mundarden llenen kai sea chache, ta nasti cherde tumenchar zor.
Morabi te aven zurale
7A tumen phlalalen, morabi te aven zurale lligo ni ka avel o Gazda. O simichari aduricharel o vreme kana ka delpeke te sai del e phuv e septelie lache. 8Isto gia tumen morabi te aduricharen ta te terpin o bilachipe, soke o Gazda but oma ka avel.
9Phlalalen, na den orba bilachi iek averetar, te na joliaol pe tumende o Del; soke o Del si kai chinel e kris ta vou oma si te avel. 10Goleke morabi te cheren sar cherde e poraukura kai nakhle bari patnia soke die orba ande Devleko anav. 11Soke amen phena: blagosime sa gola kai si zurale kana nakhen patnia pala o Del. Tumen asunden katar e bari patnia kai nakhla o Job ta sar vou terpisarda, ta pala gua o Del blagosisarda le but, soke o Del si lacho ta si leke but zalba katar e llene kai nakhen patnia.#Job 1.21-22; 2.10; Sal 103.8; 111.4.
12A mai anglal, phlalalen, mangel tumendar o Del te na jan sovel ni po miloso, ni pe phuv, ni pe nisavi aver ezgoda. Kana ka phenen ea te avel ea, a kana ka phenen iok te avel iok, te na aven dosarde.#Mt 5.34-37.
O molipe
13Te si vareko tristome maskar tumende, te molilpe e Devleke. Te si vareko veselo, te llilabel e Devleke. 14Te si vareko nasualo maskar tumende te ikharel e phuren katar e khanlliri te molinpe pala le, ta te thoven zeitino pe lete ando anav e Gazdako.#Mk 6.13; Lk 10.34. 15Ta te molinpe pachamaia, ta o nasualo ka sastol, ta o Del ka vazdel le. A te cherda o bilachipe, ka avel prostime. 16Goleke phenen iek avereke tumaro bilachipe, ta molintumen iek pala aver te aven saste. Kana molilpe e Devleke iek lleno lacho, leko molipe sai cherel but. 17O profeta o Elias saia sargo amen, a kana molisailo te na del peke, ni diapeke preko trin burs ta sou chon.#1 R 17.1; 18.1; Lk 4.25. 18Mapalal kana pale molisailo, diapeke ta e phuv dia e septelie.#1 R 18.42-45.
Kana o lleno bilacho irilpe karing o Del.
19Phlalalen, fiko tumendar te duriola katar o chachipe, ta vareko tumendar te cherela gole llene te irilpe, 20te llanel kai gua lleno kai cherel avere te irilpe katar o bilachipe, braduil iek zivoto ta ucharel but bilachipe.#Pr 10.12; 1 P 4.8.
Currently Selected:
Santiago 5: BACHRO
Highlight
Copy
Compare
Share
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
