Isaias 62
62
1Pala o volipe po Sion
ni ka phandav mo mui,
ta pala o volipe po Jerusalem
ni ka achav te lelpe mandar o chiñipe,
lligo ni ka likel sargo villelo leko chachipe,
ta lligo ni ka phabol sargo iek plameko.
2Ondaka e phuvia ka dikhel cho chachipe
ta sa e charura chi blagosipe,
ta ka avel chuke thodo aver anav
kai o Del ka phenel le.#Is 1.26; 62.12; Jer 33.16; Ez 48.35.
3Ta ka ave iek korona ande Devleko va,
iek ezgoda kai dikhol sukar ando va e Devleko.
4Nikada ios ni ka phenen chuke E korkorre,
ta chi phuv ni ka achel pusti,
soke ka ikharen tut Mi dragostia,
a che phuvia E zinime,
soke o Del ka veselilpe cheres tu
ta chi phuv ka zinilpe.#Is 60.15; Os 2.23.
5Soke isto gia sar o terno zinilpe e cheaia,
gia ka zininpe tuia che chave
ta gia sar veselilpe o rrom pe rromiaia,
isto gia ka veselilpe tuia cho Del.
6Ioi Jerusalem, pe che zidura thodem
llenen te arakhen, sorro llive ta sorro riat
ni ka achen te den orba.
Gola kai den tumen golli katar o Del
te na achen,#Is 52.8; Ez 33.
7na muken le te lelpe letar o chiñipe
lligo ni ka thovel pe po than pale o Jerusalem,
ta te thovel le sargo blagosipe pe phuv.
8O Del dia po alav pala po va,
pala po va o zuralo phenda:
Nikada ni ka dav cho lliu
te jan che dusmanura,
ta ni e llene avere phuvienge
ni ka pien e mol kai radisardan te chere.
9Gola kai ka radin e phuv ka jan latar,
ta ka blagosin e Devle
ta gola kai ka cheren e mol ka pien latar
ande bar katar mo santuario,
10Nakhen, nakhen katar e udara,
metin o drom e foroke, orton, orton o drom,
ikanen e barra, vazden iek bariako e foroke.
11O Del cherda te asundol pe sa e phuv:
Phenen e cheake katar o Sion:
Avel cho Braduimari, ta anel pea so si te del,
ta angla le so vou cherel.#Is 40.10.
12Ta ka ikharen len foro santo,
braduime e Devletar, a tut ka ikharen
foro kai roden tut a na foro chudino.
Currently Selected:
Isaias 62: BACHRO
Highlight
Share
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
