1 Pedro 1
1
Salami
1Me o Pedro apostol e Jesukristoko, blagosiv golen kai zivin dur katar lengi phuv, ando Ponto, Galasia, Kapadosia, Asia ta Bitinia,#Stg 1.1. 2gia sar saia leki volia o Del o Dad ezvisarda tumen te aven leko foro, ta e Santone Duoia ta e merimaia e Jesukristoki chistosarda len katar sa o bilachipe te cheren leki volia. Mangav o Del te volil tumen but ta te del tumen te zivin ande pas.
Blagosisara e Devle
3Blagosisara e Devle, Dad amare Gazdako o Jesukristo, kai pala e zalba kai si le pe amende cheres o Jesus kai ustilo katar o meripe pharruda sa amaro zivoto, i kana amen ni sam lache o Del volil amen a cheres po baro volipe pharruda amaro zivoto, gia suako drom te avel amen vera ande amaro braduipe,#Jn 3.3-7; Ro 6.4-13; 1 P 1.22. 4ta ka cherel te len tumen o baro chari kai o Del guruvel tumenge ando miloso ta kai nasti zatrilpe. 5Pala o pachape kai si tumen ando Del, vou arakhel tumen te sai len o braduipe kai vou guruvel te sikavel le ande llivesa kai si te aven mai angle.
6Goleke tumen sen vesele, a akana si o vreme kai morabi te nakhen ando zumadipe ta e duk. 7Soke tumaro pachape si sargo o sunakai kai morabi te zumadol ande iag dal si lacho. O pachape kai si zuralo ando zumadipe mol le mai but neko o sunakai, ta o sunakai zatrilpe. Isto gia tumaro pachape kana ka avel zumado ta ka achel zuralo, ka lel o chari glamno ta i sukar kana ka avel o Jesukristo.
8Tumen volin e Jesukristo ta ni dikhlen le, ta pala o pachape kai si tumen ande le, ka avel tumenge iek bari veselia kai nasti sikavenla orbenchar,#Jn 20.29. 9soke ka resen kote kai mangen te aven ando pachape, kai gua si o braduipe.
10E poraukura phende katar o braduipe ta phende kai o Del pala e zalba kai si le pe tumende ka braduil tumen. 11O Duo e Kristoko cherela e profetanen te llanen ko ka avel o Mesias ta kana saia te avel ando sueto. 12A o Del dia len te llanen na pala lende, gua dia len te llanen pala tumende. Gaia si e viasta kai von sikade tumen, ta sikade le e Santone Duoia, kai saia bichaldo e milosotar. ¡Gala ezgode e suechura mangena te dikhen! 13Goleke, arakhen tumen ta mislin tumen so ka cheren, te aven suako drom orta. Morabi te avel tumen vera kai ande Devleko volipe kana ka irilpe o Jesukristo ka del tumen lachipe.
O Del ikharel amen pala o zivoto nevo
14Zivin sargo chaurre kai kanden, ta na zivin sar zivina omanglal kana ni pinllarena e Devle. 15Goleke na cheren o bilachipe ta achen sante, soke o Del esvirisarda tumen te aven leko foro, 16ta ando Pisipe phenel: Me sem iek Del inai sargo ogola dela, pala gua tumen morabi te na aven sargo o sueto.#Lv 11.44-45; 19.2.
17O Del si o krisari saurrenge na samo nesave llenenge. Vou ka chinel e kris katar sa so cherdam amen; goleke, te phenen tumen kai o Del si tumaro Dad, morabi te blagosisaren le ostade. 18Soke o Del ikharda tumen kana zivina samo gia, gia sar sikadea tumen tumare dada. Ta llanen kai pala tumaro braduipe vou ni pochinda ezgodenchar kai sai zatrinpe. 19Vou braduisarda tumen cheres e Kristoko rat. Kai saia dino sargo iek kurbano lacho vi dosako. 20Gua chinada le o Del mai anglal te cherel e sueto, ta o Kristo avilo ande gava vreme tumare lachimake. 21Cheres o Kristo tumen pachan ando Del ta pachan kai o Del vazdia le katar o meripe ta dia le baro liubao, goleke tumen thoden tumaro pachape ta tumari vera ando Del.
22Akana kanden e viasta chachuni goleke o Del chistosarda sa tumaro bilachipe te avel volipe maskar tumende. Morabi te volin iek avere chache e liea ta sa e zoraia. 23Soke pale biandilan, na datar ta dadetar, biandilan katar e alava e Devleke, kai si llunde ta achen ostade.#Jn 3.3-7; Stg 1.18; 1 P 1.13. 24Soke o Pisipe phenel:
Sa e manusa si sargo e patra,
e patra sukon ta e lulunlla peren,
25a e Devleke alava achen ostade.#Is 40.6-8.
Ta gaia si e viasta lachi kai me phenav tumenge.
Currently Selected:
1 Pedro 1: BACHRO
Highlight
Copy
Compare
Share
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
